លោកមហាសេដ្ឋី Alain Taravella ជាស្ថាបនិក និងជានាយកប្រតិបត្តិរបស់ក្រុមហ៊ុន Altarea Cogedim ដែលជាក្រុមហ៊ុនអចលនទ្រព្យ

លោក Alain Taravella កើតនៅថ្ងៃទី ២៤ ខែ ឧសភា ឆ្នាំ ១៩៤៨ ដែលជាសហគ្រិនជនជាតិបារាំង និងជាអ្នកវិនិយោគអចលនទ្រព្យ ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Altarea Cogedim ដែលជាក្រុមហ៊ុនអចលនទ្រព្យ ។

អាជីព៖

នៅឆ្នាំ ១៩៧៥ លោក Alain បានបម្រើការងារនៅក្នុងក្រុមហ៊ុន Brémond Group ។ ក្រុមហ៊ុននេះបានផ្លាស់ប្តូរឈ្មោះទៅជា Pierre & Vacances នៅឆ្នាំ ១៩៧៥ ដែលបច្ចុប្បន្ននេះវាគឺជាក្រុមហ៊ុនអឺរ៉ុបឈានមុខគេក្នុងវិស័យសេវាកម្មទេសចរណ៍ ។ លោក Alain ត្រូវបានតែងតាំងជានាយកប្រតិបត្តិនៅឆ្នាំ ១៩៨៥ ។ ក្នុងឆ្នាំ ១៩៩៤ គាត់បានបង្កើតក្រុមហ៊ុន Altarea ដែលជាមជ្ឈមណ្ឌលវិនិយោគអភិវឌ្ឍន៍ និងការជឿទុកចិត្តលើការវិនិយោគអចលនទ្រព្យ ។

នៅឆ្នាំ ២០០៧ ក្រុមហ៊ុននេះបានទិញយកក្រុមហ៊ុន Cogedim ដែលជាក្រុមហ៊ុនអភិវឌ្ឍន៍អចលនទ្រព្យ និងការិយាល័យ ។ ចាប់តាំងពីពេលនោះមកក្រុមហ៊ុន Altarea Cogedim បានបន្តការអភិវឌ្ឍរបស់ខ្លួននៅលើទីផ្សារអចលនទ្រព្យសំខាន់ៗចំនួន ៣ គឺការលក់រាយលំនៅដ្ឋាន និងការិយាល័យ ។

ក្នុងឆ្នាំ ២០១០ ក្រុមហ៊ុននេះបានទិញយក Cap 3000 ដែលជាមជ្ឈមណ្ឌលមួយក្នុងចំនោមមជ្ឈមណ្ឌលលក់ទំនិញក្នុងតំបន់ដែលមានទីតាំងស្ថិតនៅជាយក្រុង Nice ។ ហើយក្រុមហ៊ុននេះបច្ចុប្បន្នមានបុគ្គលិកច្រើនជាង ១២០០ នាក់ជាមួយនឹងប្រតិបត្តិការនៅប្រទេសបារាំង អេស្បាញ និងអ៊ីតាលី ។

ក្រុមហ៊ុន Altarea Cogedim បានគ្រប់គ្រងមជ្ឈមណ្ឌលផ្សារទំនើបចំនួន ៤ ពាន់លានផោន ។ ហើយក្រុមហ៊ុន Alain Taravella បានកាន់កាប់ភាគហ៊ុនប្រមាណ ៤៨% នៃដើមទុនរបស់ក្រុមហ៊ុន ។ ក្រុមហ៊ុន Altarea បានកត់ត្រាការលក់ចំនួន ១.៥៨៤ ពាន់លានអឺរ៉ូក្នុងឆ្នាំ ២០១២ និងមានមូលធននីយកម្មទីផ្សារចំនួន ១,៤ ពាន់លានអឺរ៉ូនៅថ្ងៃទី ៣០ ខែ មិថុនា ឆ្នាំ ២០១៣ ។

ប្រភព៖ Phnom Penh HR