លោកមហាសេដ្ឋី Pallonji Mistry ជាប្រធានក្រុមហ៊ុន Shapoorji Pallonji Group ដែលជាក្រុមហ៊ុនសំណង់ដ៏ធំមួយនៅប្រទេសឥណ្ឌា

លោក Pallonji Shapoorji Mistry កើតនៅឆ្នាំ ១៩២៩ ដែលជាមហាសេដ្ឋីអៀរឡង់ដែលមានដើមកំណើតមកពីប្រទេសឥណ្ឌា។ គាត់គឺជាប្រធានក្រុមហ៊ុន Shapoorji Pallonji Group ។ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់លោក Pallonji មានចំនួន ១៦,៩ ពាន់លានដុល្លារគិតត្រឹមខែ កញ្ញា ឆ្នាំ ២០១៦ ។

លោក Pallonji មានភាគហ៊ុន ១៨.៤ ភាគរយនៅក្នុងក្រុមហ៊ុន Tata Sons  និងជាម្ចាស់ភាគហ៊ុនដ៏ធំជាងគេតែមួយគត់នៅក្នុងក្រុមហ៊ុនឯកជនមួយនៅក្នុងប្រទេសឥណ្ឌា ។ ហើយគាត់ក៏ជាប្រធានក្រុមហ៊ុន Shapoorji Pallonji Group និងជាម្ចាស់ក្រុមហ៊ុន Shapoorji Pallonji Construction Limited, Forbes Textiles និងក្រុមហ៊ុន Eureka Forbes Limited ។

លោក Pallonji បានបោះបង់សញ្ជាតិឥណ្ឌារបស់គាត់ក្នុងឆ្នាំ ២០០៣ ដើម្បីបានចូលជាសញ្ជាតិអៀរឡង់ដោយសារតែនៅប្រទេសឥណ្ឌាមិនអនុញ្ញាតឱ្យមានសញ្ជាតិពីរនោះទេ ។ កូនប្រុសរបស់គាត់ឈ្មោះ Cyrus គឺជាប្រធានក្រុមហ៊ុន Tata Sons ចាប់ពីខែ វិច្ឆិកា ឆ្នាំ ២០១១ ដល់ខែ តុលា ឆ្នាំ ២០១៦ ។ លោក Pallonji បានទទួលពាន់រង្វាន់ Padma Bhushan នៅខែ មករា ឆ្នាំ ២០១៦ សម្រាប់ការចូលរួមចំណែករបស់គាត់នៅក្នុងវិស័យពាណិជ្ជកម្ម និងឧស្សាហកម្មជាច្រើននៅក្នុងប្រទេសឥណ្ឌា ។

ទ្រព្យសម្បត្តិ៖

ឪពុករបស់លោក Pallonji បានទិញភាគហ៊ុនដំបូងនៅក្នុងក្រុមហ៊ុន Tata Sons នៅទសវត្សឆ្នាំ ១៩៣០ ដែលបច្ចុប្បន្នមានភាគហ៊ុនចំនួន ១៨,៤% ។ លោក Pallonji គឺជាម្ចាស់ភាគហ៊ុនដ៏ធំជាងគេបំផុតនៅក្នុងក្រុមហ៊ុន Tata Sons ដែលភាគច្រើនបានគ្រប់គ្រងដោយការជឿទុកចិត្ត ។ លោក Pallonji មានក្រុមហ៊ុនសំណង់ដ៏ធំមួយគឺក្រុមហ៊ុន Shapoorji Pallonji ។

ក្នុងឆ្នាំ ២០០៣ លោក Pallonji បានក្លាយជាពលរដ្ឋអៀរឡង់ដោយសារតែគាត់បានរៀបអាពាហ៍ពិពាហ៍ជាមួយលោកស្រី Pat (Patsy) Perin Dubash ដែលជាជនជាតិអៀរឡង់ដែលរស់នៅតំបន់ Hatch Street នៅក្នុងទីក្រុង Dublin ។ លោក Pallonji បានបោះបង់សញ្ជាតិឥណ្ឌារបស់គាត់ដោយសារតែរដ្ឋាភិបាលឥណ្ឌាបច្ចុប្បន្នមិនអនុញ្ញាតឱ្យមានសញ្ជាតិពីរនោះទេ ទោះបីជាយ៉ាងណាក៏គាត់មានផ្ទះនៅក្នុងទីក្រុងបុមបៃផងដែរ ។

លោក Pallonji Mistry មានទ្រព្យសម្បត្តិសរុបប្រមាណ ១៩,៧ ពាន់លានដុល្លារគិតត្រឹមខែ កក្កដា ឆ្នាំ ២០១៨ ។ គាត់គឺជាប្រធានក្រុមហ៊ុន Shapoorji Pallonji Group ដែលជាក្រុមហ៊ុនសំណង់ដោយបានសាងសង់អាគារធំៗជាច្រើននៅក្នុងទីក្រុងបុមបៃ និងអ្នកគ្រប់គ្រងជាធនាគារនៅទីក្រុងហុងកុង សៀងហៃ និង Standard Chartered Bank និងមានធនាគារបម្រុងនៅប្រទេសឥណ្ឌាផងដែរ ។ នៅខែ មិថុនា ឆ្នាំមុនលោក Pallonji បានប្រគល់តំណែងជាប្រធានក្រុមហ៊ុនទៅឱ្យកូនប្រុសច្បងរបស់គាត់ឈ្មោះ Shapoo​r ។

ប្រភព៖ Phnom Penh HR