Category: មហាសេដ្ឋីជប៉ុន

Posted on by — Leave a comment

លោកមហាសេដ្ឋី Kenji Kasahara ជាអ្នកបង្កើតបណ្តាញទំនាក់ទំនងសង្គម Mixi

លោក Kenji Kasahara គឺជាអ្នកបង្កើតបណ្តាញទំនាក់ទំនងសង្គម Mixi ដែលត្រូវបានបង្កើតទ្បើងក្នុងឆ្នាំ 2004 ហើយវាត្រូវបានដាក់បង្ហាញជាសាធារណៈនៅឆ្នាំ 2006 ។ ក្នុងឆ្នាំ 2013 ក្រុមហ៊ុន Mixi បានបាត់បង់អតិថិជន និងអ្នកវិនិយោគ ខណៈដែលដៃគូប្រកួតប្រជែងបាននាំមុន ។

លោក Kasahara បានលាលែងពីតំណែងជា CEO ប៉ុន្តែគាត់នៅតែបន្តធ្វើជាប្រធាន ។ បន្ទាប់មកគាត់បានចាប់ផ្តើមផ្តោតលើអាជីវកម្មលើហ្គេមអនទ្បាញ ពាណិជ្ជកម្មអេឡិចត្រូនិក ។ ហ្គេមអនទ្បាន Monster Strike ដ៏ពេញនិយមរបស់ក្រុមហ៊ុន Mixi មានអតិថិជនរាប់សិបលានចូលរួមលេង ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Joe Gebbia ជាសហស្ថាបនិក និងជាប្រធានក្រុមហ៊ុន Airbnb

លោក Joseph “Joe” Gebbia Jr កើតនៅថ្ងៃទី 21 ខែ សីហា ឆ្នាំ 1981 គឺជាជនជាតិអាមេរិក និងជាសហគ្រិន ។ គាត់គឺជាសហស្ថាបនិក និងជាប្រធានក្រុមហ៊ុន Airbnb ។ ក្នុងឆ្នាំ 2009 លោក Gebbia ត្រូវបានគេចាត់ចូលទៅក្នុងបញ្ជីឈ្មោះមហាសេដ្ឋីពិភពលោកដោយទស្សនាវដ្តី BusinessWeek’s Top 20 Young Tech Entrepreneurs ។ ក្នុងឆ្នាំ 2013 គាត់ត្រូវបានគេដាក់ឈ្មោះនៅក្នុងទស្សនាវដ្តី Fortune Magazine’s Fortune Under-Forty ។

ការអប់រំ៖

លោក Joe Gebbia បានបញ្ចប់ការសិក្សានៅឆ្នាំ 2005 ពីសាលា Rhode Island School of Design ក្នុងទីក្រុង Providence រដ្ឋ Rhode Island ជាកន្លែងដែលគាត់ទទួលបានបរិញ្ញាបត្រផ្នែកវិចិត្រសិល្បៈផ្នែកក្រាហ្វិក និងការរចនាឧស្សាហកម្ម ។ លោក Joe បានជួបជាមួយនឹងដៃគូរបស់គាត់គឺ Brian Chesky ដែលជាអ្នកសហការបង្កើតក្រុមហ៊ុន Airbnb ។ 

អាជីព៖

បន្ទាប់ពីគាត់បានបញ្ចប់ការសិក្សាពី RISD Gebbia លោក Joe បានទទួលការងារនៅ Chronicle Books នៅទីក្រុង San Francisco ខណៈពេលដែល Chesky បានផ្លាស់ទៅទីក្រុង Los Angeles ។ គាត់បានបញ្ចុះបញ្ចូល Chesky ឱ្យផ្លាស់ទៅទីក្រុង San Francisco ក្នុងឆ្នាំ 2007 ដើម្បីចាប់ផ្តើមអាជីវកម្មជាមួយគ្នា។ 

ទ្រព្យសម្បត្តិ៖ Joe Gebbia

លោក​ Joe Gebbia គឺជាអ្នករចនា និងសហគ្រិនជនជាតិអាមេរិក ដែលមានទ្រព្យសម្បត្តិសុទ្ធចំនួន 3.3 ពាន់លានដុល្លារ ។ គាត់ត្រូវបានគេស្គាល់ថាជាសហស្ថាបនិក និងជាប្រធានក្រុមហ៊ុន Airbnb ដែលបានសហការបង្កើតជាមួយ Brian Chesky នៅពេលពួកគេរស់នៅទីក្រុង San Francisco ។ លោក​ Joe បានកាន់កាប់ភាគហ៊ុន 13% នៅក្នុងក្រុមហ៊ុន Airbnb ។ គាត់​ក៏​បម្រើ​ការ​នៅ​ក្រុមប្រឹក្សាភិបាល​នៅ​សាលា Rhode Island School of Design ដោយ​បាន​បរិច្ចាគ​ប្រាក់ 300,000 ដុល្លារ​ដល់​សាលា​ក្នុង​ឆ្នាំ 2014 ។ គិតត្រឹមខែ វិច្ឆិកា ឆ្នាំ 2015 ក្រុមហ៊ុន Airbnb មានភ្ញៀវជាង 60 លាននាក់បានប្រើប្រាស់សេវាកម្មរបស់ពួកគេដែលបានបើកដំណើរការក្នុងឆ្នាំ 2008 ហើយក្រុមហ៊ុននេះរកចំណូលបានជាង 25 ពាន់លានដុល្លារ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kagemasa Kozuki ជាស្ថាបនិកនិងជាប្រធានក្រុមហ៊ុនផលិតវីដេអូហ្គេម Konami Holdings

លោក Kagemasa Kozuki គឺជាស្ថាបនិកនិងជាប្រធានក្រុមហ៊ុនផលិតវីដេអូហ្គេម Konami Holdings ។ ក្រុមហ៊ុននេះត្រូវបានចុះបញ្ជីនៅទីក្រុងតូក្យូដោយទទួលបានជោគជ័យជាមួយនឹងការបង្កើតហ្គេមបាល់ទាត់ដែលអាចលេងដោយសេរីជាមួយនឹងទូរស័ព្ទដៃស្មាតហ្វូន ។ ក្រុមហ៊ុនរបស់គាត់ក៏ផលិតម៉ាស៊ីនលេងហ្គេមសម្រាប់កាស៊ីណូនៅអាមេរិកនិងកន្លែងផ្សេងៗទៀតផងដែរ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kentaro Ogawa & family ជាស្ថាបនិករបស់ក្រុមហ៊ុន Zensho

លោក Kentaro Ogawa​ គឺជាស្ថាបនិករបស់ក្រុមហ៊ុន Zensho ដែលជាត្រូវបានបង្កើតទ្បើងនៅឆ្នាំ ១៩៨២ ។ ក្រុមហ៊ុននេះមានបណ្តាញភោជនីយដ្ឋានជាង ៤៨០០ កន្លែងនៅក្នុងប្រទេសជប៉ុន ។ លោក Kentaro បានបង្កើតក្រុមហ៊ុន Zensho ទៅជាក្រុមហ៊ុនម្ហូបអាហារ Fast Food ធំបំផុតនៅក្នុងប្រទេសជប៉ុន ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Masateru Uno & family ជាស្ថាបនិកនិងនាយកប្រតិបត្តិរបស់ក្រុមហ៊ុន Cosmos

លោក Masateru Uno គឺជាស្ថាបនិកនិងនាយកប្រតិបត្តិរបស់ក្រុមហ៊ុន Cosmos ដែលមានហាងជាង ៦៥០ កន្លែងនៅក្នុងប្រទេសជប៉ុន ។ ក្រុមហ៊ុននេះបានបង្កើតឱសថនិងលក់គ្រឿងសំអាងព្រមទាំងអាហារនិងភេសជ្ជៈផងដែរ ។ កូនប្រុសរបស់គាត់ឈ្មោះ Yukitaka ក៏ជានាយកប្រតិបត្តិនៅក្នុងក្រុមហ៊ុនផងដែរ ។ 

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Yasumitsu Shigeta ជានាយកប្រតិបត្តិរបស់ក្រុមហ៊ុន Hikari Tsushin

លោក Yasumitsu Shigeta គឺជានាយកប្រតិបត្តិរបស់ក្រុមហ៊ុន Hikari Tsushin ដែលត្រូវបានបង្កើតទ្បើងក្នុងឆ្នាំ ១៩៨៨​ ហើយវាត្រូវបានចុះបញ្ជីនៅទីក្រុងតូក្យូ ។ នៅឆ្នាំ ១៩៨៨ នៅពេលគាត់មានអាយុ ២២ ឆ្នាំ លោក Shigeta បានចាប់ផ្តើមបង្កើតក្រុមហ៊ុន Hikari Tsushin ដែលជាអ្នកចែកចាយទូរស័ព្ទដៃដែលមានការិយាល័យកណ្តាលនៅទីក្រុងតូក្យូប្រទេសជប៉ុន ។

ក្រុមហ៊ុននេះត្រូវបានចុះបញ្ជីនៅលើ Jasdaq ក្នុងខែ កុម្ភៈឆ្នាំ ១៩៩៦ ហើយបន្ទាប់មកនៅផ្នែកទី ១ នៃផ្សារភាគហ៊ុនតូក្យូនៅខែ មេសា ឆ្នាំ ១៩៩៩ ។ ក្រុមហ៊ុនរបស់ Yasumitsu រកចំណូលបានមួយពាន់លានជាលើដំបូងនៅឆ្នាំ ១៩៩៩ ។ នៅខែ ធ្នូឆ្នាំគាត់ទទួលបានអត្ថប្រយោជន៍ពីក្រុមហ៊ុនរបស់គាត់បានប្រហែល ២៥ ពាន់លានដុល្លារ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kazuo Okada ជាស្ថាបនិក និងជានាយកប្រតិបតិ្តរបស់ក្រុមហ៊ុន Universal Entertainment Corporation ដែលជាក្រុមហ៊ុនផលិតម៉ាស៊ីន Slot

លោក Kazuo Okada កើតនៅឆ្នាំ ១៩៤៣ គឺជាសហគ្រិនជនជាតិជប៉ុន និងជាអ្នកប្រមូលសិល្បៈ ។ គាត់គឺជាស្ថាបនិក និងជានាយកប្រតិបតិ្តរបស់ក្រុមហ៊ុន Universal Entertainment Corporation ដែលជាក្រុមហ៊ុនផលិតម៉ាស៊ីន Slot ។ បច្ចុប្បន្នក្រុមហ៊ុននេះមានគម្រោងធំបំផុតលើការសាងសង់សណ្ឋាគារ និងរមណីយដ្ឋានទំហំ ៤៤ ហិកតានៅក្នុងទីក្រុងម៉ានីល ។

លោក Kazuo បានបម្រើការជាប្រធានក្រុមហ៊ុនសាជីវកម្ម Universal Entertainment Corporation ។ ហើយគាត់ក៏ជានាយកប្រតិបត្តិរបស់ក្រុមហ៊ុន Wynn Resorts ។ គិតត្រឹមថ្ងៃទី ៩ ខែ កញ្ញាឆ្នាំ ២០១៦ គាត់មានទ្រព្យសម្បត្តិសុទ្ធប្រមាណ ២ ពាន់លានដុល្លារអាមេរិក ។

អាជីព៖

នៅចុងឆ្នាំ ១៩៦៩ ដំណើរទស្សនកិច្ចលើកដំបូងរបស់លោក Kazuo ទៅកាន់ទីក្រុងឡាសវេហ្គាសបាននាំឱ្យគាត់សម្រេចចិត្តចូលប្រឡូកក្នុងអាជីវកម្មផលិតម៉ាស៊ីនស្លុត ។ គាត់បានបង្កើត “pachislot” ដែលជាម៉ាស៊ីនស្លុតដំបូងរបស់គាត់ដែលជាការច្នៃប្រឌិតថ្មីមួយដែលជួយពង្រីកទីផ្សាររបស់ជប៉ុន ។ ហើយវាក៏បានធ្វើឱ្យម៉ាស៊ីនស្លុតរបស់គាត់ពេញនិយមនៅទីក្រុងឡាសវេហ្គាសផងដែរ ។ លោក Kazuo Okada គឺជាពាណិជ្ជករជនជាតិជប៉ុនម្នាក់ដែលមានទ្រព្យសម្បត្តិសរុប ១,៥ ពាន់លានដុល្លារ ។ គាត់គឺជាមនុស្សម្នាក់ក្នុងចំណោមអ្នកមានជាងគេបំផុតនៅក្នុងប្រទេសជប៉ុន ។  

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Hiroshi Mikitani ជាស្ថាបនិក និងជានាយកប្រតិបត្តិរបស់ក្រុមហ៊ុន Rakuten ដែលជាក្រុមហ៊ុនអេទ្បិចត្រូនិចនៅប្រទេសជប៉ុន

លោក Hiroshi Mikitani កើតនៅថ្ងៃទី ១១ ខែ មីនា ឆ្នាំ ១៩៦៥ ដែលជាជំនួញជនជាតិជប៉ុន ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Rakuten ដែលជាក្រុមហ៊ុនអេទ្បិចត្រូនិចនៅប្រទេសជប៉ុន ។

ជីវិតដំបូង និងការអប់រំ៖

លោក Hiroshi បានចូលរៀននៅសកលវិទ្យាល័យ Hitotsubashi ដោយបានបញ្ចប់ការសិក្សានៅឆ្នាំ ១៩៨៨ ។ ឪពុករបស់គាត់គឺជាសេដ្ឋវិទូម្នាក់ឈ្មោះ Ryoichi Mikitani ដែលជាសាស្រ្តាចារ្យនៅសាកលវិទ្យាល័យ Kobe ហើយម្តាយរបស់គាត់ឈ្មោះ Setsuko គឺជាគ្រូបង្រៀននៅសាលាបឋមសិក្សានៅទីក្រុងញូវយ៉ក ។ ប្អូនស្រីរបស់គាត់ឈ្មោះ Ikuko គឺជាគ្រូពេទ្យ MD នៅឯសាកលវិទ្យាល័យអូសាកា ។ ហើយប្អូនប្រុសរបស់គាត់ឈ្មោះ Kenichi គឺជាសាស្រ្តាចារ្យនៅសាកលវិទ្យាល័យនៃទីក្រុងតូក្យូផ្នែកជីវវិទ្យា។

ក្រុមហ៊ុន Rakuten

នៅថ្ងៃទី ៧ ខែ កុម្ភះ ឆ្នាំ ១៩៩៧ លោក Hiroshi បានចាប់ផ្តើមបង្កើតក្រុមហ៊ុនRakuten ជាមួយនឹងដៃគូជំនួញរបស់គាត់ដែលបានចំណាយទឹកប្រាក់ ២៥០,០០០ យ៉េន ។ ហើយគាត់ក៏ជាប្រធានអង្គភាពនៃអាជីវកម្មអេឡិចត្រូនិច និងជាប្រធានផ្នែកអភិវឌ្ឍន៍ផងដែរ ។ គាត់មានមុខតំណែងសំខាន់ៗជាច្រើនហើយក៏ដូចជាប្រធានក្រុមហ៊ុន Rakuten Travel, Inc, និងជាប្រធានក្លឹបបាល់ទាត់ Crimson, Inc, និងជាប្រធានក្រុមប្រឹក្សាភិបាលនៃ PRICEMINISTER S.A. , និងជាប្រធានក្រុមហ៊ុន Kobo Inc ។

ទ្រព្យសម្បត្តិ៖ Hiroshi Mikitani

លោក Hiroshi Mikitani គឺជាអ្នកជំនួញជនជាតិជប៉ុនដែលមានទ្រព្យសម្បត្តិសរុបចំនួន ៩ ពាន់លានដុល្លារ ។ គាត់គឺជាស្ថាបនិក និងជានាយកប្រតិបត្តិនៃក្រុមហ៊ុន Rakuten ដែលជាក្រុមហ៊ុនអេឡិចត្រូនិកធំជាងគេនៅប្រទេសជប៉ុនដែលត្រូវបានបង្កើតឡើងក្នុងឆ្នាំ ១៩៩៧ ។ ពីរឆ្នាំក្រោយមកក្រុមហ៊ុននេះត្រូវបានប្តូរឈ្មោះទៅជាក្រុមហ៊ុន Rakuten, Inc. ដែលមានការប្រកួតប្រជែងជាមួយក្រុមហ៊ុន eBay និង Amazon ។

លោក Hiroshi បានចំណាយថវិកាជាង ១ ពាន់លានដុល្លារក្នុងរយៈពេលប៉ុន្មានឆ្នាំចុងក្រោយនេះដើម្បីទទួលបានគេហទំព័រ Buy.com និងគេហទំព័រ Play.com នៅសហរដ្ឋអាមេរិក ។ លើសពីនេះទៀតគាត់បានកាន់កាប់ភាគហ៊ុន ១០០ លានដុល្លារដែលជាគេហទំព័រចែករំលែករូបភាពតាមអ៊ិនធឺរណែតកាលពីខែ ឧសភា ឆ្នាំ ២០១២ ហើយក៏ដូចជាក្រុមហ៊ុនអានសៀវភៅអេឡិចត្រូនិចរបស់ប្រទេសកាណាដាផងដែរ ។ ក្នុងចំណោមមុខតំណែងធំៗ របស់គាត់ក៏រួមមានក្រុមហ៊ុន Kobo Inc. ក្រុមហ៊ុន Rakuten Card Co., Ltd ក្រុមហ៊ុន Rakuten Travel, Inc. និងក្រុមហ៊ុនសាជីវកម្ម Fusion និងក៏ដូចជាប្រធានក្លឹបបាល់ទាត់ Crimson ផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Masayoshi Son ជានាយកប្រតិបត្តិនៃក្រុមហ៊ុន SoftBank Mobile

លោក Masayoshi Son កើតនៅថ្ងៃទី ១១ ខែ សីហា ឆ្នាំ ១៩៥៧។​ គាត់គឺជាជនជាតិជប៉ុនដែលជាស្ថាបនិក និងជានាយកប្រតិបត្តិនៃក្រុមហ៊ុន SoftBank Mobile និងជាប្រធានក្រុមហ៊ុន Sprint Corporation ។

នេះបើយោងតាមទស្សនាវដ្តី Forbes បានប៉ាន់ស្មានថាទ្រព្យសម្បត្តិរបស់លោក Masayoshi មានចំនួនប្រមាណ ២០,៤ ពាន់លានដុល្លារអាមេរិកដែលមានជាងគេបំផុតនៅប្រទេសជប៉ុន។ តាមរយះទស្សនាវដ្តី Forbes ក៏បានលើទ្បើងអំពីគាត់ថាជាមនុស្សម្នាក់ដែលមានចិត្តសប្បុរសធម៍ផងដែរ។ លោក Masayoshi ត្រូវបានគេដាក់ឈ្មោះថាជាមនុស្សដែលមានឥទ្ធិពលបំផុតនៅលំដាប់ទី ៤៥ នៅក្នុងបញ្ជីមហាសេដ្ឋីពិភពលោកនៅក្នុងឆ្នាំ ២០១៣ ។

ជីវប្រវត្តិ៖

លោក Masayoshi ជាកូនប្រុសម្នាក់នៅក្នុងគ្រួសារដែលទទួលបាននាមត្រកូលជា Yasumoto ហើយយគាត់បានប្រើនាមត្រកូលនេះតាំងពីនៅក្មេង។ នៅអាយុ ១៦ ឆ្នាំលោក Masayoshi បានផ្លាស់ទៅរដ្ឋកាលីហ្វ័រញ៉ាហើយបានបញ្ចប់ការសិក្សានៅវិទ្យាល័យនៅពេលដែលគាត់ស្នាក់នៅជាមួយមិត្តភក្តិ​ និងក្រុមគ្រួសារនៅសាន់ហ្វ្រាន់ស៊ីស្កូ។

បន្ទាប់ពីចំណាយពេល ២ ឆ្នាំនៅសាកលវិទ្យាល័យ Holy Names University គាត់បានផ្ទេរទៅសាកលវិទ្យាល័យកាលីហ្វ័រញ៉ានៅ Berkeley ដែលបានសិក្សាផ្នែកសេដ្ឋកិច្ច និងសិក្សាវិទ្យាសាស្ត្រកុំព្យូទ័រ​ ។ នៅអាយុ ១៩ ឆ្នាំគាត់មានទំនុកចិត្តថាបច្ចេកវិទ្យាកុំព្យូទ័រ និងមានភាពរីកចម្រើនលើបដិវត្តពាណិជ្ជកម្មនៅថ្ងៃអនាគត់។

ដោយជឿជាក់ថាអ្វីដែលទាក់ទងនឹង microchip ដែលអាចទទួលបាននូវសំណាងដែលធ្វើឲ្យគាត់សម្រេចចិត្តបង្កើតគំនិតសហគ្រិនយ៉ាងហោចណាស់មួយក្នុងមួយថ្ងៃ។ លោក Masayoshi មានឧបករណ៍បកប្រែដែលបានលក់ទៅឱ្យក្រុមហ៊ុន Sharp Electronics ក្នុងតម្លៃ ៤៥០.០០០ ដុល្លារ ។

លោក Masayoshi បានបញ្ចប់ការសិក្សាពីសាកលវិទ្យាល័យ Berkeley ជាមួយនឹងបរិញ្ញាបត្រផ្នែកសេដ្ឋកិច្ចក្នុងឆ្នាំ ១៩៨០ ហើយបានចាប់ផ្តើម Unison នៅ Oakland រដ្ឋ California ដែលត្រូវបានទិញដោយ Kyocera ។ លោក Masayoshi បានសម្រេចចិត្តប្រើនាមត្រកូលតាមបែបកូរ៉េរបស់គាត់នៅពេលគាត់ត្រឡប់មកប្រទេសជប៉ុនដើម្បីក្លាយជាគំរូសម្រាប់កុមារជនជាតិកូរ៉េនៅទីនោះ។ នៅឆ្នាំ ១៩៩០ គាត់បានទទួលយកសញ្ជាតិជាជនជាតិជប៉ុន។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖