លោកមហាសេដ្ឋី Horst Paulmann ជាស្ថាបនិក និងជានាយកប្រតិបត្តិរបស់ក្រុមហ៊ុន Chilean holding Cencosud ដែលជាក្រុមហ៊ុនលក់ទំនិញធំជាងគេនៅប្រទេសឈីលី

លោក Horst Paulmann​​ Kemna កើតនៅថ្ងៃទី ២២ ខែ មីនា ឆ្នាំ ១៩៣៥ ដែលជាសហគ្រិនជនជាតិអាឡឺម៉ង់ ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Chilean holding Cencosud ដែលជាក្រុមហ៊ុនលក់ទំនិញធំជាងគេនៅប្រទេសឈីលី និងនៅអាមេរិកឡាទីន ។ យោងតាមរយះទស្សនាវដ្តី Forbes បានឲ្យដឹងថាលោក Paulmann​ មាន​ទ្រព្យសម្បត្តិប្រមាណ ៣,១ ពាន់លានដុល្លារដែលធ្វើឱ្យគាត់បានក្លាយជាមហាសេដ្ឋីលំដាប់ទី ២ នៅប្រទេសឈីលី ។

អាជីព៖

ក្រុមហ៊ុន Cencosud ត្រូវបានបង្កើតឡើងដោយលោក Horst Paulmann ដែលបានបង្កើតទ្បើងនៅថ្ងៃទី ១០ ខែ វិច្ឆិកា ឆ្នាំ ១៩៧៨ ។ ក្រុមហ៊ុន Cencosud មានបុគ្គលិកជាង ១៥០,០០០ នាក់នៅក្នុងប្រទេសឈីលី អាហ្សង់ទីន​​ កូឡុំប៊ី ប្រេស៊ីល និងប្រទេសប៉េរូ ។ គម្រោងមួយរបស់លោក Paulmann គឺមជ្ឈមណ្ឌល Costanera ដែលបានរួមបញ្ចូលទាំងអគារខ្ពស់បំផុតនៅអាមេរិកខាងត្បូងដែលមានទំហំ ៣០០ ម៉ែត្រជាមួយផ្សារទំនើប ៦ ជាន់សណ្ឋាគារ និងប៉មការិយាល័យជាច្រើនទៀត ។

ទ្រព្យសម្បត្តិ៖ Horst Paulmann

លោក Horst Paulmann គឺជាអ្នកជំនួញម្នាក់ដែលមានទ្រព្យសម្បត្តិសុទ្ធ ប្រមាណ ៥,៦ ពាន់លានដុល្លារដែលធ្វើអោយគាត់បានក្លាយជាអ្នកមានជាងគេបំផុតនៅក្នុងប្រទេសឈីលី ។ លោក Paulmann កើតនៅប្រទេសអាល្លឺម៉ង់ហើយក្រោយមកគាត់បានផ្លាស់ទៅរស់នៅប្រទេសឈីលីបន្ទាប់ពីសង្គ្រាមលោកលើកទី ២ ។ គាត់បានចាប់ផ្តើមបើកដំណើរការហាងលក់គ្រឿងទេសដំបូងរបស់គាត់នៅពាក់កណ្តាលទសវត្សទី ៧០ ហើយចាប់តាំងពីពេលនោះមកហាងដំបូងរបស់គាត់បានពង្រីកទៅជាផ្សារទំនើបជាង ៦០០ កន្លែងដែលបានចែកចាយពាសពេញប្រទេសឈីលី អាហ្សង់ទីន ប៉េរូនិងប្រេស៊ីល ។

ហើយក្រោយមកគាត់បានចាប់ផ្តើមបើកដំណើរក្រុមហ៊ុន Cencosud ដែលបានគ្រប់គ្រងផ្សារទំនើបក៏ដូចជាក្រុមហ៊ុនធានារ៉ាប់រង ហាងលក់ទំនិញ ផ្សារទំនើប មជ្ឈមណ្ឌលកម្សាន្ត និងទីភ្នាក់ងារទេសចរណ៍ ។ ហើយគ្រួសាររបស់គាត់ក៏ជាម្ចាស់ក្រុមហ៊ុន Cencosud ដែលមានភាគហ៊ុនចំនួន ៦៣% ហើយកូនៗ របស់គាត់សុទ្ធតែជាសមាជិកនៅក្នុងក្រុមប្រឹក្សាភិបាលផងដែរ ។ បច្ចុប្បន្ននេះក្រុមហ៊ុន Cencosud កំពុងសាងសង់មជ្ឈមណ្ឌល Costanera បន្ថែមទៀត ។

ប្រភព៖ Phnom Penh HR