លោកមហាសេដ្ឋី Pham Nhat Vuong ជាអ្នកអភិវឌ្ឍន៍អចលនទ្រព្យ និងជាមហាសេដ្ឋីដំបូងគេនៅប្រទេសវៀតណាម

លោក Pham Nhat Vuong កើតនៅឆ្នាំ ១៩៦៨ គាត់គឺជាអ្នកអភិវឌ្ឍន៍អចលនទ្រព្យ និងជាមហាសេដ្ឋីដំបូងគេនៅប្រទេសវៀតណាម ។

ជីវប្រវត្តិ៖

លោក Pham Nhat កើតនៅទីក្រុងហាណូយនឹងឪពុកបង្កើតរបស់គាត់មានដើមកំណើតនៅខេត្តហាទីញប្រទេសវៀតណាម ។ លោក Pham ធំទ្បើងនៅទីក្រុងហាណូយហើយបានបញ្ចប់ការសិក្សានៅវិទ្យាល័យគីមលៀននៅឆ្នាំ ១៩៨៥ ។ នៅឆ្នាំ ១៩៨៧ គាត់បានចូលសាកលវិទ្យាល័យរ៉ែ និងភូគព្ភសាស្ត្រទីក្រុងហាណូយហើយត្រូវបានបញ្ជូនទៅប្រទេសរុស្ស៊ីដើម្បីបន្តសិក្សានៅវិទ្យាស្ថានវិទ្យាសាស្ត្រភូគព្ភសាស្ត្រនៅទីក្រុងមូស្គូ ។ ហើយគាត់បានបញ្ចប់ការសិក្សានៅសាកលវិទ្យាល័យនេះក្នុងឆ្នាំ ១៩៩២ ។

នៅឆ្នាំ ១៩៩៣ លោក Pham Nhat បានក្លាយជាអ្នកអភិវឌ្ឍក្រុមហ៊ុន Technocom ដែលជាអ្នកដឹកនាំទីផ្សារផលិតផលធ្វើម្ហូបនៅប្រទេសអ៊ុយក្រែន ។ ហើយក្រោយមកគាត់បានលក់វាទៅឱ្យក្រុមហ៊ុន Nestle ក្នុងតម្លៃ ១៥០ លានដុល្លារក្នុងឆ្នាំ ២០០៩ មុនពេលត្រឡប់មកប្រទេសវៀតណាមវិញ ។

គម្រោងដំបូងរបស់គាត់នៅប្រទេសវៀតណាមគឺក្រុមហ៊ុន Vinpearl Resort Nha Trang ដែលបានបើកនៅឆ្នាំ ២០០៣ និងក្រុមហ៊ុន Vincom City Towers ប៉ុន្តែក្រោយមកវាត្រូវបានប្តូរឈ្មោះក្រុមហ៊ុនទៅជាក្រុមហ៊ុន Vincom Ba Trieu នៅកណ្តាលទីក្រុងហាណូយដែលបានបើកនៅឆ្នាំ ២០០៤ ។ ក្រុមហ៊ុន Vincom បានផ្សព្វផ្សាយជាសាធារណៈនៅឆ្នាំ ២០០៧ ។ ក្រុមហ៊ុន VinGroup មានទីស្នាក់ការកណ្តាលនៅសង្កាត់មាត់ទន្លេក្នុងស្រុក Long Biên ភាគខាងកើតទីក្រុងហាណូយ ។

ក្នុងឆ្នាំ ២០១៥ លោក Pham Nhat គឺជាអ្នកមានជាងគេនៅក្នុងប្រទេសវៀតណាមដោយមានទ្រព្យសម្បត្តិសរុប ២៤,៣ ពាន់លានដុង (ប្រមាណ ១,១ ពាន់លានដុល្លារ) ។ គិតត្រឹមថ្ងៃទី ៨ ខែ មិថុនា ឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់គាត់មានចំនួន ២,១ ពាន់លានដុល្លារអាមេរិក ។

ទ្រព្យសម្បត្តិ៖ Pham Nhat Vuong

មហាសេដ្ឋីជនជាតិវៀតណាមគឺលោក Pham Nhat Vuong គឺជាអ្នកអភិវឌ្ឍន៍អចលនទ្រព្យដែលមានទ្រព្យសម្បត្តិសរុបប្រមាណ ៦,៨ ពាន់លានដុល្លារ ។ គាត់បានលេចមុខក្នុងបញ្ជីឈ្មោះរបស់ទស្សនាវដ្តី Forbes ក្នុងនាមជាអ្នកមានជាងគេទី ៩៧៤ នៅក្នុងបញ្ជីរបស់មហាសេដ្ឋីពិភពលោក ។  គាត់ក៏ត្រូវបានគេចាត់ទុកថាជាមនុស្សម្នាក់ដែលមានឥទ្ធិពលបំផុតនៅក្នុងប្រទេសវៀតណាមផងដែរ ។

លោក Pham Nhat ជាស្ថាបនិក និងជាប្រធានក្រុមប្រឹក្សាភិបាលនៃក្រុមហ៊ុន Vingroup ដែលជាក្រុមហ៊ុនដ៏ធំមួយដែលមានចំណាប់អារម្មណ៍លើវិស័យអចលនទ្រព្យសណ្ឋាគារ និង ថែទាំសុខភាព ។ លោក Pham Nhat បានបញ្ចប់ការសិក្សានៅសាកលវិទ្យាល័យម៉ូស្គូនៅក្នុងប្រទេសរុស្ស៊ីហើយគាត់បានផ្លាស់ទៅប្រទេសអ៊ុយក្រែនជាកន្លែងដែលគាត់បានចាប់ផ្តើមធ្វើការនៅក្នុងក្រុមហ៊ុន Technocom ដែលជាអ្នកផលិតមី ។

ប្រភព៖ Phnom Penh HR