លោកមហាសេដ្ឋី Issad Rebrab ជានាយកប្រតិបត្តិរបស់ក្រុមហ៊ុនឧស្សាហកម្ម CEVITAL ដែលជាក្រុមហ៊ុនឯកជនដ៏ធំជាងគេនៅក្នុងប្រទេស Algeria

លោក Issad Rebrab កើតនៅឆ្នាំ ១៩៤៤ គឺជានាយកប្រតិបត្តិរបស់ក្រុមហ៊ុនឧស្សាហកម្ម CEVITAL ដែលជាក្រុមហ៊ុនឯកជនដ៏ធំជាងគេនៅក្នុងប្រទេស Algeria ។ ហើយគាត់បានចូលរួមចំណែកនៅក្នុងវិស័យអាជីវកម្មដែកថែប កសិកម្ម ពាណិជ្ជកម្ម និងអេឡិចត្រូនិច ។ យោងតាមទស្សនាវដ្តី Forbes បានឱ្យដឹងថាលោក Issad គឺជាមហាសេដ្ឋីម្នាក់ដែលស្ថិតនៅលំដាប់ទី ៩ នៅទ្វីបអាហ្វ្រិកដែលមានទ្រព្យសម្បត្តិសរុបប្រមាណ ៣,១ ពាន់លានដុល្លារគិតត្រឹមខែ មករា ឆ្នាំ ២០១៦ ។

ការអប់រំ៖

លោក Issad បានបញ្ចប់ការសិក្សានៅសាលាវិជ្ជាជីវៈ និងជាគ្រូបង្រៀនផ្នែកគណនេយ្យ និងច្បាប់ពាណិជ្ជកម្ម ។ មិនយូរប៉ុន្មានគាត់បានឈប់បង្រៀនហើយគាត់បានចាប់ផ្តើមបង្កើតគណនេយ្យផ្ទាល់ខ្លួនរបស់គាត់ ។

អាជីព៖

អាជីពឧស្សាហកម្មរបស់គាត់បានចាប់ផ្តើមនៅឆ្នាំ ១៩៧១ នៅពេលអតិថិជនម្នាក់របស់គាត់ស្នើសុំអោយគាត់កាន់កាប់ភាគហ៊ុននៅក្នុងក្រុមហ៊ុនសំណង់ដែ​កថែប ។ គាត់បានកាន់កាប់ភាគហ៊ុន ២០% នៅក្នុងក្រុមហ៊ុន Sotecom ។ ហើយក្រោយគាត់បានបង្កើតក្រុមហ៊ុនផ្សេងទៀតនៅក្នុងឧស្សាហកម្មដែកថែបនៅឆ្នាំ ១៩៧៥ និងក្រុមហ៊ុន Metal Sider ក្នុងឆ្នាំ ១៩៨៨ ។

នៅឆ្នាំ ១៩៩៥ គ្រឿងដំឡើងសំខាន់ៗរបស់គាត់ត្រូវបានបំផ្លាញនៅក្នុងការវាយប្រហារភេរវកម្ម ។ ដោយមានអារម្មណ៍គ្រោះថ្នាក់គាត់បានចាកចេញពីប្រទេស Algeria ។ ហើយក្រោយមកគាត់បានវិលត្រឡប់មកប្រទេសរបស់គាត់វិញនៅឆ្នាំ ១៩៩៨ ដោយបានចាប់ផ្តើមជាមួយក្រុមហ៊ុន Cevital ដែលជាក្រុមហ៊ុនកសិកម្មដ៏ធំជាងគេបំផុតនៅក្នុងប្រទេស Algeria ។

ក្រុមហ៊ុន Cevital ក៏ជាម្ចាស់រោងចក្រចម្រាញ់ស្ករដ៏ធំជាងគេបំផុតនៅលើពិភពលោក ។ នៅឆ្នាំ ២០១៦ ក្រុមហ៊ុនរបស់លោក Issad បានទិញយកក្រុមហ៊ុនប្រព័ន្ធផ្សព្វផ្សាយ El Khabar ក្នុងតម្លៃ ៤៥ លានដុល្លា​រហើយនេះគឺជាការវិនិយោគលើកទី ២ របស់គាត់ទៅក្នុងប្រព័ន្ធផ្សព្វផ្សាយ ។

លោក Issad Rebrab គឺជាអ្នកជំនួញម្នាក់ដែលមានទ្រព្យសម្បត្តិសុទ្ធប្រមាណ ៣,២ ពាន់លានដុល្លារ ។ អាជីវកម្មរបស់គាត់បានទទួលជោគជ័យខ្លាំងណាស់ហើយវាថែមទាំងជួយឱ្យគាត់បានក្លាយជាមហាសេដ្ឋីដំបូងគេបង្អស់នៅក្នុងប្រទេស Algeria ។

ប្រភព៖ ​Phnom Penh HR