លោកមហាសេដ្ឋី Kelcy Warren ជានាយកប្រតិបត្តិរបស់ក្រុមហ៊ុន Energy Transfer Partners

លោក Kelcy Lee Warren កើតនៅថ្ងៃទី ០៩ ខែ វិច្ឆិកា ឆ្នាំ ១៩៥៥ ដែលជាអ្នកជំនួញជនជាតិអាមេរិក ។ គាត់គឺជានាយកប្រតិបត្តិរបស់ក្រុមហ៊ុន Energy Transfer Partners ។

ជីវិតដំបូង៖

លោក Warren កើតនៅតំបន់ Gladewater រដ្ឋតិចសាស់ហើយបានធំទ្បើងនៅទីក្រុង White Oak រដ្ឋ Texas ។ គាត់ជាកូនមា្នក់ក្នុងចំណោមកូនប្រុស ៤ នាក់របស់លោក Hugh Brinson Warren និងលោកស្រី Bertie Lee Kirby ។ លោក Warren បានទទួលបរិញ្ញាបត្រផ្នែកវិស្វកម្មសំណង់ស៊ីវិលពីសាកលវិទ្យាល័យ Texas នៅ Arlington ក្នុងឆ្នាំ ១៩៧៨ ។

អាជីព៖

លោក Warren បានចាប់ផ្តើមអាជីពរបស់គាត់ដែលបានធ្វើការនៅក្នុងក្រុមហ៊ុន Lone Star Gas ។ ចាប់ពីឆ្នាំ ១៩៨១ ដល់ឆ្នាំ ១៩៩២ គាត់បានធ្វើការនៅក្នុងក្រុមហ៊ុន Endevco ។ ហើយក្រោយមកគាត់បានបម្រើការជាអនុប្រធានប្រតិបត្តិរបស់ក្រុមហ៊ុន Cornerstone Natural Gas ចាប់ពីឆ្នាំ ១៩៨៩ ដល់ឆ្នាំ ១៩៩០ និងជាប្រធាន និងនាយកប្រតិបត្តិពីឆ្នាំ ១៩៩៣ ដល់ឆ្នាំ ១៩៩៦ ។ ហើយគាត់ក៏ធ្លាប់ជាសហប្រធាន និងជានាយកប្រតិបត្តិនៃក្រុមហ៊ុន Energy Transfer ផងដែរ ។ ចាប់ពីឆ្នាំ ១៩៩៦ ដល់ឆ្នាំ ២០០០ គាត់អង្គុយនៅក្នុងក្រុមប្រឹក្សាភិបាលនៃក្រុមហ៊ុន Crosstex Energy ។

លោក Warren បានទិញយកក្រុមហ៊ុន Roatan Electric (RECO) ក្នុងឆ្នាំ ២០០៨ ដែលគាត់បានបម្រើការជាប្រធាន និងជាប្រធានក្រុមប្រឹក្សាភិបាល ។ ហើយក្រុមហ៊ុន RECO កំពុងធ្វើការវិនិយោគ ៧ លានដុល្លារលើកសិដ្ឋានដែលនឹងបញ្ចប់នៅឆ្នាំ ២០១៧ ។ លោក Warren ជានាយកប្រតិបត្តិ និងជាប្រធានក្រុមហ៊ុន Energy Transfer ។

ក្នុងឆ្នាំ ២០០៤ លោក Warren បានចាប់ផ្តើមបង្កើតក្រុមហ៊ុនដែលបានទិញ និងបើកដំណើរការបំពង់ឧស្ម័នធម្មជាតិដែលត្រូវបានចូលរួមនៅក្នុងការរួមបញ្ចូលគ្នានេះ ។ ពីឆ្នាំ ១៩៩៦ ដល់ឆ្នាំ ២០០០ លោក Warren បានបម្រើការជានាយកគ្រប់គ្រងក្រុមហ៊ុន Crosstex Energy, Inc និងពីឆ្នាំ ១៩៩៣ ដល់ឆ្នាំ ១៩៩៦ គាត់ក៏បានបម្រើការជាប្រធាននាយកប្រតិបត្តិ និងជានាយកគ្រប់គ្រងក្រុមហ៊ុន Cornerstone Natural Gas, Inc ។

លោក Warren មានបទពិសោធលើក្រុមហ៊ុនអាជីវកម្មជាង ២៥ ឆ្នាំនៅក្នុងក្រុមហ៊ុនឧស្សាហកម្មថាមពលផងដែរ ។ នៅឆ្នាំ ២០១៥ លោក Greg Abbott ដែលជាអភិបាលក្រុងនៃរដ្ឋតិចសាស់បានតែងតាំងលោក Warren ទៅគណៈកម្មាធិការឧទ្យានជាតិ និងជាអ្នកមើលការខុសត្រូវលើសត្វព្រៃនៅរដ្ឋតិចសាស់ផងដែរ ។

ទ្រព្យសម្បត្តិ៖ Kelcy Warren

លោក Kelcy Warren គឺជាអ្នកជំនួញជនជាតិអាមេរិកដែលមានទ្រព្យសម្បត្តិសរុបប្រមាណ ២,៧ ពាន់លានដុល្លារគិតត្រឹមខែ មេសា ឆ្នាំ ២០១៦ ។ នេះបើយោងតាមទស្សនាវដ្តី Forbes បានឲ្យដឹងថាលោក Warren កើតនៅទីក្រុង Dallas រដ្ឋតិចសាស់ដែលជានិស្សិតម្នាក់បានបញ្ចប់ការសិក្សានៅសាកលវិទ្យាល័យ Texas នៅរដ្ឋ Arlington ជាមួយនឹងបរិញ្ញាបត្រវិស្វកម្មសំណង់ស៊ីវិលនៅឆ្នាំ ១៩៧៨ ។

បន្ទាប់ពីគាត់បានបញ្ចប់ការសិក្សាគាត់បានធ្វើការឱ្យក្រុមហ៊ុន Lone Star Gas Company ហើយក្រោយមកបានធ្វើការនៅក្នុងក្រុមហ៊ុន Endevco ។ ពីឆ្នាំ ១៩៨៩ ដល់ឆ្នាំ ១៩៩០ លោក Warren បានធ្វើការឱ្យក្រុមហ៊ុន Cornerstone Natural Gas ក្នុងនាមជាអនុប្រធានប្រតិបត្តិរបស់ក្រុមហ៊ុន​ និងពីឆ្នាំ ១៩៩៣ ដល់ឆ្នាំ ១៩៩៦ គាត់បានបម្រើការជាប្រធាន និងជានាយកប្រតិបត្តិ ។

ប្រភព៖ Phnom Penh HR