លោកមហាសេដ្ឋី Wang Jianlin ជាអ្នកវិយោគលើវិស័យអចលនទ្រព្យ ពាណិជ្ជកម្ម ការអភិវឌ្ឍ សណ្ឋាគារ និងមជ្ឈមណ្ឌលទិញទំនិញ

ជាមួយនឹងទីផ្សារភាគហ៊ុនដែលមិនទាន់មានស្ថេរភាពនៅពាសពេញពិភពលោកអចលនទ្រព្យកំពុងចាប់ផ្តើមមើលទៅដូចជាជំរើសការវិនិយោគកាន់តែមានភាពទាក់ទាញ ។ អចលនទ្រព្យផ្តល់នូវមូលដ្ឋានគ្រឹះដ៏រឹងមាំសម្រាប់ការវិនិយោគដោយសារតែវាជាទ្រព្យសម្បត្តិរូបវន្តជាជាងក្រុមហ៊ុនឬសមូហភាព ។ គ្មានអ្វីដែលបង្ហាញពីការប្រសើរជាងនេះទេដែលថាតម្លៃផ្ទះលំនៅដ្ឋាននៅក្នុងប្រទេសចំនួន ៥៤ ឃើញថាមានការកើនឡើង ៣% ក្នុងឆ្នាំ ២០១៥ ទោះបីជាស្ថានភាពបច្ចុប្បន្នមិនមានស្ថេរភាពក៏ដោយ ។

លោក Wang Jianlin គឺជាមហាសេដ្ឋីម្នាក់នៅក្នុងបញ្ជីអចលនទ្រព្យ និងបានជាប់ចំណាត់ថ្នាក់ទី ១៨ នៅលើបញ្ជីឈ្មោះអ្នកមានបំផុតនៅក្នុងសកលលោកដោយមានទ្រព្យសុទ្ធប្រមាណ ២៨,៧ ពាន់លានដុល្លារ ។ លោក Wang បានបង្កើតទ្រព្យសម្បត្តិរបស់គាត់តាមរយះការរកស៊ីផ្នែកអចលនទ្រព្យ ពាណិជ្ជកម្ម ការអភិវឌ្ឍ សណ្ឋាគារ និងមជ្ឈមណ្ឌលទិញទំនិញ​ ។ ចាប់តាំងពីពេលនោះមកគាត់បានពង្រីកខ្លួនទៅជាអ្នកផលិតខ្សែភាពយន្ដ Wanda និងជាម្ចាស់ក្រុមហ៊ុន AMC Entertainment Holdings និង Legendary Entertainment ដែលមានមូលដ្ឋាននៅសហរដ្ឋអាមេរិក ។

លោក Wang គឺជាស្ថាបនិក និងជាប្រធានក្រុមហ៊ុន Dalian Wanda Group ដែលជាក្រុមហ៊ុនគ្រប់គ្រងក្នុងការអភិវឌ្ឍអចលនទ្រព្យដែលមានមូលដ្ឋាននៅទីក្រុងប៉េកាំង ។ លោក Wang រកបានចំណូលចំនួន ២១៤,៣ ពាន់លានយ័ន (៣១ ពាន់លានដុល្លារ) ក្នុងឆ្នាំ ២០១៨ ។ ហើយគាត់បានក្លាយជាប្រតិបត្តិករផលិតខ្សែភាពយន្ដ រោងកុនដ៏ធំជាងគេបំផុតនៅលើពិភពលោកបន្ទាប់ពីបានទិញយកក្រុមហ៊ុន AMC Entertainment ក្នុងតម្លៃ ២,៦ ពាន់លានដុល្លារកាលពីឆ្នាំ ២០១២ ។

ភាគច្រើននៃសំណាងរបស់លោក Wang គឺបានមកពីភាគហ៊ុនរបស់គាត់ ៥៦% នៅក្នុងការគ្រប់គ្រងពាណិជ្ជកម្ម Dalian Wanda ដែលជាអង្គភាពមួយនៃក្រុមហ៊ុន Dalian Wanda Group ។ ក្រុមហ៊ុនគ្រប់គ្រងពាណិជ្ជកម្ម Dalian Wanda បានរាយការណ៍ពីប្រាក់ចំណូលរបស់លោក Wang មានចំនួន ១០៧ ពាន់លានយ័ន (១៥,៤ ពាន់លានដុល្លារ) ក្នុងឆ្នាំ ២០១៨ នេះបើយោងតាមរបាយការណ៍ប្រចាំឆ្នាំ ២០១៨ របស់ក្រុមហ៊ុន ។

កាលពីថ្ងៃទី ២៣ ខែ ឧសភា ឆ្នាំ ២០១៩ លោក Wang ក៏ជាម្ចាស់ភាគហ៊ុន ៥០ ភាគរយនៃការធ្វើពាណិជ្ជកម្មជាសាធារណៈនៅក្នុងក្រុមហ៊ុន Wanda Film Holding ផងដែរ ។ នេះបើយោងតាមរយះឯកសារចុះថ្ងៃទី ២ ខែ មេសា​ ឆ្នាំ ២០១៩ គាត់បានកាន់កាប់ភាគហ៊ុន ៥៣ ភាគរយនៃក្រុមហ៊ុន AMC Entertainment Holdings ។

ប្រភព៖ Bloomberg