លោកមហាសេដ្ឋី Isaac Perlmutter ជាអតីតនាយកប្រតិបត្តិនៃក្រុមហ៊ុន Marvel Entertainment

លោក Isaac Perlmutter កើតនៅថ្ងៃទី ០១ ខែ ធ្នូ​ ឆ្នាំ ១៩៤២ ដែលជាអ្នកជំនួញ និងអ្នកផ្តល់ហិរញ្ញប្បទានជនជាតិអ៊ីស្រាអែល – អាមេរិកាំង ។ គាត់គឺជាអតីតនាយកប្រតិបត្តិនៃក្រុមហ៊ុន Marvel Entertainment ដែលបានបម្រើការចាប់តាំងពីថ្ងៃទី ១ ខែ មករា ឆ្នាំ ២០០៥ ។ ហើយគាត់ក៏ជាម្ចាស់ក្រុមហ៊ុន Remington Products និង Marvel Toys ផងដែរ ។

ជីវិតដំបូង៖

លោក Isaac កើតនៅក្នុងត្រកូលគ្រួសារជ្វីហ្វមួយនៅប្រទេសអ៊ីស្រាអែល ។ គាត់បានចាប់ផ្តើមធ្វើចំណាកស្រុកទៅរស់នៅសហរដ្ឋអាមេរិកបន្ទាប់ពីគាត់បានបម្រើក្នុងជួរកងទ័ពអ៊ីស្រាអែលក្នុងសង្គ្រាមប្រាំមួយថ្ងៃក្នុងឆ្នាំ ១៩៦៧ ។ គាត់បានចាប់ផ្តើមលក់ប្រដាប់ប្រដាក្មេងលេង និងជាអ្នកចែកចាយផលិតផលថែរក្សាសម្ផស្សនៅតាមដងផ្លូវនៃទីក្រុងញូវយ៉ក ។​

ហើយក្រោយមកគាត់បានវិវត្តទៅជាការលក់ស្តុកអតិបរិមា និងរបស់របរចុងក្រោយដោយទទួលបានប្រាក់ចំណេញជាច្រើន ។ ទោះបីជាគាត់មិនដែលបានចូលរៀននៅសាកលវិទ្យាល័យក៏ដោយគាត់បានបង្រៀនខ្លួនគាត់ពីរបៀបអានតារាងតុល្យការហើយបានក្លាយជាមនុស្សពូកែដែលមើលរំលងតម្លៃរបស់ក្រុមហ៊ុនទន់ខ្សោយ ។

អាជីព៖

លោក Isaac គឺជាដៃគូជំនួញជាមួយលោក Bernard Marden ដែលបានប្រើប្រាស់ជំនាញក្នុងប្រតិបត្តិការលក់របស់ពួកគេ ។លោក Isaac បានបង្កើតក្រុមហ៊ុនមួយដែលមានឈ្មោះថា Odd Lot Trading ដែលជាក្រុមហ៊ុនលក់ដុំ​ និងលក់ទំនិញបិទជិត ។ នៅ​ខែ ឧសភា ឆ្នាំ ១៩៨៤ ពួកគេបានលក់ក្រុមហ៊ុន Odd Lot ទៅឲ្យក្រុមហ៊ុន Revco ជាថ្នូរនឹង ១២ ភាគរយនៃភាគហ៊ុនរបស់ក្រុហ៊ុន Revco ។មិនយូរប៉ុន្មានគាត់បានប្រជែងការគ្រប់គ្រងនៃក្រុមហ៊ុន Revco ដើម្បីគ្រប់គ្រងក្រុមហ៊ុនប៉ុន្តែបន្ទាប់ពីមតិវិជ្ជមានដំបូងត្រូវបានបដិសេធ ។ លោក Isaac និងដៃគូរបស់គាត់បានលក់ភាគហ៊ុនរបស់ពួកគេទៅឱ្យក្រុមហ៊ុន Revco វិញក្នុងតម្លៃ ១២០ លានដុល្លារ ។

ទ្រព្យសម្បត្តិ៖ Isaac Permutter

លោក Isaac Permutter គឺជាជំនួញម្នាក់ដែលមានទ្រព្យសម្បត្តិសរុបប្រមាណ ៣,៨ ពាន់លានដុល្លារ ។ គាត់គឺជាអតីតនាយកប្រតិបត្តិនៃក្រុមហ៊ុន Marvel Entertainment ដែលបានបម្រើការចាប់តាំងពីថ្ងៃទី ១ ខែ មករា  ឆ្នាំ ២០០៥ ។ ហើយគាត់ក៏ជាម្ចាស់ហាង Toy Biz និងផលិតផល Remington ផងដែរ ។

ប្រភព៖ Phnom Penh HR