លោកមហាសេដ្ឋី Stef Wertheimer មានក្រុមហ៊ុនឧស្សាហកម្មចំនួន ៦ កន្លែងមនៅក្នុងប្រទេសអ៊ីស្រាអែល

លោក Stefan “Stef” Wertheimer កើតនៅថ្ងៃទី ១៦ ខែ កក្កដា ឆ្នាំ ១៩២៦ គាត់គឺជាអ្នកវិនិយោគ និងជាសប្បុរសជន និងជាអតីតអ្នកនយោបាយអ៊ីស្រាអែលដែលដើមកំណើតមកពីប្រទេសអ៊ីស្រាអែល ។ គាត់គឺជាអតីតសមាជិកនៃ Knesset និងត្រូវបានគេស្គាល់ថាជាម្ចាស់ក្រុមហ៊ុនឧស្សាហកម្មនៅក្នុងប្រទេសអ៊ីស្រាអែល និងនៅប្រទេសជិតខាង ។ លោក Wertheimers គឺជាក្រុមគ្រួសារមួយដែលមានជាងគេបំផុតនៅក្នុងអ៊ីស្រាអែលនៅឆ្នាំ ២០១៣ ។

ជីវិតដំបូង៖

លោក Wertheimer កើតនៅតំបន់ Kippenheim ប្រទេសអាល្លឺម៉ង់ ។ ក្រុមគ្រួសាររបស់គាត់បានភៀសខ្លួនទៅកាន់ប្រទេសអ៊ីស្រាអែលក្នុងឆ្នាំ ១៩៣៧ ដើម្បីរត់គេចពីពួកណាស៊ីស ។ គាត់បានរៀននៅសាលា Tel-Nordau តែគាត់បានឈប់រៀននៅអាយុ ១៦ ឆ្នាំហើយបានចាប់ផ្តើមធ្វើការនៅក្នុងហាងជួសជុលម៉ាស៊ីនថតមួយកន្លែង ។ ក្នុងពេលជាមួយគ្នានេះគាត់បានចាប់ផ្តើមសិក្សាផ្នែកប្រព័ន្ធអុបទិកជាមួយសាស្រ្តាចារ្យ Emanuel Goldberg ដែលជាអ្នកស្រាវជ្រាវ និងជាអ្នកច្នៃប្រឌិតដែលបានចូលរួមចំណែកយ៉ាងសំខាន់ដល់ទិដ្ឋភាពផ្សេងៗគ្នានៃបច្ចេកវិទ្យារូបភាពនៅពាក់កណ្តាលសតវត្សរ៍ទី ២០ ។

នៅឆ្នាំ ១៩៤៣ ក្នុងកំឡុងសង្គ្រាមលោកលើកទី ២ លោក Wertheimer បានចូលរួមជាមួយកងទ័ពអាកាសអង់គ្លេស ។ ហើយគាត់បានបម្រើការជាអ្នកបច្ចេកទេសខាងឧបករណ៍អុបទិក ។ គាត់ត្រូវបានបញ្ជូនទៅបារ៉ែនជាកន្លែងដែលគាត់ជួសជុលឧបករណ៍អុបទិកដែលបានដំឡើងនៅក្នុងយន្តហោះយោធារបស់ប្រទេសអង់គ្លេស ។

នៅឆ្នាំ ១៩៤៥ លោក Wertheimer បានចូលរួមជាមួយ Palmach ជាកន្លែងដែលគាត់បានបម្រើការជាមន្រ្តីបច្ចេកទេសនៅក្នុងអង្គភាពអាឡឺម៉ង់ដែលជាកម្លាំងទ័ពព្រៃពិសេសមួយដែលបានទទួលការបណ្តុះបណ្តាលជាមួយនឹងកិច្ចសហប្រតិបត្តិការអង់គ្លេសដើម្បីចូលរួមក្នុងប្រតិបត្តិការប្រយុទ្ធប្រឆាំងនឹងកងទ័ពអាល្លឺម៉ង់ប្រសិនបើវាឈានដល់ប្រទេសប៉ាឡេស្ទីន ។ នៅឆ្នាំ ១៩៤៧ លោកWertheimer បានចូលរួមជាមួយ Haganah និងធ្វើការក្នុងការអភិវឌ្ឍ និងកែលំអ ។

ក្នុងអំឡុងពេលមានសង្គ្រាមអារ៉ាប់ – អ៊ីស្រាអែលឆ្នាំ ១៩៤៨ លោក Wertheimer បានបម្រើការជាមន្រ្តីបច្ចេកទេសនៅកងពល Yiftach ។ ហើយគាត់បានចាប់ផ្តើមធ្វើការនៅ RAFAEL ដោយត្រូវបានបណ្តេញចេញពីការងារភ្លាមៗបន្ទាប់ពីខ្វះការអប់រំជាផ្លូវការ ។ លោក Wertheimer គឺជាស្ថាបនិក និងជាប្រធានកិត្តិយសនៃក្រុមហ៊ុន Iscar Metalworking ដែលជាក្រុមហ៊ុនផលិតឧបករណ៍អុបទិចដែលមានមូលដ្ឋាននៅប្រទេសអ៊ីស្រាអែល ។

ក្រុមគ្រួសាររបស់លោក Wertheimer បានលក់ភាគហ៊ុន ៨០ ភាគរយរបស់ក្រុមហ៊ុនទៅឱ្យក្រុមហ៊ុន Berkshire Hathaway ក្នុងតម្លៃ ៤ ពាន់លានដុល្លារក្នុងឆ្នាំ ២០០៦ ។ ហើយភាគហ៊ុនដែលនៅសល់ត្រូវបានលក់ទៅអោយក្រុមហ៊ុន Berkshire ក្នុងតំលៃ ២ ពាន់លានដុល្លារក្នុងឆ្នាំ ២០១៣ ។ លោក Wertheimer មានក្រុមហ៊ុនឧស្សាហកម្មចំនួន ៦ កន្លែងនៅក្នុងប្រទេសអ៊ីស្រាអែលផងដែរ ។

ប្រភព៖ Phnom Penh HR