លោកមហាសេដ្ឋី Aras Agalarov ជាម្ចាស់ក្រុមហ៊ុនអាជីវកម្ម Crocus Inter

លោក Aras Agalarov កើតនៅថ្ងៃទី ០៨ ខែ វិច្ឆិកា ឆ្នាំ ១៩៥៥ ដែលជាពាណិជ្ជករជនជាតិអាហ្សែបែហ្សង់ ។

ជីវប្រវត្តិ៖

លោក Agalarov បានទទួលការអប់រំនៅវិទ្យាស្ថានពហុបច្ចេកទេសអាហ្សែបែហ្សង់ ។ គាត់បានផ្លាស់ទីលំនៅជាមួយក្រុមគ្រួសាររបស់គាត់ទៅរស់នៅក្នុងទីក្រុងមូស្គូក្នុងឆ្នាំ ១៩៩៨ ជាកន្លែងដែលគាត់បានសហការបង្កើតក្រុមហ៊ុន Crocus អន្តរជាតិរួមជាមួយឪពុកក្មេករបស់គាត់គឺលោក Iosif Yefgenevich ដែលមានជំនាញខាងពិព័រណ៍ពាណិជ្ជកម្ម ។

ហើយក្រោយមកគាត់បានចាប់ផ្តើមបើកដំណើរការក្រុមហ៊ុន Crocus Inter ដំបូងរបស់គាត់ដែលបានក្លាយជាម្ចាស់អាជីវកម្មលក់រាយដែលបានរាប់បញ្ចូលទាំងផ្សារទំនើបដែលបានផ្តល់ជូនដល់អតិថិជនជាច្រើនផងដែរ ។ ហើយគាត់បានសាងសង់ផ្សារទំនើប Crocus City Mall ដែលជាមជ្ឈមណ្ឌលលក់ទំនិញដ៏ធំបំផុតនៅក្នុងទីក្រុងមូស្គូ ។ បន្ទាប់មកគាត់បានសាងសង់មជ្ឈមណ្ឌលពាណិជ្ជកម្មដ៏ធំបំផុតមួយនៅក្នុងប្រទេសរុស្ស៊ីនៅជាយក្រុងម៉ូស្គូដែលជាមានឈ្មោះថា Crocus Expo ហើយចាប់តាំងពីពេលនោះមកគាត់បានបង្កើតការអភិវឌ្ឍលំនៅដ្ឋានប្រណីតជាច្រើនទៀតផងដែរ ។

លោក Agalarov ធ្លាប់ធ្វើជាអ្នកទំនាក់ទំនងរវាងលោកដូណាល់ត្រាំនិងលោកវ្ល៉ាឌីមៀពូទីន ។ នេះបើយោងតាមរយះបទសម្ភាសន៍មួយបានប្រាប់ថាពួកគេធ្លាប់បានពិភាក្សាអំពីការសាងសង់អគារ Trump Tower មួយនៅក្នុងប្រទេសរុស្ស៊ីផងដែរ ។ យោងតាមសេចក្តីរាយការណ៍បានឲ្យដឹងថាលោក Agalarov បានព្យាយាមរៀបចំការប្រជុំរវាងអ្នកទាំងពីរប៉ុន្តែរឿងនេះត្រូវបានលុបចោលវិញដោយសារតែលោកពូទីនត្រូវបានជួបជាមួយរាជវង្សហូឡង់នៅពេលនោះ ។

លោក Agalarov មានទ្រព្យសរុបប្រមាណ ១,៣២ ពាន់លានដុល្លារអាមេរិកគិតត្រឹមខែ មករា ឆ្នាំ ២០១៧ ដែលភាគច្រើនបានមកពីការបណ្តាក់ទុនលើអចលនទ្រព្យរបស់គាត់​ ។

ប្រភព៖ Phnom Penh HR