លោកមហាសេដ្ឋី Niranjan Hiranandani ជាសហស្ថាបនិក និងជានាយកគ្រប់គ្រងរបស់ក្រុមហ៊ុន Hiranandani Group ដែលបានធ្វើជំនួញលើវិស័យអចលនទ្រព្យ

លោក Niranjan Hiranandani កើតនៅថ្ងៃទី ០៨ ខែ មីនា ឆ្នាំ ១៩៥០ ដែលជាសហគ្រិនជនជាតិឥណ្ឌា ។​ គាត់គឺជាសហស្ថាបនិក និងជានាយកគ្រប់គ្រងរបស់ក្រុមហ៊ុន Hiranandani Group ដែលបានធ្វើជំនួញលើវិស័យអចលនទ្រព្យ ។ លោក Niranjan បានជាប់ចំណាត់ថ្នាក់ក្នុងចំណោមកំពូលមហាសេដ្ឋីទាំង ១០០ នៅប្រទេសឥណ្ឌា ។

ជីវិតដំបូង៖

លោក Niranjan កើតនៅទីក្រុង Mumbai ។ គាត់បានបញ្ចប់ការសិក្សានៅសាលា Campion នៅទីក្រុង Mumbai និងបានបរិញ្ញាបត្រផ្នែកពាណិជ្ជកម្មពីមហាវិទ្យាល័យ Sydenham College Mumbai ។ លោក Niranjan គឺជាគណនេយ្យករជំនាញមកពីវិទ្យាស្ថានគណនេយ្យករជំនាញនៃប្រទេសឥណ្ឌា។  នៅឆ្នាំ ១៩៨១ គាត់បានចាប់ផ្តើមបង្កើតក្រុមហ៊ុនអាជីវកម្មដំបូងរបស់គាត់ដែលបានបង្កើតនៅតំបន់ Kandivali Mumbai ។

ក្រុមហ៊ុន Hiranandani Group

លោក​ Niranjan រួមជាមួយបងប្រុសរបស់គាត់ឈ្មោះ Surendra Hiranandani បានទិញដីចំនួន ២៥០ ហិចតានៅតំបន់ Powai Mumbai ក្នុងឆ្នាំ ១៩៨៥ ហើយបានចាប់ផ្តើមបង្កើតក្រុមហ៊ុនអាជីវកម្មអចលនៈទ្រព្យក្រោមឈ្មោះថា Hiranandani Gardens ។ ក្រុមហ៊ុនសំណង់ Hiranandani ដែលទទួលបាននឹងបញ្ចប់គម្រោងធំៗ មានចំណែកនៅក្នុងទីក្រុង GIFT ដែលជាតំបន់សេដ្ឋកិច្ចពិសេសដែលផ្តល់ជូនសេវាកម្មហិរញ្ញវត្ថុ ។ ក្រុមហ៊ុនសំណង់ Hiranandani កំពុងធ្វើការលើការកែលម្អ និងបានបើកដំណើរការក្រុងចំនួន ២ កន្លែងដែលអ្នកអភិវឌ្ឍន៍បានទិញតាមរយៈការដេញថ្លៃរបស់តុលាការក្នុងតម្លៃជិត ១០០០ រូល ។

ទ្រព្យសម្បត្តិ៖ Niranjan Hiranandani

មហាសេដ្ឋីអចលនទ្រព្យជនជាតិឥណ្ឌាគឺលោក Niranjan Hiranandani បានបង្កើតក្រុមហ៊ុន Hiranandani Group ជាមួយបងប្រុសរបស់គាត់គឺលោក Surendra ។ ពួកគេបានលក់ទ្រព្យសកម្ម ពាណិជ្ជកម្ម​ និងការលក់រាយរបស់ពួកគេនៅក្នុង តំបន់ Powai ទៅឲ្យក្រុមហ៊ុន Brookfield Assan Management ក្នុងតម្លៃ ១ ពាន់លានដុល្លារ ។ តាមរយៈការិយាល័យគ្រួសាររបស់គាត់ Nidar Group លោក Hiranandani កំពុងធ្វើការវិនិយោគលើហេដ្ឋារចនាសម្ព័ន្ធថាមពល ការកសាងបំពង់បង្ហូរឧស្ម័នធម្មជាតិ និងស្ថានីយស្តុកឧស្ម័នចំនួន ២ កន្លែង ។

ប្រភព៖ Phnom Penh HR