Category: Real Estate (មហាសេដ្ឋីរកស៊ីអចលនទ្រព្យ)

លោក Axel Stawski កើតនៅឆ្នាំ 1950 គឺជាអ្នកអភិវឌ្ឍន៍អចលនទ្រព្យ និងជាវិនិយោគិនអាមេរិកដែលមានមូលដ្ឋាននៅទីក្រុងញូវយ៉ក។

ជីវិតដំបូង៖

ឪពុកម្តាយរបស់គាត់ឈ្មោះ Moniek និង Zosia គឺជាជនជាតិជ្វីហ្វ ។ ឪពុករបស់គាត់ឈ្មោះ Moniek Stawski (ស្លាប់ 2013) គឺជាអ្នកអភិវឌ្ឍន៍អចលនទ្រព្យនៅប្រទេសអាល្លឺម៉ង់ខាងលិច ដោយបានសាងសង់មជ្ឈមណ្ឌលលក់ទំនិញជាចម្បង មុនពេលធ្វើចំណាកស្រុកជាមួយគ្រួសាររបស់គាត់ទៅកាន់សហរដ្ឋអាមេរិកក្នុងឆ្នាំ 1971 ។ លោក Axel បានបញ្ចប់ការសិក្សាថ្នាក់បរិញ្ញាបត្រពីសាកលវិទ្យាល័យ Birmingham ក្នុងប្រទេសអង់គ្លេស និងបណ្ឌិតច្បាប់អន្តរជាតិពីសាកលវិទ្យាល័យញូវយ៉ក។ គាត់គឺជាកូនទី 2 ក្នុងចំណោមកូនប្រាំនាក់ ហើយមានបងប្រុសម្នាក់គឺវេជ្ជបណ្ឌិត Mike Stawski និងបងប្អូនស្រីបីនាក់គឺ Ester A Stawski, Irene Fogel និង Naomi Atholz ។

អាជីព៖

លោក Axel បានកាន់កាប់អចលនទ្រព្យរបស់គ្រួសារ។ ហើយនៅឆ្នាំ 1973 គាត់បានបង្កើតក្រុមហ៊ុន Stawski Partners ដែលឥឡូវនេះមានអគារការិយាល័យចំនួន 6 និងខុនដូចំនួន 3 ទាំងអស់នៅទីក្រុង Manhattan រួមទាំង 30 ជាន់ 565 Fifth Avenue ។

ប្រភព៖ Phnom Penh HR

លោក John Albert Sobrato​ កើតនៅខែ​ មេសា ឆ្នាំ ១៩៣៩ ដែលជាអ្នកអភិវឌ្ឍន៍អចលនៈទ្រព្យជនជាតិអាមេរិក ។ គាត់គឺជាស្ថាបនិករបស់ក្រុមហ៊ុន Sobrato Development ដែលជាក្រុមហ៊ុនអចលនទ្រព្យ និងពាណិជ្ជកម្ម ។ លោក Sobrato និងក្រុមគ្រួសាររបស់គាត់បានធ្វើការបរិច្ចាដល់សកម្មភាពមនុស្សធម៌ជាច្រើនដើម្បីបុព្វហេតុផ្សេងៗគ្នា ។

អាជីព៖

លោក John A. Sobrato បានចាប់ផ្តើមវិនិយោគអចលនទ្រព្យផ្ទាល់ខ្លួនរបស់គាត់នៅឆ្នាំ ១៩៥៧ ខណៈពេលដែលគាត់កំពុងបន្តការសិក្សានៅសាកលវិទ្យាល័យ Santa Clara ។ នៅឆ្នាំ ១៩៧២ គាត់បានធ្វើការយ៉ាងជិតស្និទ្ធជាមួយអ្នកវិនិយោគ Silicon Valley ដ៏ជោគជ័យម្នាក់ទៀតគឺលោក Carl Berg អស់រយៈពេលជាច្រើនឆ្នាំ ។ កូនប្រុសរបស់គាត់ឈ្មោះ John Michael Sobrato បានកាន់កាប់មុខតំណែងជាអ្នកដឹកនាំក្រុមហ៊ុនក្នុងឆ្នាំ ១៩៩៨ ។

ក្រុមហ៊ុនរបស់គាត់បានរីកចម្រើនដែលបានកាន់កាប់អគារពាណិជ្ជកម្មជាង ១១០ និងអគារផ្ទះល្វែងជាង ៣០ ។ នៅឆ្នាំ ២០១៣ ទាំងឪពុកនិងកូនបានប្រកាសថាពួកគេកំពុងឃ្លាតឆ្ងាយពីការគ្រប់គ្រងប្រតិបត្តិការរបស់ក្រុមហ៊ុនដើម្បីផ្តោតលើសកម្មភាពសប្បុរសធម៌ ។ លោក John A. Sobrato និងក្រុមគ្រួសាររបស់គាត់ត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកដោយទស្សនាវដ្តី Forbes ឆ្នាំ ២០១៤ ជាមួយនឹងទ្រព្យសម្បត្តិសរុបប្រមាណ ៤,៨ ពាន់លានដុល្លារគិតត្រឹមថ្ងៃទី ១០ ខែ​ ឧសភា ឆ្នាំ ២០១៤ ។

លោក Sobrato និងកូនប្រុសរបស់គាត់ទាំងពីរបានចុះហត្ថលេខាលើការផ្តល់អំណោយរបស់លោក Warren Buffett ដើម្បីបរិច្ចាគទ្រព្យសម្បត្តិរបស់ពួកគេសម្រាប់គោលបំណងសប្បុរសធម៌ ។ នៅឆ្នាំ ២០១៥ គាត់និងភរិយាបានផ្តល់ការសន្យាជាបុគ្គលធំបំផុតមិនធ្លាប់មានដល់សាកលវិទ្យាល័យសាន់ហ្វ្រាន់ស៊ីស្កូដែលមានតម្លៃ ១៥ លានដុល្លារ។

ជីវិត​ឯកជន៖

លោក John A. Sobrato រស់នៅទីក្រុង Atherton រដ្ឋ California សហរដ្ឋអាមេរិក ។ គាត់គឺជាស្ថាបនិក​ និងជាប្រធានក្រុមហ៊ុនSobrato Development ដែលមានទ្រព្យសម្បត្តិសរុបប្រមាណ ៦,៦ ពាន់លានដុល្លារគិតត្រឹមខែ កក្កដា ឆ្នាំ ២០១៧ យោងតាមសារព័ត៌មាន Bloomberg ។ នេះបើយោងតាមរយះទស្សនាវដ្តី Forbes បានឲ្យដឹងថាគាត់គឺជាអ្នកមានជាងគេទី ១០៨ នៅសហរដ្ឋអាមេរិក ។

លោក Sobrato រកចំណូលបានប្រមាណ ៥,៣ ពាន់លានដុល្លារពីក្រុមហ៊ុនអភិវឌ្ឍន៍ Sobrato ដែលមានមូលដ្ឋាននៅទីក្រុង Cupertino ។ ក្រុមហ៊ុននេះគ្រប់គ្រងតំបន់ពាណិជ្ជកម្មទំហំ ៧.៥ លានហ្វីតការ៉េ និងជាម្ចាស់សហគមន៍ផ្ទះល្វែងចំនួន ៣០ ដែលមាន ៦.៧០០ យូនីត ។ ក្នុងចំណោមអ្នកជួលពាណិជ្ជកម្មរបស់ក្រុមហ៊ុន Sobrato រួមមាន Apple, Yahoo! និងក្រុមហ៊ុន Netflix Inc ។

ប្រភព៖ Phnom Penh HR

លោក Jefferson Howard Sutton កើតនៅថ្ងៃទី ២៥ ខែ កក្កដា ឆ្នាំ ១៩១៣ ដែលជាអ្នកនិពន្ធសៀវភៅជនជាតិអាមេរិក ។ គាត់គឺជាអ្នកនិពន្ធសៀវភៅរឿងប្រឌិតបែបវិទ្យាសាស្ត្រ ២៣ រឿង និងរឿងប្រលោមលោក និងសង្គ្រាមនយោបាយ ។

ជីវប្រវត្តិ៖

លោក Sutton បានចូលបម្រើការនៅក្នុងកងម៉ារីនរបស់សហរដ្ឋអាមេរិកចាប់ពីឆ្នាំ ១៩៣២ ដល់ឆ្នាំ ១៩៣៦ ដោយបម្រើការជាមួយកងម៉ារីនទី ២ នៅតំបន់ខាងត្បូងនិងនៅតំបន់ប៉ាស៊ីហ្វិកកណ្តាល ។ គាត់បានទទួលសញ្ញាប័ត្រអនុបណ្ឌិតផ្នែកចិត្តវិទ្យាពិសោធនៅសាកលវិទ្យាល័យសាន់ឌីហ្គោ ។ បន្ទាប់មកគាត់បានចាប់ផ្តើមធ្វើការជាវិស្វករស្រាវជ្រាវផ្នែកវិស្វកម្មនៅក្នុងឧស្សាហកម្មអវកាស ។

លោក Sutton បានចាប់ផ្តើមធ្វើការបោះពុម្ពសៀវភៅរឿងប្រឌិតក្នុងឆ្នាំ ១៩៥៨ ។ ពេញមួយអាជីពនិពន្ធរបស់គាត់នៅតែជាអ្នកប្រឹក្សាយោបល់ផ្នែកបោះពុម្ពផ្សាយដោយសេរីចំពោះឧស្សាហកម្មយានអវកាស និងបានបោះពុម្ពអត្ថបទនៅក្នុងទស្សនាវដ្តីអាជីពរបស់គាត់ ។ ហើយគាត់ក៏បានបោះពុម្ពសៀវភៅប្រលោមលោកចំនួន ២៣ ក្នុងភាសាជាង ១០ ភាសារួមមានរឿងប្រឌិតបែបវិទ្យាសាស្ត្រ សង្គ្រាមនយោបាយ និងសៀវភៅអនីតិជន ។ នៅក្នុងបទសម្ភាសន៍មួយរបស់គាត់បាននិយាយថាការសរសេរចេញមកដោយធម្មជាតិ ។

លោក Sutton បានសរសេរពីចំណាប់អារម្មណ៍ដ៏ធំបំផុតរបស់គាត់គឺប្រជាជន និងការកំណត់មុខងារដែលពួកគេមាន ។ ក្នុងនាមជាអ្នកនិពន្ធគាត់បានផ្តោតលើមុខវិជ្ជាដែលទាក់ទងទៅនឹងការងារមុនៗ របស់គាត់ដូចជាលំហអវកាស យានិកសង្គ្រាម កាសែត និងលើរឿងប្រឌិតបែបវិទ្យាសាស្ត្រ ។

ក្នុងចំណោមសៀវភៅរឿងដែលគាត់បាននិពន្ធមានដូចជាការរុករកយានអវកាស គ្រាប់បែកនៅ Orbit (១៩៥៩), យានអវកាស Spacehive (១៩៦០) និងអាប៉ូឡូនៅ Go (១៩៦៣) ។ លោកស្រី Jean Sutton បានជួយកែសម្រួលរឿងប្រលោមលោករបស់ប្តីគាត់ចំនួន ១៥ ក្បាលដោយចាប់ផ្តើមពីសៀវភៅរឿងប្រឌិតដំបូងរបស់គាត់ដំបូងនៅលើភពព្រះច័ន្ទ (១៩៥៨) ។ ដំបូងពួកគេបានសហការជាអ្នកជំនួយការលើសៀវភៅអនីតិជនដែលមានចំណងជើងថា “The Beyond (១៩៦៨)” ។

ប្រភព៖ Phnom Penh HR

លោក Martin Selig កើតនៅឆ្នាំ ១៩៣៦ ដែលជាមហាសេដ្ឋីជនជាតិអាមេរិក និងជាអ្នកអភិវឌ្ឍន៍អចលនដែលមានដើមកំណើតមកពីប្រទេសអាឡឺម៉ង់ដែលត្រូវបានគេស្គាល់ថាជាអ្នកបង្កើតមជ្ឈមណ្ឌលកូឡុំបៀដែលជាអាគារដ៏ខ្ពស់ជាងគេបំផុតនៅក្នុងទីក្រុង Seattle ។

អាជីព៖

លោក Martin បានចាប់ផ្តើមសាងសង់អាគារខ្ពស់ៗ ជាច្រើននៅក្នុងទីក្រុង Seattle រួមមានទាំងប្លុកពីរនៅលើដងវិថី Fifth Avenue ដែលត្រូវបានគេស្គាល់ថា Fifth & Jackson និង Fifth & Yesler ។ ហើយនៅទសវត្សឆ្នាំ ១៩៨០ គាត់បានកាន់កាប់ការិយាល័យជិតមួយភាគបីនៅក្នុងទីក្រុង Seattle ។

នេះបើយោងតាមរយះទស្សនាវដ្តី Forbes បានប៉ាន់ស្មានថាទ្រព្យសម្បត្តិរបស់គាត់នៅឆ្នាំ ១៩៨៧ មានចំនួន ២៧០ លានដុល្លារអាមេរិក ។ លោក Martin បានសាងសង់មជ្ឈមណ្ឌលកូឡុំបៀនៅឆ្នាំ ១៩៨៥ ហើយវានៅតែជាអាគារដ៏ខ្ពស់ជាងគេបំផុតនៅក្នុងទីក្រុង Seattle ។ ហើយក្រោយមកគាត់បានលក់មជ្ឈមណ្ឌលកូឡុំបៀនៅឆ្នាំ ១៩៨៩ ក្នុងតម្លៃ ៣៥៤ លានដុល្លារ ។

កាលពីខែ សីហា ឆ្នាំ ២០១៥ គេបានរាយការណ៍ថាលោក Martin បានដាក់គម្រោងសាងសង់អាគារ ៣១ ជាន់នៅលើកំពូលអគារធនាគារបម្រុងសហព័ន្ធឆ្នាំ ១៩៥០ នៅលើវិថីទី ២ ។ ហើយគាត់បបានទិញអគារនេះនៅក្នុងការដេញថ្លៃរបស់រដ្ឋាភិបាលក្នុងតម្លៃ ១៦ លានដុល្លារកាលពីដើមឆ្នាំ ២០១៥ ។ កាលពីខែ តុលា ឆ្នាំ ២០១៥ លោក Martin ជាម្ចាស់កម្មសិទ្ធិការិយាល័យចំនួន ៤ លានហ្វីតការ៉េនៅក្នុងទីក្រុង Seattle ។​ លោក Martin មានទ្រព្យសម្បត្តិចំនួន ១,១ ពាន់លានដុល្លារ ។

ប្រភព៖ Phnom Penh HR

លោក Neil Bluhm គឺជាអ្នកអចលនទ្រព្យ និងជាម្ចាស់កាស៊ីណូដ៏ធំនៅសហរដ្ឋអាមេរិក ។ គាត់បានបញ្ចប់ការសិក្សាពីសាកលវិទ្យាល័យ Illinois នៅ Urbana-Champaign និងទទួលបានសញ្ញាប័ត្រច្បាប់ពីសាកលវិទ្យាល័យ Northwestern ។

អាជីព៖

នៅឆ្នាំ ១៩៦៩ លោក Neil Bluhm បានចាប់ផ្តើមបង្កើតក្រុមហ៊ុន JMB Realty ជាមួយលោក Judd Malkin ។ គាត់បានបម្រើការជាដៃគូរគ្រប់គ្រងនៃក្រុមហ៊ុន Walton Street Capital និងក្រុមហ៊ុន Lamb Partners ។ ហើយគាត់ក៏ជាប្រធានក្រុមហ៊ុន ALP Liquidating Trust និងជាម្ចាស់ក្រុមហ៊ុនសាជីវកម្ម Northbrook និងជាប្រធានក្រុមប្រឹក្សាភិបាលនៃក្រុមហ៊ុន HSP Gaming ។

លោក Neil Bluhm គឺជាម្ចាស់ក្រុមហ៊ុន Holdings Acquisitions Co. និងជាអតីតប្រធានក្រុមប្រឹក្សាភិបាលនៃមជ្ឈមណ្ឌលផ្សារទំនើប ។ គាត់ក៏ជាប្រធានក្រុមប្រឹក្សាភិបាលកណ្តាលរបស់ក្រុមហ៊ុន Gaming & Entertainment ដែលជាម្ចាស់កាស៊ីណូនៅទីក្រុង Vicksburg រដ្ឋ Mississippi ប្រទេសកាណាដា ។

ទ្រព្យសម្បត្តិ៖ Neil Bluhm

លោក Neil Bluhm គឺជាមហាសេដ្ឋីអចលនទ្រព្យ និងជាម្ចាស់កាស៊ីណូនៅសហរដ្ឋអាមេរិកដែលមានទ្រព្យសម្បត្តិសរុប ២,៨ ពាន់លានដុល្លារ ។ គាត់បានសិក្សានៅសាកលវិទ្យាល័យ Illinois នៅ Urbana-Champaign ហើយក្រោយមកគាត់បានទទួលសញ្ញាប័ត្រច្បាប់ពីសាកលវិទ្យាល័យ Northwestern ។

នៅឆ្នាំ ១៩៧០ លោក Neil បានរួមគ្នាសហការជាមួយមិត្តរបស់គាត់ដើម្បីបង្កើតក្រុមហ៊ុនមួយដែលមានឈ្មោះថា JMB Realty ដែលជាក្រុមហ៊ុនអចលនទ្រព្យ ។ ពួកគេបានទាញយកផលចំណេញពីក្រុមហ៊ុនរហូតដល់ដើមទសវត្សឆ្នាំ ១៩៩០ មានការដួលរលំអចលនទ្រព្យ ។ លោក Neil បានចាប់ផ្តើមបង្កើតក្រុមហ៊ុនមូលធនឯកជនមួយទៀតដែលមានឈ្មោះថា Walton Street Capital ក្នុងឆ្នាំ ១៩៩៤ ក៏ដោយក៏គាត់នៅតែជាផ្នែកមួយរបស់ក្រុមហ៊ុន JMB Realty ។ ហើយក្រោយមកគាត់បានផ្តោតសំខាន់លើការគ្រប់គ្រង និងអភិវឌ្ឍទ្រព្យសម្បត្តិពាណិជ្ជកម្ម ។

ក្នុងឆ្នាំ ១៩៩៤ លោក Neil បានចាប់ផ្តើមបង្កើតក្រុមហ៊ុនមូលធនដែលជាក្រុមហ៊ុនមូលធនឯកជន ។ ហើយបច្ចុប្បន្ននេះគាត់បានបម្រើការនៅក្នុងក្រុមប្រឹក្សាភិបាលនៃក្រុមហ៊ុនជាច្រើន ។ លោក Neil Bluhm គឺជាសមាជិកម្នាក់នៃក្រុមប្រឹក្សាភិបាលនៃវិទ្យាស្ថានសិល្បៈនៃទីក្រុងឈីកាហ្គោ និងជាម្ចាស់សារមន្ទីរសិល្បៈនៅសហរដ្ឋអាមេរិច ផងដែរ ។ លោក Neil គឺជាអ្នកចូលចិត្តសិល្បៈហើយរហូតមកដល់ពេលនេះគាត់ប្រមូលបានសិល្បៈដែលមានតម្លៃជាង ១០០ លានដុល្លារ ។ គាត់គឺជាសមាជិកម្នាក់របស់សារមន្ទីរ Whitney នៃសិល្បៈអាមេរិច និងវិទ្យាស្ថានសិល្បៈនៃទីក្រុងឈីកាហ្គោ ។

ប្រភព៖ Phnom Penh HR

លោក George Leon Argyros កើតនៅឆ្នាំ ១៩៣៧ គាត់គឺជាអតីតឯកអគ្គរដ្ឋទូតនៅសហរដ្ឋអាមេរិកប្រចាំប្រទេសអេស្ប៉ាញ ។ ហើយគាត់ក៏ជាអ្នកវិនិយោគអចលនៈទ្រព្យ និងជាម្ចាស់ក្រុមកីទ្បាបាល់បោះ Seattle Mariners និងជាម្ចាស់ក្រុម Major League Baseball ពីឆ្នាំ ១៩៨១ ដល់ ១៩៨៩ ។

ជីវិតដំបូង៖

លោក George Argyros កើតនៅទីក្រុង Detroit រដ្ឋ Michigan ហើយធំទ្បើងនៅតំបន់ Pasadena រដ្ឋ California ។ គាត់បានបញ្ចប់ការសិក្សាពីសាកលវិទ្យាល័យ Chapman ក្នុងឆ្នាំ ១៩៥៩ មុខជំនាញផ្នែកធុរកិច្ច និងសេដ្ឋកិច្ច ។ ក្រោយមកគាត់បានបម្រើការជាក្រុមប្រឹក្សាភិបាលនៃសាកលវិទ្យាល័យ និងជាប្រធានក្រុមប្រឹក្សាភិបាលពីឆ្នាំ ១៩៧៦ ដល់ឆ្នាំ ២០០១ ។ ហើយគាត់ក៏ជាសមាជិកក្រុមប្រឹក្សាភិបាលនៃវិទ្យាស្ថានបច្ចេកវិទ្យាកាលីហ្វ័រញ៉ា និងជាសមាជិកក្រុមប្រឹក្សាភិបាលនៃមជ្ឈមណ្ឌលសិក្សាយុទ្ធសាស្ត្រ និងអន្តរជាតិនៅទីក្រុងវ៉ាស៊ីនតោនឌីស៊ី ។

អាជីវកម្ម៖

លោក George បានបង្កើតទ្រព្យសម្បត្តិរបស់គាត់ក្នុងការវិនិយោគអចលនទ្រព្យជាច្រើន។ គាត់បានចាប់ផ្តើមបង្កើតអាជីពជំនួញរបស់គាត់ដោយបើកហាងលក់គ្រឿងទេសហើយបានបន្តទិញ និងលក់អចលនទ្រព្យ និងស្ថានីយ៍ប្រេងឥន្ធនៈ។ ហើយគាត់ក៏បានចូលរួមក្នុងការទិញ និងលក់ទ្រព្យសម្បត្តិនៅរដ្ឋ California នៅភាគខាងត្បូងដែរ។ ពីឆ្នាំ ១៩៨១ ដល់ឆ្នាំ ១៩៨៩ គាត់គឺជាម្ចាស់ក្រុមកីទ្បាបាល់បោះ Seattle Mariners ។ ហើយគាត់ក៏មានឈ្មោះនៅក្នុងក្រុមប្រឹក្សាភិបាលនៃក្រុមហ៊ុនសាជីវកម្មជាច្រើនផងដែរ។

លោក George បានធ្វើជំនួញតាមរយៈក្រុមហ៊ុនអចលនៈទ្រព្យ Arnel & Affiliates (DBA“ Arnel Property Management Company”) ។ តាមរយៈការអនុវត្តអាជីវកម្មលើក្រុមហ៊ុនអចលនៈទ្រព្យគាត់ទទួលបានទ្រព្យសម្បត្តិសុទ្ធប្រហែល ១ ពាន់លានដុល្លារ។

ទ្រព្យសម្បត្តិ៖ George Argyros

វិនិយោគិនអចលនទ្រព្យអាមេរិចគឺលោក George Argyros មានទ្រព្យសម្បត្តិសរុបប្រមាណ ១,៩៨ ពាន់លានដុល្លារគិតត្រឹមខែ មេសា ឆ្នាំ ២០១៦ នេះបើយោងតាមទស្សនាវដ្តី Forbes ។ ទ្រព្យសម្បត្តិសុទ្ធរបស់គាត់ភាគច្រើនបានមកពីការទិញ និងលក់អចលនទ្រព្យ។បច្ចុប្បន្នលោក George បានរៀបការជាមួយលោកស្រី Julia ដែលមានកូន ៣ នាក់។

លោក George បានបម្រើការជាក្រុមប្រឹក្សាភិបាលនៃសាកលវិទ្យាល័យ Chapman ចាប់ពីឆ្នាំ ១៩៧៦ ដល់ឆ្នាំ ១៩៩១ និងជាប្រធានក្រុមប្រឹក្សាភិបាលផងដែរ ។ ហើយគាត់ក៏ធ្លាប់បម្រើការនៅវិទ្យាស្ថានបច្ចេកវិទ្យាកាលីហ្វ័រញ៉ា និងជានាយកប្រតិបត្តិ និងជាប្រធានក្រុមប្រឹក្សាភិបាល។ លោក George បានចាប់ផ្តើមទិញ និងលក់អចលនទ្រព្យ និងស្ថានីយ៍ប្រេងឥន្ធនៈ។ ចាប់ពីឆ្នាំ ១៩៨១ ដល់ឆ្នាំ ១៩៨៩ គាត់ក៏ជាម្ចាស់ក្រុមកីទ្បាបាល់បោះ Seattle Mariners ។ ហើយគាត់ក៏ជាផ្នែកមួយនៃក្រុមប្រឹក្សាសាជីវកម្មជាច្រើននាពេលកន្លងមកផងដែរ។

ប្រភព៖ Phnom Penh HR

លោក Donald John Trump កើតថ្ងៃទី ១៤ ខែ មិថុនា ឆ្នាំ ១៩៤៦ គាត់គឺជាប្រធានាធិបតីទី ៤៥  និងជាប្រធានាធិបតីរបស់សហរដ្ឋអាមេរិកនាពេលបច្ចុប្បន្ន ។ មុនពេលចូលប្រឡូកនៅក្នុងផ្នែកនយោបាយគាត់គឺជាអ្នកជំនួញ និងជាបុគ្គលិកទូរទស្សន៍ ។

លោក Trump ធំទ្បើងនៅក្នុងទីក្រុងឃ្វីនរដ្ឋញូវយ៉កហើយគាត់ទទួលបានសញ្ញាបត្រផ្នែកសេដ្ឋកិច្ចពីសាលាវ៉ាធតុននៃសាកលវិទ្យាល័យផេនស៊ីលវេនៀ ។ បន្ទាប់មកគាត់បានទទួលបន្ទុកលើ The Trump Organisation ដែលជាក្រុមហ៊ុនអចលនទ្រព្យ និងសំណង់ដែលបានបង្កើតឡើងដោយជីដូនបង្កើតរបស់គាត់ដែលបានដំណើរការអស់រយៈពេលបួនទសវត្សកន្លះរហូតដល់ឆ្នាំ ២០១៧ ។

ក្នុងអំឡុងពេលអាជីពអចលនទ្រព្យលោក Trump បានសាងសង់នឹងជួសជុលអាគារដែលបានគ្រប់គ្រងអគារការិយាល័យជាច្រើនដូចជាសណ្ឋាគារ កាស៊ីណូ និងទីលានវាយកូនហ្គោលជាដើម ។ ក្រៅពីអចលនៈទ្រព្យលោក Trump បានចាប់ផ្តើមបណ្តាក់ទុនមួយចំនួន និងបានផ្តល់សិទ្ធិប្រើប្រាស់ឈ្មោះរបស់គាត់សម្រាប់យីហោផលិតផល និងទ្រព្យសម្បត្តិផ្សេងៗទៀត ។

លោក Trump បានធ្វើជាអ្នកគ្រប់គ្រង The Apprentice ដែលជាម្ចាស់ទូរទស្សន៍ NBC ចាប់ពីឆ្នាំ ២០០៤ ដល់ឆ្នាំ ២០១៥ ។ ទ្រព្យសម្បត្តិរបស់គាត់ត្រូវបានគេគណនាថាមានចំនួន ៣.៥ កោដិដុល្លារគិតត្រឹមឆ្នាំ ២០១៧ ដែលធ្វើអោយគាត់បានក្លាយជាអ្នកមានជាងគេទី ៥៤៤ នៅ​លើ​ពិភពលោក ។

លោក Trump បានបង្ហាញចំណាប់អារម្មណ៍ជាសាធារណៈសម្រាប់ក្នុងការឈរឈ្មោះជាបេក្ខជននៅក្នុងផ្នែកយោបាយនៅឆ្នាំ ១៩៨៧ ។ ហើយគាត់បានឈ្នះតំណែងជាប្រធានាធិបតីចំនួនពីររូបរបស់គណបក្សកំណែទម្រង់នៅក្នុងឆ្នាំ ២០០០ ។ កាលពីខែ មិថុនា ឆ្នាំ ២០១៥ លោក Trump បានចាប់ផ្តើមយុទ្ធនាការរបស់គាត់សម្រាប់ការបោះឆ្នោតជ្រើសរើសជាប្រធានាធិបតីឆ្នាំ ២០១៦ និងបានក្លាយជាអ្នកនាំឈានមុខគេនៅក្នុងចំណោមបេក្ខជនចំនួន ១៧ នាក់នៅបឋមសាធារណរដ្ឋ ។ គូប្រជែងចុងក្រោយរបស់គាត់បានពន្យារពេលនៅក្នុងយុទ្ធនាការរបស់ពួកគេនៅខែ ឧសភា ឆ្នាំ ២០១៦ ។ នៅខែ កក្កដា លោក Trump ត្រូវបានគេតែងតាំងជាផ្លូវការនៅឯសន្និបាតជាតិសាធារណរដ្ឋរួមជាមួយអភិបាលរដ្ឋ Indiana ហើយលោក Mike Pence ដែលជាគូប្រជែងរបស់គាត់ ។

លោក Trump បានឈ្នះការបោះឆ្នោតសកលនៅថ្ងៃទី ៨ ខែ វិច្ឆិកា ឆ្នាំ ២០១៦ ដែលជាជ័យជម្នះដ៏ភ្ញាក់ផ្អើលមួយជាមួយនឹងដៃគូប្រជែងប្រជាធិបតេយ្យគឺលោកស្រីហ៊ីលឡារីគ្លីនតុន ។ ហើយគាត់បានក្លាយជាមនុស្សម្នាក់ដែលមានវ័យចំណាស់ជាងគេ និងមានទ្រព្យស្តុកស្តម្ភបំផុតដែលបានកាន់តំណែងជាប្រធានាធិបតីនឹងជាមនុស្សទី ១ ដែលមិនមានយោធាឬរដ្ឋាភិបាលមុននឹងជាអ្នកជាប់ឆ្នោតទី ៥ ដែលទទួលបានសំឡេងគាំទ្រតិចជាងសំឡេងភាគច្រើន ។ សម្រាប់តួនាទីផ្នែកនយោបាយរបស់គាត់ត្រូវបានអ្នកសិក្សា និងអ្នកអត្ថាធិប្បាយបានពិពណ៌នាថាជាប្រជាជននិយមគាំពារនិយម និងជាតិនិយម ។

ប្រភព៖​​ Phnom Penh HR

លោក Henry Ross Perot Jr. កើតនៅថ្ងៃទី ០៧ ខែ វិច្ឆិកា ឆ្នាំ ១៩៥៨ គាត់គឺជាអ្នកអភិវឌ្ឍន៍អចលនៈទ្រព្យ និងជាអ្នកជំនួញជនជាតិអាមេរិច។ ហើយគាត់ត្រូវបានគេស្គាល់ថាជាអ្នកអភិវឌ្ឍន៏លើក្រុមហ៊ុន AllianceTexas ដែលជាកំពង់ផែទឹកសមុទ្រក្បែរទីក្រុង Dallas-Fort Worth ។

លោក Perot មានតួនាទីជាប្រធានក្រុមហ៊ុន The Perot Group និង Hillwood ។ គាត់គឺជាអតីតស្ថាបនិក និងជានាយកប្រតិបត្តិក្រុមហ៊ុន Perot Systems ។ គាត់គឺជាកូនប្រុសច្បងរបស់មហាសេដ្ឋីពាណិជ្ជករអាមេរិក និងជាអតីតបេក្ខជនប្រធានាធិបតីសហរដ្ឋអាមេរិក ។

ជីវិតដំបូង៖

លោក Perot បានធំទ្បើងនៅទីក្រុង Dallas ដែលជាកូនប្រុសរបស់លោកMargot (Birmingham) ។ លោក Perot បានបញ្ចប់ការសិក្សានៅសាលា St. Mark’s School នៅរដ្ឋតិចសាស់ក្នុងឆ្នាំ ១៩៧៧។ បន្ទាប់ពីគាត់បានបញ្ចប់ការសិក្សាពីសាកលវិទ្យាល័យ Vanderbilt គាត់បានបម្រើការនៅកងទ័ពអាកាសសហរដ្ឋអាមេរិកអស់រយៈពេល ៨ ឆ្នាំកន្លះ។

អាជីព៖

នៅឆ្នាំ ១៩៨២ លោក Perot បានសាកល្បងដោយធ្វើការហោះហើរនៅជុំវិញពិភពលោកដោយឧទ្ធម្ភាគចក្រ។ ហើយគាត់បានបញ្ចប់ការហោះហើរនៅជុំវិញពិភពលោកនៅថ្ងៃទី ៣០ ខែ កញ្ញា ឆ្នាំ ១៩៨២ ។ ឧទ្ធម្ភាគចក្រ Bell 206 ធ្លាប់បានប្រើប្រាស់ដើម្បីធ្វើការហោះហើរនៅជុំវិញពិភពលោក។ បច្ចុប្បន្នឧទ្ធម្ភាគចក្រ Bell 206 ត្រូវបានគេដាក់តាំងបង្ហាញនៅសារមន្ទីរអាកាស និងលំហាត់សមរបស់លំហជាតិ Smithsonian នៅអាកាសយានដ្ឋានអន្តរជាតិ Dulles ។

លោក Perot ធ្លាប់បានបម្រើការជាប្រធានក្រុមហ៊ុន The Perot Group ដែលគ្រប់គ្រងផលប្រយោជន៍គ្រួសារ Perot ផ្សេងៗគ្នាដែលរួមមានអចលនទ្រព្យប្រេង និងឧស្ម័ន និងការវិនិយោគហិរញ្ញវត្ថុ។ គាត់ត្រូវបានគេស្គាល់យ៉ាងច្បាស់សម្រាប់ការអភិវឌ្ឍន៏ និងជាម្ចាស់លើអាកាសយានដ្ឋាន Fort Worth និងសហគមន៍លំនៅដ្ឋាននៃបេតិកភណ្ឌដែលជាការអភិវឌ្ឍប្រកបដោយជោគជ័យដែលត្រូវបានប្រតិបត្តិដោយសម្ព័ន្ធភាពឯកជនសាធារណៈនៅរដ្ឋតិចសាស់។

លោក Perot ក៏ជាប្រធានក្រុមហ៊ុន Hillwood ដែលបានបង្កើតឡើងក្នុងឆ្នាំ ១៩៨៨ ។ ក្រុមហ៊ុន Hillwood បានជាប់ចំណាត់ថ្នាក់ក្នុងចំណោមក្រុមហ៊ុនអភិវឌ្ឍន៍អចលនទ្រព្យកំពូលៗទាំង ១០ នៅសហរដ្ឋអាមេរិក និងត្រូវបានគេទទួលស្គាល់ចំពោះគម្រោងដែលមានភាពល្បីល្បាញ និងការបណ្តាក់ទុនឯកជនផងដែរ ។

ក្រុមហ៊ុន Hillwood គឺសហគមន៍មួយដែលត្រូវបានផ្តល់រង្វាន់ដោយនាយកប្រតិបត្តិរបស់ទស្សនាវដ្តី D CEO ដែលជាអ្នកអភិវឌ្ឍន៍គ្រួសារដ៏ឆ្នើមប្រចាំឆ្នាំនៅខែ តុលា ឆ្នាំ ២០១៥ ។ យីហោ LiveSmart បានផ្តល់ជូននូវគេហដ្ឋាន និងសហគមន៍ជាមួយនឹងបច្ចេកវិទ្យាចុងក្រោយក្នុងការផលិតស្វ័យប្រវត្តិកម្មតាមផ្ទះ និងភាពងាយស្រួលផ្សេងទៀតតាមស្តង់ដារតឹងរឹងសម្រាប់ប្រសិទ្ធភាពថាមពល និងភាពជាអ្នកថែរក្សាបរិស្ថាន និងសមាសធាតុនៃរបៀបរស់នៅផ្សេងទៀតដែលមានភាពងាយស្រួលសម្រាប់អ្នកថ្មើរជើងជាមួយនឹងសេវាកម្មយ៉ាងសំបូរបែបដែលជម្រុញនូវសកម្មភាព​ និងអារម្មណ៍នៅក្នុងសហគមន៍។

ក្រុមហ៊ុននេះបានបង្ហាញម៉ាកយីហោនេះជាមួយនឹងការប្រមូលផលដែលមានទឹកប្រាក់ចំនួន ១ ពាន់លានដុល្លារសម្រាប់ការអភិវឌ្ឍ ១.១៥០ ហិកតានៅតំបន់ Northlake និង Argyle ។ កាលពីពេលថ្មីៗនេះសហគមន៍ Hillwood បានបណ្តេញសហគមន៍ LiveSmart ជាច្រើននៅក្នុងរដ្ឋតិចសាស់ក្នុងនោះរួមមានការអភិវឌ្ឍដី ១០០៦.៥ ហិចតាននៅ Pomona និងនៅ Manvel, TX និងសួនឧទ្យាន Union ៧៨៧ ។

ចាប់ពីឆ្នាំ ២០០២-២០០៣ លោក Perot បានបម្រើការជាប្រធានក្រុមការងារពិសេសដើម្បីអភិវឌ្ឍផ្នែកសេដ្ឋកិច្ច។ នៅខែ មីនា ឆ្នាំ ២០០៧ បេក្ខជនប្រធានាធិបតី Mitt Romney ខិតខំស្វែងរកការតែងតាំងគណបក្សសាធារណរដ្ឋដែលបានជ្រើសរើសលោក Perot ជាសមាជិកគណៈកម្មាធិការហិរញ្ញវត្ថុរនៅរដ្ឋតិចសាស់។ លោក Perot ជាសមាជិកក្រុមប្រឹក្សាភិបាលនៅក្នុងក្រុមហ៊ុន Dell Inc Perot និងជាសមាជិកក្រុមប្រឹក្សាភិបាលនៃមគ្គុទេសក៍ព័ត៌មានវិទ្យា។ ហើយគាត់គឺជាប្រធានមូលនិធិ  Air Force Memorial សម្រាប់កងទ័ពអាកាសសហរដ្ឋអាមេរិក និងជាសហប្រធាននៃវិទ្យាស្ថាន EastWest ។

លោក Perot ក៏ជាសមាជិកក្រុមប្រឹក្សាភិបាលនៃសាលា St. Mark របស់រដ្ឋតិចសាស និងសាកលវិទ្យាល័យ Southern Methodist និងសាកលវិទ្យាល័យ Vanderbilt ។ ក្នុងឆ្នាំ ២០១០ តាមរយះទស្សនាវដ្តី Forbes បានរាយការណ៍ថាទ្រព្យសម្បត្តិសុទ្ធរបស់ Perot មានចំនួន ១,៥ ពាន់លានដុល្លារ។ គាត់គឺជាអ្នកទទួលមេដាយមាស Langley នៅឆ្នាំ ១៩៨៣ ពីវិទ្យាស្ថាន Smithsonian ។

លោក Ross Perot Jr. និង Henry Ross Perot Jr ត្រូវបានគេស្គាល់ថាគឺជាអ្នកអភិវឌ្ឍអចលនទ្រព្យដែលមានទ្រព្យសម្បត្តិសរុបប្រមាណ ១.៥៥ ពាន់លានដុល្លារក្នុងខែ ឧសភា ឆ្នាំ ២០១៦ យោងតាមទស្សនាវដ្តី Forbes ។ លោក Ross Perot គឺជាប្រធានក្រុមប្រឹក្សាភិបាលនៃក្រុមហ៊ុន Perot Systems ដែលជាអ្នកផ្តល់សេវាកម្មបច្ចេកវិទ្យាព័ត៌មានដែលត្រូវបានបង្កើតឡើងក្នុងឆ្នាំ ១៩៨៨ ដោយឪពុករបស់គាត់គឺលោក Henry Ross Perot Sr. និងមានមូលដ្ឋាននៅទីក្រុង Plano រដ្ឋ Texas ។ ក្រុមហ៊ុន Dell បានទិញយកក្រុមហ៊ុននេះកាលពីខែ កញ្ញា ឆ្នាំ ២០០៩ ក្នុងតម្លៃ ៣,៩ ពាន់លានដុល្លារប៉ុណ្ណោះ។

ប្រភព៖ Phnom Penh HR

លោក Mortimer Benjamin “ Mort” Zuckerman កើតថ្ងៃទី ០៤ ខែ មិថុនា ឆ្នាំ ១៩៣៧ គាត់គឺជាប្រធានក្រុមហ៊ុនប្រព័ន្ធផ្សព្វផ្សាយនៅសហរដ្ឋអាមេរិក ។ លោក Zuckerman មានដើមកំណើតមកពីប្រទេសកាណាដា និងជាអ្នកបោះពុម្ពផ្សាយទស្សនាវដ្តី ។ គាត់គឺជាសហស្ថាបនិក និងជាអតីតនាយកប្រតិបត្តិរបស់ក្រុមហ៊ុន Boston Properties ដែលជាក្រុមហ៊ុនវិនិយោគលើអចលនទ្រព្យដ៏ធំនៅសហរដ្ឋអាមេរិក ។

លោក Zuckerman គឺជាអ្នកបោះពុម្ពផ្សាយព័ត៌មានញូវយ៉កឈ្មោះថា Daily News របស់សហរដ្ឋអាមេរិក ។ ហើយគាត់ធ្លាប់ជាម្ចាស់ក្រុមហ៊ុន “The Atlantic and Fast Company” នៅក្នុងបញ្ជីមហាសេដ្ឋីពិភពលោករបស់ទស្សនាវដ្តី Forbes ក្នុងឆ្នាំ ២០១៦ ។ គាត់បានជាប់ចំណាត់ថ្នាក់លេខ ៦៨៨ ជាមួយនឹងទ្រព្យសម្បត្តិសុទ្ធប្រមាណ ២,៥ ពាន់លានដុល្លារអាមេរិក ។

ជីវិតដំបូង និងការអប់រំ៖

លោក Zuckerman កើតនៅតំបន់ Montreal រដ្ធ Quebec ប្រទេសកាណាដាដែលជាកូនប្រុសរបស់លោក Esther និងលោកស្រី Abraham Zuckerman ដែលជាម្ចាស់ហាងថ្នាំជក់ និងស្ករគ្រាប់ ។ លោក Zuckerman បានចូលរៀននៅសាកលវិទ្យាល័យ McGill នៅអាយុ ១៦ ឆ្នាំ។ លោក Zuckerman បានបញ្ចប់ការសិក្សាពីសាលា McGill ជាមួយនឹងបរិញ្ញាបត្រនៅឆ្នាំ ១៩៥៧ និងបរិញ្ញាបត្រ BCL នៅឆ្នាំ ១៩៦១។ ទោះបីជាគាត់មិនដែលប្រលងបាក់ឌុបក៏ដោយ។ នៅឆ្នាំដដែលនោះលោក Zuckerman បានចូលរៀននៅសាលា Wharton នៃសាកលវិទ្យាល័យ Pennsylvania ជាកន្លែងដែលគាត់ទទួលបានសញ្ញាប័ត្រអនុបណ្ឌិតជាមួយនឹងកិត្តិយសកិត្តិយស ។ នៅឆ្នាំ ១៩៦២ គាត់បានទទួលសញ្ញាប័ត្រ LLM ពីសាលាច្បាប់ហាវ៉ាដ ។

អាជីពធុរកិច្ច៖

លោក Mortimer Zuckerman បន្ទាប់ពីបញ្ចប់ការសិក្សាគាត់នៅតែបន្តការសិក្សានៅសាលាពាណិជ្ជកម្មហាវ៉ាដជាសាស្ត្រាចារ្យរងរយៈពេល ៩ ឆ្នាំ។ ហើយគាត់ក៏បានបង្រៀននៅសាកលវិទ្យាល័យយ៉េលផងដែរ ។ លោក Zuckerman បានចំណាយពេល ៧ ឆ្នាំនៅក្រុមហ៊ុនអចលនៈទ្រព្យ Cabot, Cabot & Forbes ដែលបានឡើងកាន់តំណែងជាអនុប្រធានជាន់ខ្ពស់ និងជាប្រធានហិរញ្ញវត្ថុ។

នៅឆ្នាំ ១៩៨០ លោក Zuckerman បានទិញទស្សនាវដ្តីអក្សរសាស្ត្រអាត្លង់ទិកប្រចាំខែពីឆ្នាំ ១៩៨០ ដល់ឆ្នាំ ១៩៩៩។ នៅឆ្នាំ ១៩៩៩ លោក Zuckerman បានលក់ទស្សនាវដ្តីនេះទៅឱ្យ David G. Bradley ក្នុងតម្លៃ ១២ លានដុល្លារអាមេរិក។ សេដ្ធីអត្ថាធិប្បាយអំពីការលក់នេះ និងទស្សនាវដ្តី Fast Company ដែលជាការលក់ក្នុងតម្លៃ ៣៦៥ លានដុល្លារតាមកំពស់បច្ចេកវិទ្យាខ្ពស់ក្នុងឆ្នាំ ២០០០ ។

ទស្សនាវដ្តី Forbes បានឱ្យដឹងថាមហាសេដ្ឋីបោះពុម្ព​ផ្សព្វផ្សាយ និងអចលនទ្រព្យគឺលោក Mort Zuckerman មានទ្រព្យសម្បត្តិសរុបប្រមាណ ២,៥ ពាន់លានដុល្លារគិតត្រឹមខែ ឧសភា ឆ្នាំ ២០១៥ ។ នេះបើយោងតាមរយះទស្សវដ្តី ​​Forbes.com បានឲ្យដឹងថាលោក Zuckerman ទទួលបានចំណាត់ថ្នាក់លេខ ៦១៣ នៅក្នុងបញ្ជីរបស់មហាសេដ្ឋីពិភពលោក (លេខ ៥៤៦ ក្នុងឆ្នាំ ២០១២) លេខ ២១៣ នៅសហរដ្ឋអាមេរិក និងលេខ ១៩០ នៅក្នុងបញ្ជីទស្សនាវដ្តី Forbes 400 ។  

ប្រភព៖ Phnom Penh HR