Category: Gambling & Casinos

Posted on by — Leave a comment

លោកមហាសេដ្ឋី Mark Scheinberg សហស្ថាបនិកនិងជាអតីតប្រធានក្រុមហ៊ុន PokerStars

លោក Mark Scheinberg កើតនៅឆ្នាំ ១៩៧៣ ដែលជាពាណិជ្ជករជនជាតិអ៊ីស្រាអែល-កាណាដា ។ គាត់គឺសហស្ថាបនិកនិងជាអតីតប្រធានក្រុមហ៊ុន PokerStars ។

អាជីព៖

នៅខែ មិថុនា ឆ្នាំ ២០១៤ ត្រូវបានគេរាយការណ៍ថាក្រុមហ៊ុន Rational Group Ltd ដែលជាក្រុមហ៊ុនមេរបស់ PokerStars ត្រូវបានទិញដោយក្រុមហ៊ុន Amaya Gaming Group នៃប្រទេសកាណាដាក្នុងតម្លៃ ៤,៩ ពាន់លានដុល្លារ ។ លោក Scheinberg គឺជានាយកប្រតិបត្តិនិងជាម្ចាស់ ៧៥% នៃក្រុមហ៊ុន Rational ដែលជាកម្មសិទ្ធិរបស់ក្រុមហ៊ុន Full Tilt Poker ។ នេះបើយោងតាមរយះទស្សនាវដ្តី Forbes បានឲ្យដឹងថាលោក Scheinberg មានទ្រព្យសម្បត្តិសរុប ៤.៥ ពាន់លានដុល្លារគិតត្រឹមខែ​ មីនា ឆ្នាំ ២០១៧ ។

ទ្រព្យសម្បត្តិ៖ Mark Scheinberg

លោក Mark Scheinberg គឺជាអ្នកជំនួញនិងជាសហគ្រិនជនជាតិអ៊ីស្រាអែល-កាណាដាដែលមានទ្រព្យសម្បត្តិសរុបចំនួន ៤,១ ពាន់លានដុល្លារ ។ គាត់កើតនៅប្រទេសអ៊ីស្រាអែលក្នុងឆ្នាំ ១៩៧៣ ដែលត្រូវបានគេស្គាល់ថាជាសហស្ថាបនិកនិងជាសហម្ចាស់នៃក្រុមហ៊ុន PokerStars ។ លោក Scheinberg បានផ្លាស់ទៅរស់នៅទីក្រុងតូរ៉ុនតូប្រទេសកាណាដានៅពេលគាត់មានអាយុ ១៣ ឆ្នាំ ។ ហើយក្រោយមកគាត់បានចាប់ផ្តើមចូលប្រឡូកក្នុងវិស័យហ្គេមអនទ្បាននៅអាយុ ២៨ ឆ្នាំ ។ លោក Scheinberg គឺជាម្ចាស់និងជានាយកប្រតិបត្តិនៃក្រុមហ៊ុន Rational ៧៥% ដែលជាឥទ្បូវនេះវាជាកម្មសិទ្ធិរបស់ក្រុមហ៊ុន Full Tilt Poker ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Jon Yarbrough ជាស្ថាបនិករបស់ក្រុមហ៊ុនបច្ចេកវិទ្យាផលិតវីដេអូហ្គេម

លោក Jon Yarbrough គឺជាស្ថាបនិករបស់ក្រុមហ៊ុនបច្ចេកវិទ្យាផលិតវីដេអូហ្គេម ។ 

អាជីព៖

នៅឆ្នាំ ១៩៩១ លោក Jon Yarbrough បានបង្កើតក្រុមហ៊ុនបច្ចេកវិទ្យាផលិតវីដេអូហ្គេម ។ នៅខែ តុលា ឆ្នាំ ២០១៤ គាត់បានលក់វាទៅឱ្យក្រុមហ៊ុនអូស្ត្រាលី Aristocrat Leisure ក្នុងតម្លៃ ១,២៨ ពាន់លានដុល្លារ​ ។ គិតត្រឹមខែ កញ្ញា ឆ្នាំ ២០១៥ គាត់មានទ្រព្យសម្បត្តិសរុបចំនួន ១,៧ ពាន់លានដុល្លារអាមេរិក ។

ទ្រព្យសម្បត្តិ៖ Jon Yarbrough

លោក Jon Yarbrough គឺជាពាណិជ្ជករនិងជាសហគ្រិនជនជាតិអាមេរិកម្នាក់ដែលមានទ្រព្យសម្បត្តិសរុប ១.៦៦ ពាន់លានដុល្លារ ។ ក្រុមហ៊ុនមួយនេះបានចាប់ផ្តើមបង្កើតវីដេអូហ្គេមជាច្រើនដែលមានអ្នកលេងជាច្រើននៅទូទាំងពិភពលោក ។ ក្រុមហ៊ុន VGT ត្រូវបានបង្កើតឡើងដោយ Yarbrough ក្នុងឆ្នាំ ១៩៩១ ហើយគាត់ក៏បានបម្រើការជាប្រធានក្រុមប្រឹក្សាភិបាលផងដែរ ។ ក្រុមហ៊ុននេះល្បីខាងអភិវឌ្ឍន៏និងផលិតវីដេអូហ្គេមក៏ដូចជាម៉ាស៊ីនស្លុតប្រើក្នុងកាស៊ីណូផងដែរ ។ នៅខែ មិថុនា ឆ្នាំ ២០១៤ គាត់បានប្រកាសលក់ក្រុមហ៊ុននេះទៅឱ្យក្រុមហ៊ុនអូស្ត្រាលី Aristocrat Leisure ក្នុងតម្លៃ ១,២៨ ពាន់លានដុល្លារ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Johann Graf ជាស្ថាបនិករបស់ក្រុមហ៊ុន Novomatic ដែលជាក្រុមហ៊ុនភ្នាល់ល្បែងរប​ស់ប្រទេសអូទ្រីស

លោក Johann Graf កើតនៅឆ្នាំ ១៩៤៦ ដែលជាពាណិជ្ជករជនជាតិអូទ្រីស ។ គាត់គឺជាស្ថាបនិករបស់ក្រុមហ៊ុន Novomatic ដែលជាក្រុមហ៊ុនភ្នាល់ល្បែងរប​ស់ប្រទេសអូទ្រីស ។ គាត់បានបង្កើតក្រុមហ៊ុន Gerhard Brodnik the Brodnik & Graf GmbH ដែលជាក្រុមហ៊ុននាំចូលម៉ាស៊ីន pinball ។ នេះបើយោងតាមបញ្ជីឈ្មោះមហាសេដ្ឋីពិភពលោករបស់ទស្សនាវដ្តី Forbes បានឲ្យដឹងថាគាត់មានទ្រព្យសម្បត្តិសរុប ៧ ពាន់លានដុល្លារគិតត្រឹមខែ កក្កដា ឆ្នាំ ២០១៥ ។

ទ្រព្យសម្បត្តិ៖ Johann Graf

លោក Johann Graf គឺជាអ្នកជំនួញជនជាតិអូទ្រីសដែលមានទ្រព្យសម្បត្តិសរុបប្រមាណ ៩,១៦ ពាន់លានដុល្លារគិតត្រឹមខែ មករា ឆ្នាំ ២០១៨ ។ គាត់ត្រូវបានគេចាត់ទុកថាជាបុគ្គលម្នាក់ក្នុងចំណោមអ្នកមានជាងគេបំផុតនៅប្រទេសអូទ្រីស ។ លោក Johann Graf ទទួលបានទ្រព្យសម្បត្តិសុទ្ធភាគច្រើនពីក្រុមហ៊ុនរបស់គាត់ក៏ដូចជាម្ចាស់ភាគហ៊ុនភាគច្រើននៃក្រុមហ៊ុន Novomatic Group ផងដែរ ។ បច្ចុប្បន្នក្រុមហ៊ុននេះបានប្រតិបត្តិការនៅក្នុងប្រទេសចំនួន ៣២ និងនាំចេញឧបករណ៍ទៅកាន់ប្រទេសជាង ៧០ នៅទូទាំងពិភពលោក ។

គិតត្រឹមឆ្នាំ ២០១១ ប្រាក់ចំណូលរបស់ក្រុមហ៊ុនមួយនេះត្រូវបានគេប៉ាន់ប្រមាណថាមានប្រហែល ៤,៣ ពាន់លានដុល្លារហើយបច្ចុប្បន្នក្រុមហ៊ុនបានជួលបុគ្គលិកប្រហែល ១៨,០០០ នាក់ ។  សព្វថ្ងៃនេះក្រុមហ៊ុននេះក៏ដំណើរការនៅក្នុងកន្លែងភ្នាល់កីឡានិងកន្លែងលេងល្បែងប្រមាណ ១២០០ កន្លែងព្រមទាំងកាស៊ីណូអេឡិចត្រូនិកផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kazuo Okada ជាស្ថាបនិក និងជានាយកប្រតិបតិ្តរបស់ក្រុមហ៊ុន Universal Entertainment Corporation ដែលជាក្រុមហ៊ុនផលិតម៉ាស៊ីន Slot

លោក Kazuo Okada កើតនៅឆ្នាំ ១៩៤៣ គឺជាសហគ្រិនជនជាតិជប៉ុន និងជាអ្នកប្រមូលសិល្បៈ ។ គាត់គឺជាស្ថាបនិក និងជានាយកប្រតិបតិ្តរបស់ក្រុមហ៊ុន Universal Entertainment Corporation ដែលជាក្រុមហ៊ុនផលិតម៉ាស៊ីន Slot ។ បច្ចុប្បន្នក្រុមហ៊ុននេះមានគម្រោងធំបំផុតលើការសាងសង់សណ្ឋាគារ និងរមណីយដ្ឋានទំហំ ៤៤ ហិកតានៅក្នុងទីក្រុងម៉ានីល ។

លោក Kazuo បានបម្រើការជាប្រធានក្រុមហ៊ុនសាជីវកម្ម Universal Entertainment Corporation ។ ហើយគាត់ក៏ជានាយកប្រតិបត្តិរបស់ក្រុមហ៊ុន Wynn Resorts ។ គិតត្រឹមថ្ងៃទី ៩ ខែ កញ្ញាឆ្នាំ ២០១៦ គាត់មានទ្រព្យសម្បត្តិសុទ្ធប្រមាណ ២ ពាន់លានដុល្លារអាមេរិក ។

អាជីព៖

នៅចុងឆ្នាំ ១៩៦៩ ដំណើរទស្សនកិច្ចលើកដំបូងរបស់លោក Kazuo ទៅកាន់ទីក្រុងឡាសវេហ្គាសបាននាំឱ្យគាត់សម្រេចចិត្តចូលប្រឡូកក្នុងអាជីវកម្មផលិតម៉ាស៊ីនស្លុត ។ គាត់បានបង្កើត “pachislot” ដែលជាម៉ាស៊ីនស្លុតដំបូងរបស់គាត់ដែលជាការច្នៃប្រឌិតថ្មីមួយដែលជួយពង្រីកទីផ្សាររបស់ជប៉ុន ។ ហើយវាក៏បានធ្វើឱ្យម៉ាស៊ីនស្លុតរបស់គាត់ពេញនិយមនៅទីក្រុងឡាសវេហ្គាសផងដែរ ។ លោក Kazuo Okada គឺជាពាណិជ្ជករជនជាតិជប៉ុនម្នាក់ដែលមានទ្រព្យសម្បត្តិសរុប ១,៥ ពាន់លានដុល្លារ ។ គាត់គឺជាមនុស្សម្នាក់ក្នុងចំណោមអ្នកមានជាងគេបំផុតនៅក្នុងប្រទេសជប៉ុន ។  

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Karel Komarek ជាអ្នកវិនិយោគនៅក្នុងវិស័យប្រេង និងឧស្ម័នធម្មជាតិ

លោក Karel Komarek គឺជាអ្នកវិនិយោគនៅក្នុងវិស័យប្រេង និងឧស្ម័នធម្មជាតិ ។ នៅឆ្នាំ ២០១៦ គាត់បានបង្កើតក្រុមហ៊ុន Sazka Group ជាមួយវិនិយោគិនជនជាតិឆែកគឺ Jiri Smejc ។ លោក Karel ក៏ចូលរួមចំណែកផងដែរនៅក្នុងការអភិវឌ្ឍន៍លើវិស័យអចលន ទ្រព្យពាណិជ្ជកម្មនិងលំនៅដ្ឋាននៅក្នុងទីក្រុង Prague ផងដែរ ។ នៅឆ្នាំ ២០១៦ គាត់បានឈានចូលទៅក្នុងទីផ្សារអាមេរិចជាមួយក្រុមហ៊ុនបង្កើតថ្មីរបស់អាមេរិកឈ្មោះ Methanol ដែលមានមូលដ្ឋាននៅទីក្រុង Charleston រដ្ឋ West Virginia ។ គាត់មានគម្រោងដំណើរការរោងចក្រមួយដែលជាការផលិតផលឧស្ម័នធម្មជាតិដែលមានការប្រើប្រាស់ច្រើន ។ 

ទ្រព្យសម្បត្តិសុទ្ធ៖ Karel Komarek

លោក Karel Komarek គឺជាពាណិជ្ជករជនជាតិឆែកដែលមានទ្រព្យសម្បត្តិសុទ្ធសរុប ១,៦ ពាន់លានដុល្លារ ។ គាត់បានចាប់ផ្តើមអាជីវកម្មជំនួញរបស់គាត់ជាលក្ខណៈគ្រួសារនៅដើមទស្សវត្សរ៍ឆ្នាំ ១៩៩០ ។

លោក Karel Komarek គឺជាអ្នកគ្រងក្រុមហ៊ុន Moravske Naftove Doly ដែលជាក្រុមហ៊ុនផលិតប្រេង​ និងឧស្ម័នធំជាងគេនៅសាធារណរដ្ឋឆែក ។ ហើយគាត់ក៏មានបំណងចង់រួបរួមជាមួយក្រុមហ៊ុន Gazprom របស់រុស្ស៊ីក្នុងបង្កើតឧស្ម័នហ្គាសផងដែរ ។ គាត់បានបន្តបង្កើតផលចំណេញដ៏ធំរបស់គាត់នៅពេលគាត់បានផ្តល់ប្រាក់ចំនួន ៣០០ លានដុល្លារបន្ថែមទៀតដើម្បីទិញភាគហ៊ុនដែលនៅសល់ ៥០% នៃក្រុមហ៊ុន Sazka ពីអតីតដៃគូរបស់គាត់ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Teddy Sagi ជាសហស្ថាបនិករបស់ក្រុមហ៊ុន Playtech ដែលជាក្រុមហ៊ុនផលិតកម្មវិធីហ្គេម FTSE

លោក Teddy Sagi កើតនៅឆ្នាំ ១៩៧១ គឺជាជនជាតិអ៊ីស្រាអែល ។ គាត់គឺជាសហស្ថាបនិករបស់ក្រុមហ៊ុន Playtech ដែលជាក្រុមហ៊ុនផលិតកម្មវិធីហ្គេម FTSE ។ ហ់ើយគាត់ក៏ជាម្ចាស់ភាគហ៊ុនធំរបស់ក្រុមហ៊ុន Market Tech Holdings ផងដែរ ។ លោក Teddy ក៏ជាអ្នកវិនិយោគនៃអាជីវកម្មបច្ចេកវិទ្យាទំនើបដែលត្រូវបានចុះបញ្ជីនៅ AIM ។ 

អាជីព៖

លោក Teddy Sagi មានភាគហ៊ុន ៣៣.៦% នៅក្នុងក្រុមហ៊ុន Playtech  វាត្រូវបានបង្កើតឡើងក្នុងឆ្នាំ ១៩៩៩ ។ នៅឆ្នាំ ២០០៦  ក្រុមហ៊ុននេះត្រូវបានចុះបញ្ជីនៅលើទីផ្សារភាគហ៊ុននៃទីក្រុងឡុងដ៍ក្នុងតម្លៃដែលធ្វើឱ្យអាជីវកម្មមានតម្លៃប្រហែល ៥៥០ លានផោន ។ លោក Teddy គឺជាវិនិយោគិនរបស់ SafeCharge ដែល​ជា “អ្នកផ្តល់សេវាកម្មបង់ប្រាក់តាមអ៊ិនធរណេត” ដែលបានចុះបញ្ជីនៅលើទីផ្សារវិនិយោគ(AIM) នៃផ្សារហ៊ុនទីក្រុងឡុងដ៍ ។ លើសពីនេះទៀតគាត់គឺជាអ្នកវិនិយោគនៃ Crossrider ដែលជាអ្នកធ្វើឱ្យគេហទំព័រកាន់តែប្រសើរឡើង ។

Camden Market Holdings ដែលជាកម្មសិទ្ធិរបស់ Camden Market, Stables Market និង Camden Lock ត្រូវបាន Teddy Sagi ទទួលបាននៅខែ មីនា ឆ្នាំ ២០១៤ ក្នុងតម្លៃ ៤០០ លានផោន (៦៦៤ លានដុល្លារ) ពី Bebo Kobo (ម្ចាស់ ៥០%) និង Richard Caring និង Elliott Bernerd ។ 

នៅខែ វិច្ឆិកា ឆ្នាំ ២០១២ លោក Teddy បានចំណាយប្រាក់ចំនួន ៤ លានដុល្លារនៅក្នុងក្រុមហ៊ុន Sync.me ។ នៅខែ មេសា ឆ្នាំ ២០១៥ យោងតាមរយះទស្សនាវដ្តី Forbes បានប៉ាន់ប្រមាណថាទ្រព្យសម្បត្តិសុទ្ធរបស់លោក Teddy គីមានចំនួន ៣,៣ ពាន់លានដុល្លារ ។ នៅខែ សីហា ឆ្នាំ ២០១៥ ក្រុមហ៊ុន The GoodVision Trust (អ្នកទទួលផល Teddy Sagi) បានលក់ភាគហ៊ុនចំនួន ២៤,៧៩% នៃក្រុមហ៊ុនអចលនទ្រព្យអូទ្រីសដែលមានទំនាក់ទំនងជាមួយក្រុមហ៊ុន Immobilien Invest SE ទៅឱ្យក្រុមហ៊ុនអចលនទ្រព្យអាល្លឺម៉ង់ ADLER Real Estate AG ហើយតម្លៃទីផ្សារនៃភាគហ៊ុនទាំងនេះគឺ ០,២៥ ពាន់លានអឺរ៉ូ ។

លោក Teddy គីបានបង្កើតគេហទំព័រហ្គេម Playtech ដែលគាត់បានដាក់លក់ជាសាធារណៈនៅលើទីផ្សារភាគហ៊ុនទីក្រុងឡុងដ៍ក្នុងឆ្នាំ ២០០៦ ហើយឥឡូវនេះគាត់គឺជាម្ចាស់ភាគហ៊ុនមួយចំណែក ។ ហើយវាក៏ជាកម្មសិទ្ធិរបស់សេវាកម្មពាណិជ្ជកម្មអេឡិចត្រូនិកជាច្រើនក្រុមហ៊ុនទូទាត់តាមអ៊ីនធឺណេតសេវាកម្មផ្ញើសារបន្ទាន់ម៉ាស្ទ័របូក និងអចលនទ្រព្យពាណិជ្ជកម្ មនិងសណ្ឋាគារនៅអឺរ៉ុប ។ 

 ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកស្រីមហាសេដ្ឋី Denise Coates ជាស្ថាបនិក និងជានាយកប្រតិបត្តិរបស់ក្រុមហ៊ុន Bet365 ដែលជាគេហទំព័រភ្នាល់ល្បែងនៅលើបណ្តាញអ៊ីនធឺណិត

លោកស្រី Denise Coates កើតនៅថ្ងៃទី ២៦ ខែ កញ្ញា ឆ្នាំ ១៩៦៧ ដែលជាពាណិជ្ជករជនជាតិអង់គ្លេស ។ លោកស្រីគឺជាស្ថាបនិក និងជានាយកប្រតិបត្តិរបស់ក្រុមហ៊ុន Bet365 ដែលជាគេហទំព័រភ្នាល់ល្បែងនៅលើបណ្តាញអ៊ីនធឺណិត ។ នេះបើយោងតាមរយះទស្សនាវដ្តី Forbes បានឲ្យដឹងថាលោកស្រី Denise ត្រូវបានគេចាត់ថ្នាក់ចូលទៅក្នុងចុះបញ្ជីឈ្មោះមហាសេដ្ឋីពិភពលោកដែលទ្រព្យសម្បត្តិផ្ទាល់ខ្លួនប្រមាណ ២,៥ ពាន់លានដុល្លារ ។

ជីវិតដំបូង៖

លោកស្រី Denise Coates គឺជាកូនស្រីច្បងរបស់លោក Peter Coates ដែលជាប្រធានក្រុមហ៊ុន Stoke City F.C. និងជានាយកប្រតិបត្តិរបស់ក្រុមហ៊ុន Bet365 ។​ លោកស្រី Denise បានចូលរៀននៅឯសាកលវិទ្យាល័យ Sheffield និងទទួលបានសញ្ញាប័ត្រផ្នែកវិទ្យាសាស្ត្រសេដ្ឋកិច្ច ។ លោកស្រី Denise បានចាកចេញពីសាកលវិទ្យាល័យហើយក្រោយមកគាត់ត្រូវបានបណ្តុះបណ្តាលជាគណនេយ្យករម្នាក់នៅក្នុងអាជីវកម្មគ្រួសាររបស់គាត់មុនពេលត្រូវបានផ្តល់ឱកាសឱ្យកាន់កាប់លើបណ្តាហាងតូចៗជាច្រើន ។

ក្រុមហ៊ុន Bet365

នៅខែ មករា​ ឆ្នាំ ២០០០ លោកស្រី Denise បានទិញយកឈ្មោះពីក្រុមហ៊ុន Domain Bet365.com ។ ក្រុមហ៊ុន Bet365.com ដែលជាគេហទំព័រភ្នាល់ល្បែងនៅលើបណ្តាញអ៊ីនធឺណិតដែលត្រូវបានបង្កើតឡើងក្នុងឆ្នាំ ២០០១ ។ ចាប់តាំងពីការចាប់ផ្តើមបង្កើតក្រុមហ៊ុន Bet365 ក្រុមហ៊ុនមួយនេះមានភាពរីកចម្រើនហើយនឹងបានក្លាយទៅជាក្រុមហ៊ុនភ្នាល់ល្បែងនៅលើបណ្តាញអ៊ីនធឺណេតដ៏ធំបំផុតមួយនៅលើពិភពលោក ។

លោកស្រី Denise គឺជាម្ចាស់ភាគហ៊ុនភាគច្រើនដែលមានភាគហ៊ុនចំនួន ៥០.០១ ភាគរយនៅក្នុងក្រុមហ៊ុន ។ នេះបើយោងតាមរយះទស្សនាវដ្តី Forbes បានឲ្យដឹងថាលោកស្រី Denise ត្រូវបានគេប៉ាន់ស្មានថាមានទ្រព្យសម្បត្តិផ្ទាល់ខ្លួនចំនួន ២,៥ ពាន់លានដុល្លារដែលធ្វើឱ្យលោកស្រីបានក្លាយជាអ្នកមានជាងគេបំផុតទី ៧២៣ នៅលើពិភពលោក​ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកស្រីមហាសេដ្ឋី Pansy Ho ជានាយកគ្រប់គ្រងនៃក្រុមហ៊ុនចម្រុះនៅម៉ាកាវ

លោកស្រី Pansy Catalina Ho Chiu-king កើតនៅថ្ងៃទី ២៦ ខែ សីហា ឆ្នាំ ១៩៦២ ដែលជាអ្នកជំនួញ និងជាមហាសេដ្ឋីមកពីម៉ាកាវ ។ លោកស្រី Pansy គឺជាកូនស្រីរបស់មហាសេដ្ឋីជំនួញម៉ាកាវដែលមានមូលដ្ឋាននៅទីក្រុងហុងកុង និងម៉ាកាវ ។  លោកស្រីគឺជានាយកគ្រប់គ្រងនៃក្រុមហ៊ុនចម្រុះដែលគាត់បានបង្កើតរួមមានក្រុមហ៊ុន Shun Tak Holdings ដែលជាក្រុមហ៊ុនអចលនទ្រព្យនិងដឹកជញ្ជូននិងក្រុមហ៊ុន Sociedade de Turismo e Diversões de Macau ដែលជាក្រុមហ៊ុនល្បែងនៅក្នុងទីក្រុងម៉ាកាវ។

ជីវិតដំបូង និងការអប់រំ៖

លោកស្រី Pansy បានចូលរៀននៅវិទ្យាល័យ Castilleja នៅ Palo Alto រដ្ឋកាលីហ្វ័រញ៉ាហើយបានបន្តការសិក្សានៅសាលា Santa Clara ដោយបានបញ្ចប់ការសិក្សាថ្នាក់បរិញ្ញាបត្រផ្នែកទីផ្សារ និងជំនួញ ។ ហើយលោកស្រីក៏បានចូលរួមនៅក្នុងសាលា St. Paul’s Convent School នៅទីក្រុង Causeway Bay (ហុងកុង) ជាកន្លែងដែលជាផ្នែកមួយនៃអនុវិទ្យាល័យ និងវិទ្យាល័យរបស់គាត់ ។

អាជីព៖

នៅឆ្នាំ ១៩៨១ លោកស្រី Pansy បានចាប់ផ្តើមអាជីពរបស់គាត់នៅក្នុងក្រុមហ៊ុនឧស្សាហកម្មកម្សាន្តមួយនៅក្នុងទីក្រុងហុងកុងដោយបានបង្ហាញខ្លួនជាមួយតារាសម្តែង Danny Chan ដែលពេលនោះគាត់ទើបតែចូលប្រឡូកនៅក្នុងវិស័យមួយនេះត្រឹមតែរយៈពេល ២ ឆ្នាំប៉ុណ្ណោះនៅក្នុងកម្មវិធីទូរទស្សន៍ Breakthrough ។

ហើយក្រោយមកនៅអាយុ ២៦ ឆ្នាំលោកស្រីបានចាប់ផ្តើមបង្កើតក្រុមហ៊ុនទំនាក់ទំនងសាធារណៈផ្ទាល់ខ្លួន ។ ហើយគាត់ក៏បានគាំទ្រដល់ការខិតខំប្រឹងប្រែងរបស់បងស្រីគាត់គឺលោកស្រី Josie Ho ដើម្បីបង្កើតអាជីពច្រៀងដោយខ្លួនឯងនៅដើមទសវត្សឆ្នាំ ១៩៩០ ជុំវិញការជំទាស់ពីឪពុករបស់ពួកគេ ។

លោកស្រី Pansy បានកាន់កាប់ភាគហ៊ុន ២៩ ភាគរយនៃក្រុមហ៊ុន MGM Grand Macau ដែលជាសមាគមមួយដែលបានបង្ហាញពីភាពចម្រូងចម្រាសជាមួយដៃគូអាជីវកម្ម MGM Mirage ។ គណៈកម្មការគ្រប់គ្រងល្បែង និងគណៈកម្មការល្បែងរបស់ Nevada បានបើកសវនាការយ៉ាងទូលំទូលាយនៅខែ មិនា ឆ្នាំ ២០០៧ ស្តីពីបញ្ហាភាពជាដៃគូរបស់ក្រុមហ៊ុន MGM ជាមួយលោកស្រី Pansy ដែលពួកគេគិតថាគាត់គឺជាដៃគូអាជីវកម្មដែលសមរម្យ ។ ទោះយ៉ាងណានៅក្នុងខែ មីនា ឆ្នាំ ២០១០ លោកស្រី Pansy ត្រូវបានហាមឃាត់មិនឱ្យបើកអាជីវកម្មល្បែងមួយនៅរដ្ឋ New Jersey ដោយសារការសន្និដ្ឋានរបស់និយតករល្បែងដោយផ្អែកលើបទបញ្ញត្តិនៃល្បែងស៊ីសង Cap 148 ។  

ទ្រព្យសម្បត្តិ៖ Pansy Ho 

លោកស្រី​ Pansy Ho គឺជាប្រតិបត្តិករកាស៊ីណូជនជាតិចិន និងជានាយកប្រតិបត្តិរបស់ក្រុមហ៊ុនចម្រុះដែលមានទ្រព្យសម្បត្តិសុទ្ធចំនួន ៦ ពាន់លានដុល្លារ ។ លោកស្រី Pansy គឺជាគ្រប់គ្រងក្រុមហ៊ុនចម្រុះដែលបង្កើតឡើងដោយឪពុករបស់គាត់រួមមានក្រុមហ៊ុន Shun Tak Holdings ដែលជាក្រុមហ៊ុនអចលនទ្រព្យ និងដឹកជញ្ជូន និងក្រុមហ៊ុន Sociedade de Turismo e Diversoes de Macau ដែលជាក្រុមហ៊ុនល្បែងនៅក្នុងទីក្រុងម៉ាកាវ ។

នៅក្នុងខែ តុលា ឆ្នាំ ២០១២ លោកស្រី Pansy បានទទួលការយល់ព្រមពីរដ្ឋាភិបាលសម្រាប់ការបណ្តាក់ទុនរួមគ្នារបស់គាត់ជាមួយក្រុមហ៊ុន MGM Resorts International, MGM China ដើម្បីសាងសង់រមណីយដ្ឋានកាស៊ីណូមួយដែលមានទឹកប្រាក់ចំនួន ២,៥ ពាន់លានដុល្លារនៅលើកោះម៉ាកាវ ។ លោកស្រី Pansy គឺជាកូនស្រីច្បងក្នុងចំណោមបងប្អូន ៥ នាក់ដោយបានជាប់ចំណាត់ថ្នាក់ខ្ពស់បំផុតនៅក្នុងបញ្ជីឈ្មោះមហាសេដ្ឋីពិភពលោកដែលជាអ្នកមានបំផុតជាងគេបំផុតនៅក្នុងប្រទេសចិន ។

ប្រភព៖​ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Lawrence Ho ជានាយកប្រតិបត្តិរបស់ក្រុមហ៊ុន Melco International

លោក Lawrence Ho Yau Lung កើតនៅឆ្នាំ ១៩៧៦ ដែលជាអ្នកជំនួញហុងកុងជនជាតិចិន។ គាត់គឺជានាយកប្រតិបត្តិរបស់ក្រុមហ៊ុន Melco International និងជានាយកប្រតិបត្តិនៃក្រុមហ៊ុន Melco Crown Entertainment ។ ហើយគាត់ត្រូវបានគេលើកទ្បើងថាជាអ្នកផ្លាស់ប្តូរនៅក្នុងឧស្សាហកម្មល្បែងអាស៊ី។

ជីវិតដំបូង និងការអប់រំ៖

លោក Lawrence បានផ្លាស់ទៅរស់នៅប្រទេសកាណាដាកាលពីនៅក្មេង និងបានបញ្ចប់ការសិក្សាពីសាកលវិទ្យាល័យជាមួយនឹងបរិញ្ញាបត្រផ្នែកពាណិជ្ជកម្មក្នុងឆ្នាំ ១៩៩៩ ។ គាត់ត្រូវបានទទួលរង្វាន់ជាបណ្ឌិតកិត្តិយសពីសាកលវិទ្យាល័យ Edinburgh Napier ប្រទេសស្កុតលែនកាលពីខែ កក្កដា ឆ្នាំ ២០០៩ ។

លោក Lawrence គឺជាសមាជិកនៃគណៈកម្មាធិការជាតិនៃសន្និសីទពិគ្រោះយោបល់ផ្នែកនយោបាយរបស់ប្រជាជនចិន។ ហើយគាត់បានបម្រើនៅក្នុងក្រុមប្រឹក្សា និងគណៈកម្មាធិជាច្រើននៃក្រុមហ៊ុនដែលកាន់កាប់ដោយឯកជននៅទីក្រុងហុងកុង ម៉ាកាវ និងចិនដីគោកដោយទទួលស្គាល់ពីភាពជាអ្នកដឹកនាំ និងស្មារតីសហគ្រិនរបស់គាត់។ អ្នកវិនិយោគនៅក្នុងស្ថាប័នបានផ្តល់កិត្តិយសដល់គាត់ក្នុងនាមជា “នាយកប្រតិបត្តិដ៏ល្អបំផុត” ក្នុងឆ្នាំ ២០០៥ ។

លោក Lawrence ត្រូវបានជ្រើសរើសជាផ្នែកមួយនៃ “ការជ្រើសរើសមនុស្សដ៏ឆ្នើមទាំង ១០ នាក់ឆ្នាំ ២០០៦” ដែលត្រូវបានរៀបចំឡើងដោយសភាយុវជនអន្តរជាតិរបស់ប្រទេសហុងកុង។ នៅឆ្នាំ ២០០៧ គាត់ត្រូវបានគេបោះឆ្នោតជ្រើសរើសជាអ្នកចុងក្រោយ “ប្រធានល្អបំផុត” នៅក្នុងពានរង្វាន់“ អាជីវកម្មអន្តរជាតិ Stevie” និងជា“ មនុស្សមានឥទ្ធិពលបំផុតក្នុងចំណោមមនុស្ស ១០០ នាក់នៅទូទាំងអាស៊ីប៉ាស៊ីហ្វិក” ដោយទស្សនាវដ្តី Asiamoney ។

ក្នុងឆ្នាំ ២០០៨ លោក Lawrence ត្រូវបានក្រសួងកិច្ចការស៊ីវិលចិនផ្តល់នូវ “ពានរង្វាន់សប្បុរសធម៌ចិន” ។ ហើយក្នុងឆ្នាំ ២០០៩ គាត់ត្រូវបានជ្រើសរើសជាផ្នែកមួយនៃ “អ្នកជំនាញផ្នែកហិរញ្ញវត្ថុ និងវៃឆ្លាតកំពូលទាំង ១០ របស់ប្រទេសចិន” ដែលត្រូវបានវិនិច្ឆ័យដោយក្រុមអ្នកដឹកនាំដោយវិទ្យាស្ថានសិក្សាអភិវឌ្ឍន៍វប្បធម៌នៅទីក្រុងប៉េកាំងសម្រាប់ពានរង្វាន់សហគ្រិនភាពនៅអាស៊ីប៉ាស៊ីហ្វិក។ ក្នុងឆ្នាំ ២០១៤ លោក Lawrence ត្រូវបានទស្សនាវដ្តី  FinanceAsia ជ្រើសរើសជា “នាយកប្រតិបត្តិដ៏ល្អបំផុតម្នាក់នៅក្នុងទីក្រុងហុងកុង” ជាលើកទី ៥ ហើយគាត់ត្រូវបានផ្តល់កិត្តិយសក្នុងនាមជាអ្នកទទួលពានរង្វាន់សាជីវកម្មអាស៊ីសម្រាប់រយៈពេល ៣ ឆ្នាំជាប់ៗគ្នា។ គាត់ក៏ត្រូវបានគេផ្តល់រង្វាន់ជា “នាយកប្រតិបត្តិដ៏ល្អបំផុតនៅអាស៊ី” ក្នុងកម្មវិធីពានរង្វាន់ឧត្តមភាពអាស៊ីដោយទស្សនាវដ្តីសាជីវកម្មសាជីវកម្មអាស៊ីជាលើកទី ៤ ក្នុងឆ្នាំ ២០១៥ ។

ទ្រព្រសម្បត្តិ៖ Lawrence Ho

លោក Lawrence Ho គឺជាអ្នកជំនួញហុងកុងម្នាក់ដែលមានទ្រព្យសម្បត្តិសុទ្ធប្រមាណ ២,៤ ពាន់លានដុល្លារ។ ហើយវាបានកើតឡើងបន្ទាប់ពីការកើនឡើងនៃតម្លៃភាគហ៊ុននៅក្នុងក្រុមហ៊ុនកាន់កាប់ភាគហ៊ុនដែលចុះបញ្ជីនៅក្នុងទីក្រុងហុងកុងរគឺក្រុមហ៊ុន Melco International ។ ក្រុមហ៊ុន Melco Crown Entertainment របស់លោក Lawrence បានបណ្តាក់ទុនរួមគ្នាជាមួយមហាសេដ្ឋីអូស្ត្រាលីគឺលោក James Packer សម្រាប់ដំណើរការគម្រោងកាស៊ីណូនៅទីក្រុងម៉ាកាវ និងម៉ានីឡា។ នេះបើយោងតាមរបាយការណ៍ថ្មីៗនេះលោក Lawrence Ho នឹងសហការជាមួយលោក Robert De Niro និងអ្នកជំនួញមួយចំនួនទៀតដើម្បីបើកសណ្ឋាគារ Nobu នៅរមណីយដ្ឋាននៅទីក្រុងម៉ានីលឆ្នាំនេះផងដែរ។

ប្រភព៖ Phnom Pen HR​

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖