លោកមហាសេដ្ឋី Massimo Moratti ជានាយកប្រតិបត្តិនៃក្រុមហ៊ុន Saras Group ដែលជាក្រុមហ៊ុនផលិតប្រេងឥន្ទនៈ

លោក Massimo Moratti កើតនៅថ្ងៃទី ១៦ ខែ ឧសភា ឆ្នាំ ១៩៤៥ ដែលជាម្ចាស់អាជីវកម្មប្រេងឥន្ទនៈ ។ គាត់គឺជានាយកប្រតិបត្តិនៃក្រុមហ៊ុន Saras Group ដែលបានបង្កើតឡើងក្នុងឆ្នាំ ១៩៦២ ដោយឪពុករបស់គាត់គឺលោក Angelo Moratti គឺជាអ្នកឧស្សាហកម្ម ។

ក្រុមហ៊ុន Saras Group គឺជាកន្លែងផលិតប្រេងដ៏សំខាន់របស់រោងចក្រចម្រាញ់ប្រេង Sarroch ដែលមានទីតាំងនៅលើកោះ Sardinia ដែលជាកន្លែងផលិតប្រេងតែមួយគត់នៅអឺរ៉ុបដែលផលិតបានចំណុះ ៣០០,០០០ បារ៉ែលក្នុងមួយថ្ងៃដែលមានចំនួន ១៥% នៃសមត្ថភាពចម្រាញ់ប្រេងនៅក្នុងប្រទេសអ៊ីតាលី ។

ក្នុងរយះប៉ុន្មានឆ្នាំថ្មីៗនេះក្រុមហ៊ុន Saras Group បានចូលក្នុងផលិតកម្មអគ្គិសនី និងកំពុងពង្រីកផលិតកម្មប្រភពថាមពលជំនួសជាពិសេសក្នុងវិស័យថាមពលខ្យល់តាមរយៈក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន Sarlux និង Sardeolica ដែលត្រូវបានគ្រប់គ្រងដោយប្រយោលតាមរយៈក្រុមហ៊ុន Eolici Ulassai ។

ចាប់ពីឆ្នាំ ១៩៩៥ រហូតដល់ឆ្នាំ ២០១៣ លោក Massimo គឺជាប្រធានក្លឹបកីទ្បា F.C. Internazionale Milano ។ ហើយគាត់ត្រូវបានគេនិយាយថាបានចំណាយប្រាក់ប្រហែល ១.៥០០ លានផោននៃទ្រព្យសម្បត្តិផ្ទាល់ខ្លួនរបស់គាត់នៅក្នុងទីផ្សារដោះដូរ និងមានភាពល្បីល្បាញដោយសារបានចុះហត្ថលេខាលើកំពូលតារាបាល់ទាត់ជាច្រើន ។ គាត់គឺជាប្រធានកិត្តិយសរបស់ Inter ហើយក៏ជាឯកអគ្គរដ្ឋទូតសុច្ឆន្ទៈរបស់អង្គការសហប្រជាជាតិផងដែរ ។

អាជីព៖

លោក Massimo បានទទួលមរតកភាគហ៊ុនពីឪពុករបស់គាត់នៅក្នុងក្រុមហ៊ុន Saras Group ដែលបានចូលរួមក្នុងការចម្រាញ់ប្រេងឥន្ធនៈ ។ គាត់គឺជាម្ចាស់ក្រុមហ៊ុន Sarlux ដែលមានទីស្នាក់ការនៅតំបន់ Cagliari ដែលបានផ្តោតសំខាន់លើការផលិតអគ្គិសនីពីកាកសំណល់ប្រេង ។ នៅថ្ងៃទី ១០ ខែ កញ្ញា ឆ្នាំ ២០០៩ លោក Sauro Gori បានប្រកាសថាលោក Massimo ត្រូវបានតែងតាំងជាឯកអគ្គរដ្ឋទូតសុឆន្ទៈរបស់អង្គការសហប្រជាជាតិ ។ នៅខែ ឧសភា ឆ្នាំ ២០១១ លោក Massimo បានគាំទ្រការដេញថ្លៃរបស់ Giuliano Pisapia ដើម្បីក្លាយជាអភិបាលក្រុង Milan ប្រឆាំងនឹងប្អូនថ្លៃស្រី Letizia របស់គាត់ ។

ទ្រព្យសម្បត្តិ៖ Massimo Moratti

លោក Massimo Moratti គឺជាមហាសេដ្ឋីប្រេង និងជាអ្នកជំនួញម្នាក់ដែលមានទ្រព្យសម្បត្តិសុទ្ធចំនួន ១,៥ ពាន់លានដុល្លារ ។ លោក Massimo កើតនៅទីក្រុង Bosco Chiesanuova ប្រទេសអ៊ីតាលីក្នុងឆ្នាំ ១៩៤៥ ។ គាត់បានក្លាយជាឥស្សរជនដ៏ល្បីល្បាញម្នាក់នៅក្នុងក្រុមហ៊ុន Saras Group និងជាម្ចាស់រោងចម្រាញ់ប្រេង ។ ហើយគាត់ក៏ជាម្ចាស់ក្រុមហ៊ុនដែលធ្វើការផលិតអគ្គិសនីពីផលិតផលកាកសំណល់ប្រេងផងដែរ ។

លោក Massimo បានកាន់តំណែងជាប្រធានក្លឹបកីទ្បា Internazionale ក្នុងឆ្នាំ ១៩៩៥ និងជាម្ចាស់ក្លឹបកីទ្បាដែលទទួលបានភាពជោគជ័យដោយបានឈ្នះ Scudetti / Serie A ៥ ដង Coppa Italia ៤ ពានរង្វាន់ UEFA Champions League និង UEFA Cup ។ ហើយគាត់ត្រូវបានគេតែងតាំងជាប្រធានកិត្តិយសនៅចុងឆ្នាំ ២០១៣ ហើយក្រោយមកក្រុមហ៊ុន International Sports Capital បានទិញយកភាគហ៊ុនចំនួន ៧០ ភាគរយរបស់គាត់នៅក្នុងក្លឹបហើយបានជ្រើសរើសលោក Erick Thohir ធ្វើជាប្រធានក្លឹបថ្មី ។

ប្រភព៖ Phnom Penh HR