លោកមហាសេដ្ឋី Liang Xinjun ជាប្រធាន និងជានាយកប្រតិបត្តិនៃក្រុមហ៊ុន Fosun International

លោក Liang Xinjun គឺជាប្រធាន និងជានាយកប្រតិបត្តិនៃក្រុមហ៊ុន Fosun International ។ ការវិនិយោគរបស់ក្រុមហ៊ុន Fosun មានចាប់ពីការផលិតដែក រហូតដល់ការជីកយករ៉ែ ។ 

ទ្រព្យសម្បត្តិ៖ Liang Xinjun

លោក Liang Xinjun គឺជាសហគ្រិនជនជាតិចិនម្នាក់ដែលមានទ្រព្យសម្បត្តិសុទ្ធចំនួន 1.7 ពាន់លានដុល្លារ ។ គាត់កើតនៅឆ្នាំ 1968 នៅទីក្រុង Taizhou ខេត្ត Zhejiang ប្រទេសចិន ។ នៅឆ្នាំ 1991 លោក Liang បានទទួលបរិញ្ញាបត្រ B. A. ពីសាកលវិទ្យាល័យ Fudan ។ គាត់បានចាប់ផ្តើមសហការជាមួយមិត្តភក្តិរបស់គាត់គឺលោក Guo Guangchang និង Tan Jian ដោយបានបង្កើតក្រុមហ៊ុន Fosun Group ទ្បើងក្នុងឆ្នាំ 1992 ។ គាត់គឺជាប្រធាន និងនាយកប្រតិបត្តិនៃក្រុមហ៊ុន Xinjun ដែលជាអ្នកគ្រប់គ្រងក្រុមហ៊ុនធំជាងគេមួយនៅក្នុងប្រទេសចិន ។

លោក Liang Xinjun និងមិត្តរួមក្រុមរបស់គាត់ដោយទទួលបានភាពរីកចម្រើនជាមួយនឹងក្រុមហ៊ុន Fosun ក្នុងរយៈពេល 20 ឆ្នាំចុងក្រោយនេះ ។ ហើយចក្ខុវិស័យរបស់ក្រុមហ៊ុន Fosun គឺដើម្បីក្លាយជាក្រុមហ៊ុនវិនិយោគ ដោយផ្តោតលើសន្ទុះកំណើនរបស់ប្រទេសចិន ។ ឥឡូវនេះក្រុមហ៊ុនមានការវិនិយោគលើការធានារ៉ាប់រង ឱសថ ការថែទាំសុខភាព ទ្រព្យសម្បត្តិ ការជីកយករ៉ែ ការលក់រាយ សេវាកម្ម ហិរញ្ញវត្ថុ និងការវិនិយោគផ្សេងៗទៀត ព្រមទាំងការគ្រប់គ្រងទ្រព្យសកម្ម ដែលរួមមានសហគ្រាសដ៏ធំបំផុតមួយនៅក្នុងប្រទេសចិន ។ លោក Xinjun គឺជាវាគ្មិនសកម្មនៅក្នុងវេទិកាសេដ្ឋកិច្ច និងកិច្ចប្រជុំកំពូលផ្សេងៗ ។ គាត់ត្រូវបានគេដាក់ឈ្មោះថាជា “អ្នកដឹកនាំធុរកិច្ចវ័យក្មេង” ដោយវេទិកាសេដ្ឋកិច្ចពិភពលោកដែលជា “វិនិយោគិនស្ថាប័ន” ។ នៅខែ សីហា ឆ្នាំ 2014 យោងតាមរយះទស្សនាវដ្តី Forbes បានប្រកាសថា  ក្រុមហ៊ុន Fosun ថ្មីៗនេះបានយល់ព្រមបង់ប្រាក់ចំនួន $ 1.35 ពាន់លានដុល្លារសម្រាប់អង្គភាពធានារ៉ាប់រងរបស់ Caixa Geral de Depositos SA ដែលជាធនាគាររដ្ឋព័រទុយហ្គាល់ ។ ហើយនៅក្នុងឆ្នាំ 2007 លោក Liang Xinjun ក៏ទទួលបានសញ្ញាបត្រ MBA ពី Cheung Kong Graduate School of Business ផងដែរ ។

ប្រភព៖ Phnom Penh HR