លោកមហាសេដ្ឋី Roberto Ongpin ជាអតីតរដ្ឋមន្រ្តីក្រសួងពាណិជ្ជកម្ម និងឧស្សាហកម្មនៅប្រទេសហ្វីលីពីន

លោក Roberto Velayo Ongpin កើតនៅថ្ងៃទី ០៦ ខែ មករា ឆ្នាំ ១៩៣៧ គាត់គឺជាអ្នកជំនួញហ្វីលីពីនដ៏លេចធ្លោ និងជារដ្ឋមន្រ្តីក្រសួងពាណិជ្ជកម្ម និងឧស្សាហកម្ម ។ លោក Roberto មានចំណាប់អារម្មណ៍លើការអភិវឌ្ឍអចលនទ្រព្យ និងការអភិវឌ្ឍន៍រមណីយដ្ឋាន រ៉ែថាមពល និងការដឹកជញ្ជូន ។

ជីវិតដំបូង និងការអប់រំ៖

លោក Roberto  ជាកូនទី ២ ក្នុងចំណោមបងប្អូន ៧ នាក់របស់លោកស្រី Luis Roa Ongpin និង Lourdes Morales Velayo ។ គាត់ធំទ្បើងនៅសង្កាត់ Pinaglabanan នៅតំបន់ San Juan នៅជាយនៃទីក្រុង Manila ។ ហើយគាត់គឺជាចៅប្រុសរបស់លោក Roman T. Ongpin ដែលជាអ្នកជំនួញហ្វីលីពីន និងជាសប្បុរសជនដែលបានជួយបដិវត្តនៅក្នុងប្រទេសហ្វីលីពីនដែលបានប្រឆាំងនឹងអាណានិគមអេស្ប៉ាញ និងអាមេរិកនៅកោះហ្វីលីពីន ។ លោក Roberto ត្រូវបានគេដាក់ឈ្មោះថាជាគ្រួសារដែលមានឥទ្ធិពលបំផុតសម្រាប់ការចូលរួមចំណែកនៅក្នុងការរីកចម្រើនរបស់ប្រទេសហ្វីលីពីន ។

លោក Roberto បានបញ្ចប់ការសិក្សានៅវិទ្យាល័យ Ateneo ហើយគាត់បានបន្តការសិក្សាថ្នាក់បរិញ្ញាប័ត្រវិទ្យាសាស្ត្រផ្នែករដ្ឋបាលពាណិជ្ជកម្មពីសាកលវិទ្យាល័យ Ateneo de Manila ក្នុងឆ្នាំ ១៩៥៧ ។ គាត់បានក្លាយជាគណនេយ្យករសាធារណៈដែលមានសញ្ញាប័ត្រ (CPA) ក្នុងឆ្នាំ ១៩៥៨ ។ នៅឆ្នាំ ១៩៦១ លោក Roberto ទទួលបានសញ្ញាប័ត្រអនុបណ្ឌិតរដ្ឋបាលពាណិជ្ជកម្មពីសាកលវិទ្យាល័យហាវ៉ាដ ។

ទ្រព្យសម្បត្តិ៖ Roberto Ongpin

លោក Roberto Ongpin គឺជាអ្នកជំនួញហ្វីលីពីនដែលមានទ្រព្យសម្បត្តិសុទ្ធប្រមាណ ១,៣ ពាន់លានដុល្លារ ។ គាត់គឺជាអតីតរដ្ឋមន្រ្តីក្រសួងពាណិជ្ជកម្ម និងឧស្សាហកម្មនៅប្រទេសហ្វីលីពីន ។ គាត់បានកាន់មុខតំណែងនេះរហូតដល់ឆ្នាំ ១៩៨៦ ហើយក្រោយមកគាត់បានចាកចេញពីប្រទេសហ្វីលីពីនបន្ទាប់ពីគាត់បានចូលប្រឡូកនៅក្នុងវិស័យសាធារណៈដើម្បីក្លាយជាអនុប្រធាននៃមូលដ្ឋាននៅក្នុងទីក្រុងហុងកុង ។ ចាប់តាំងពីពេលនោះមកគាត់បានផ្តោតទៅលើអាជីវកម្មផ្សេងៗដែលធ្វើឱ្យគាត់មានភាពរីកចម្រើននៅក្នុងវិស័យជំនួញ និងអាជីវកម្មក្នុងរយៈពេលប៉ុន្មានឆ្នាំចុងក្រោយមកនេះ ។

ប្រភព​៖ Phnom Penh HR