លោកមហាសេដ្ឋី Krit Ratanarak ជាប្រធានក្រុមហ៊ុន Bangkok Broadcasting & Television ដែលជាក្រុមហ៊ុនមួយឈានមុខគេរបស់ប្រទេសថៃ

លោក Krit Ratanarak កើតនៅថ្ងៃទី ១៩ ខែ មេសា ឆ្នាំ ១៩៤៦ គាត់គឺជាប្រធានក្រុមហ៊ុន Bangkok Broadcasting & Television ដែលជាក្រុមហ៊ុនមួយឈានមុខគេរបស់ប្រទេសថៃ ។ គ្រួសាររតនៈរ៉ាក់មានការកាន់កាប់ភាគហ៊ុនយ៉ាងច្រើននៅក្នុងក្រុមហ៊ុនដែលមានមូលដ្ឋាននៅប្រទេសថៃរួមមានធនាគារ Krungsri Bank, Siam City Cement, Allianz Ayudhya, Sri Ayudhya Capital, Matching Studio, Media of Medias និងក្រុមហ៊ុន Eastern Star Real Estate ព្រមទាំងមានភាគហ៊ុនភាគច្រើននៅក្នុងក្រុមហ៊ុនទូរទស្សន៍ BBTV ផងដែរ ។

លោក Ratanarak កើតនៅឆ្នាំ ១៩៤៦ និងជាកូនច្បងក្នុងចំណោមកូន ៦ នាក់ដែលមានបងប្អូនស្រី ៥ នាក់ដែលបច្ចុប្បន្នពួកគេបួននាក់រស់នៅក្រៅប្រទេសថៃ ។ នេះបើយោងតាមរយះទស្សនាវដ្តី Forbes បានឲ្យដឹងថាគ្រួសាររតនៈរ៉ាក់ត្រូវបានហៅពួកគេថាជា “ត្រកូលសម្ងាត់បំផុត” ។ លោក Ratanarak គឺជាកូនប្រុសរបស់លោកឈួនរតនៈរ៉ាក់ដែលជាអ្នកបង្កើតធនាគារអយុធ្យាហើយសព្វថ្ងៃនេះវាត្រូវបានគេស្គាល់ថាជាធនាគារក្រុងស្រី ។ គាត់បានកាន់កាប់អាជីវកម្មគ្រួសារបន្ទាប់ពីមរណភាពរបស់ឪពុកគាត់នៅឆ្នាំ ១៩៩៣ ។

ទ្រព្យសម្បត្តិ៖ Krit Ratanarak

លោក Krit Ratanarak គឺជាពាណិជ្ជករជនជាតិថៃម្នាក់ដែលមានទ្រព្យសម្បត្តិសរុប ៥.៥ ពាន់លានដុល្លារ ។ លោករតនារ៉ាក់មានតួនាទីជាប្រធានក្រុមហ៊ុនទូរទស្សន៍ (BBTV) និងជាប្រធានក្រុមហ៊ុនអាជីវកម្មឈានមុខគេមួយរបស់ប្រទេសថៃ ។ គាត់បានគ្រប់គ្រងអាជីវកម្មគ្រួសាររបស់គាត់បន្ទាប់ពីឪពុករបស់គាត់បានស្លាប់នៅឆ្នាំ ១៩៩៣ ។

គ្រួសាររតនៈរ៉ាក់ក៏ជាម្ចាស់ភាគហ៊ុនធំនៅក្នុងក្រុមហ៊ុនធំ ៗ រួមមានធនាគារអយុធ្យានិងក្រុមហ៊ុនផលិតស៊ីម៉ងត៍ដែលជាក្រុមហ៊ុនស៊ីម៉ងត៍ធំជាងគេទី ២ របស់ប្រទេសថៃដែលទាំងពីរនេះត្រូវបានបង្កើតឡើងដោយឪពុកចុងរបស់គាត់ ។ ចំពោះការកាន់កាប់ផ្សេងទៀតរបស់លោកគ្រីតរតនារ៉ាក់រួមមានក្រុមហ៊ុនប្រព័ន្ធផ្សព្វផ្សាយមេឌា និងអចលនទ្រព្យ ។

ប្រភព៖ Phnom Penh HR