លោកស្រីមហាសេដ្ឋី Magdalena Martullo-Blocher ជានាយកប្រតិបត្តិរបស់ក្រុមហ៊ុន Ems-Chemie

លោកស្រី Magdalena Martullo-Blocher កើតនៅឆ្នាំ ១៩៦៨ គាត់គឺជាអ្នកជំនួញ និងជាអ្នកនយោបាយគណបក្សស្វីស និងជានាយកប្រតិបត្តិរបស់ក្រុមហ៊ុន Ems-Chemie ។ នៅឆ្នាំ ២០១៥ គាត់ត្រូវបានគេបោះឆ្នោតជ្រើសរើសជាក្រុមប្រឹក្សាជាតិក្នុងនាមជាអ្នកតំណាងរបស់ Graubünden ។

ជីវិតដំបូង៖

លោកស្រី Martullo-Blocher គឺជាកូនស្រីរបស់អ្នកនយោបាយឧស្សាហកម្មស្វីសឈ្មោះ Christoph Blocher ដែលបានទិញក្រុមហ៊ុន Ems-Chemie ក្នុងឆ្នាំ ១៩៨៣ ។

លោកស្រី Martullo-Blocher បានកាន់កាប់ក្រុមហ៊ុន Ems-Chemie ពីឪពុករបស់គាត់ក្នុងឆ្នាំ ២០០៤ ។ នៅខែ តុលា ឆ្នាំ ២០១៥ គាត់ត្រូវបានគេជ្រើសរើសឲ្យធ្វើជាក្រុមប្រឹក្សាជាតិសម្រាប់គណបក្សប្រជាជនស្វ៊ីស (SVP) ។ ហើយគាត់ក៏ជាសមាជិកនៃយុទ្ធនាការដើម្បីការពារឯករាជ្យស្វីស និងអព្យាក្រឹត ។

ទ្រព្យសម្បត្តិ៖ Magdalena Martullo-Blocher

លោកស្រី Magdalena Martullo-Blocher គឺជាអ្នកជំនួញជនជាតិស្វីសម្នាក់ដែលមានទ្រព្យសម្បត្តិសរុប ៣.១ ពាន់លានដុល្លារ ។ គាត់បានបម្រើការជានាយកប្រតិបត្តិក្រុមហ៊ុន Ems-Chemie និងកាន់កាប់តំណែងជាប្រធានក្រុមហ៊ុននៅឆ្នាំ ២០០៤ នៅពេលដែលឪពុករបស់គាត់បានលាឈប់ពីតំណែងបដើម្បីបម្រើការក្នុងរដ្ឋាភិបាលស្វីស ។ នៅពេលនោះលោកស្រី Magdalenaបានលក់ភាគហ៊ុនស្មើគ្នារបស់ក្រុមហ៊ុនទៅឱ្យកូន ៗ បួននាក់របស់គាត់ម្នាក់ៗ ។ បន្ទាប់ពីបងប្អូនបង្កើត Miriam និង Markus បានលក់ភាគហ៊ុនរបស់ពួកគេទៅឲ្យលោកស្រី Magdalena និង Rahel អ្នកទាំងពីរបានក្លាយជាម្ចាស់ភាគហ៊ុនធំបំផុតនៅក្នុងក្រុមហ៊ុន ។ លោកស្រី Magdalena បានទ្រព្យសម្បត្តិស្ទើរតែទាំងអស់ពីភាគហ៊ុន ៣០% របស់គាត់នៅក្នុងក្រុមហ៊ុន  Ems-Chemie ដែលឥឡូវនេះមានតម្លៃ ២,៧ ពាន់លានដុល្លារ ។

ប្រភព៖ Phnom Penh HR