លោកមហាសេដ្ឋី Sukanto Tanoto ជាស្ថាបនិក និងជាប្រធានក្រុមហ៊ុន Royal Golden Eagle (RGE)

លោក Sukanto Tanoto កើតនៅថ្ងៃទី ២៥ ខែ ធ្នូ ឆ្នាំ ១៩៤៩ ដែលជាអ្នកជំនួញជនជាតិឥណ្ឌូនេស៊ីដែលបានចូលរួមនៅក្នុងឧស្សាហកម្មឈើ។ នៅឆ្នាំ ២០១៣ គាត់ត្រូវបានគេចាត់ទុកថាជាបុគ្គលម្នាក់ក្នុងចំណោមអ្នកមានបំផុតរបស់ប្រទេសឥណ្ឌូណេស៊ីដែលមានទ្រព្យសម្បត្តិប្រមាណ ២,៣ ពាន់លានដុល្លារ។

បន្ទាប់ពីគាត់បានចាប់ផ្តើមធ្វើជាអ្នកផ្គត់ផ្គង់គ្រឿងបរិក្ខារ និងសំភារៈដល់ក្រុមហ៊ុនប្រេង Pertamina និងក្រុមហ៊ុន Tanoto ដែលបានផ្លាស់ប្តូរទៅជាឧស្សាហកម្មព្រៃឈើក្នុងឆ្នាំ ១៩៧៣។ ផលប្រយោជន៍អាជីវកម្មរបស់ក្រុមហ៊ុន Tanoto ត្រូវបានតំណាងដោយក្រុមហ៊ុន Royal Golden Eagle (RGE) group ។

ជីវប្រវត្តិ៖

លោក Sukanto Tanoto កើតនៅតំបន់ Medan ។ លោកTanoto គឺជាកូនប្រុសច្បងក្នុងចំណោមក្មេងប្រុស ៧ នាក់។ ឪពុករបស់គាត់គឺជាជនអន្តោប្រវេសន៍មកពីទីក្រុង Putian ខេត្ត Fujian ប្រទេសចិន។ នៅឆ្នាំ ១៩៦៦ ការអប់រំរបស់លោកTanoto ត្រូវបានខកខានបន្ទាប់ពីសាលាចិនត្រូវបានបិទដោយរបបថ្មីរបស់ប្រធានាធិបតី Suharto ។ គាត់ត្រូវបានហាមឃាត់មិនឱ្យចូលរៀននៅសាលាជាតិដោយសារតែសញ្ជាតិចិនរបស់ឪពុកម្តាយគាត់។

នៅពេលឪពុករបស់គាត់មានជំងឺដាច់សរសៃឈាមខួរក្បាលគាត់បានបើកអាជីវកម្មបែបលក្ខណះគ្រួសារ។ ហើយគាត់បានផ្លាស់ប្តូរបន្តិចម្តងៗពីការធ្វើពាណិជ្ជកម្មជាមូលដ្ឋានរហូតដល់បានឈ្នះកិច្ចសន្យាក្នុងការកសាងបំពង់បង្ហូរឧស្ម័នសម្រាប់ពហុជាតិ។ ក្នុងអំឡុងវិបត្តិប្រេងឆ្នាំ ១៩៧២ ដែលធ្វើឱ្យតម្លៃប្រេងឡើងថ្លៃយ៉ាងខ្លាំងដែលធ្វើឲ្យលោក Tanoto បានទាញយកអត្ថប្រយោជន៍ពីអតិថិជនដើម្បីពង្រីកប្រតិបត្តិការរបស់ខ្លួនយ៉ាងឆាប់រហ័ស។

លោក Tanotoបានផ្តោតអារម្មណ៍ទៅលើអាជីវកម្មមួយផ្សេងទៀតក្នុងឆ្នាំ ១៩៧៣ ដោយកត់សម្គាល់ថាឥណ្ឌូនេស៊ីបាននាំចេញនូវឈើសម្រាប់បំលែងទៅជាក្តារបន្ទះពីប្រទេសដូចជាជប៉ុនឬតៃវ៉ាន់មុនពេលនាំចូលក្តារដែលបាននាំត្រឡប់ទៅប្រទេសឥណ្ឌូនេស៊ីវិញដោយបានចំណាយថវិកាជាច្រើន។

លោក Tanoto បានទទួលស្គាល់នូវឱកាសដើម្បីអភិវឌ្ឍរោងម៉ាស៊ីនធ្វើឈើផ្ទាល់ខ្លួននៅប្រទេសឥណ្ឌូនេស៊ី។ ហើយគាត់បានលើកឡើងពីសក្តានុពលបន្ថែមតម្លៃដល់សេដ្ឋកិច្ចឥណ្ឌូនេស៊ី និងការបង្កើតការងារថ្មី។ រោងចក្រនេះបានចាប់ផ្តើមប្រតិបត្តិការរបស់ខ្លួននៅឆ្នាំ ១៩៧៥ បន្ទាប់ពីត្រូវបានសម្ពោធដោយប្រធានាធិបតី Suharto ។

លោក Tanoto មានការសោកស្តាយចំពោះការអប់រំ និងការខកខានរបស់គាត់ដែលមិនបានបញ្ចប់ការសិក្សា។ គាត់បានរៀនភាសាអង់គ្លេសពីពាក្យមួយទៅពាក្យមួយដោយប្រើវចនានុក្រមចិន – អង់គ្លេសហើយចុងក្រោយគាត់បានចូលរៀននៅសាលាពាណិជ្ជកម្មនៅ Jakarta នៅពាក់កណ្តាលទសវត្សឆ្នាំ ១៩៧០ ។ គាត់ក៏បានធ្វើការសិក្សាបន្ថែមទៀតនៅ INSEAD នៅ Fontainebleau ប្រទេសបារាំងផងដែរ។

នៅឆ្នាំ ១៩៩៧ លោក Tanoto បានទៅរស់នៅក្នុងប្រទេសសិង្ហបុរីជាមួយគ្រួសាររបស់គាត់ដោយបង្កើតការិយាល័យកណ្តាលរបស់ក្រុមហ៊ុនរបស់គាត់នៅទីនោះ។ កូនប្រុសរបស់គាត់គឺ Anderson គឺជានាយក្រុមហ៊ុន RGE ។ ពាណិជ្ជករឥណ្ឌូនេស៊ីគឺលោក Sukanto Tanoto គឺជាស្ថាបនិក និងជាប្រធានក្រុមហ៊ុន Royal Golden Eagle (RGE) ដែលមានទ្រព្យសម្បត្តិសរុបប្រមាណ ១,៤៦ ពាន់លានដុល្លារ។ គិតត្រឹមខែ មេសា ឆ្នាំ ២០១៦ យោងតាមទស្សនាវដ្តី Forbes ។ នេះបើយោងតាមទស្សនាវដ្តី Forbes លោក Tanoto គឺជាអ្នកមានបំផុតនៅលំដាប់ទី ៧ នៅក្នុងបញ្ជីមហាសេដ្ឋីពិភពលោកទាំង ៤០ របស់ឥណ្ឌូនេស៊ី និងជាអ្នកមានបំផុតទី ៥០៣ នៅក្នុងបញ្ជីមហាសេដ្ឋីពិភពលោក។

ទ្រព្យសម្បត្តិ៖ Sukanto Tanoto

លោក Tanoto កើតនៅថ្ងៃទី ២៥ ខែ ធ្នូ ឆ្នាំ ១៩៤៩ នៅទីក្រុង Medan ប្រទេសឥណ្ឌូនេស៊ី។ គាត់ត្រូវបានគេប៉ាន់ស្មានថាមានទ្រព្យសម្បត្តិចំនួន ២,៨ ពាន់លានដុល្លារតាមរយៈការបង្កើតក្រុមហ៊ុន RGE ដែលជាក្រុមហ៊ុនផលិតកម្មផ្អែកលើក្រុមហ៊ុនធនធានពិភពលោក។ ក្រុមហ៊ុន RGE មានការិយាល័យក្រុមហ៊ុនដូចជានៅសិង្ហបុរី ហុងកុង ប៉េកាំង និងនៅទីក្រុងណានជីងប្រទេសចិន។

ប្រភព៖ Phnom Penh HR