លោកមហាសេដ្ឋី Mark Pincus ជាសហស្ថាបនិករបស់ក្រុមហ៊ុន Zynga ដែលជាក្រុមហ៊ុនបង្កើតហ្គេមនៅលើប្រព័ន្ធបណ្តាញសង្គមអ៊ីនធឺណេត

លោក Mark Jonathan Pincus កើតនៅថ្ងៃទី ១៣ ខែ កុម្ភះ ឆ្នាំ ១៩៦៦ ដែលជាសហគ្រិនអ៊ិនធឺណិតអាមេរិច ។​ គាត់គឺជាសហស្ថាបនិករបស់ក្រុមហ៊ុន Zynga ដែលជាក្រុមហ៊ុនបង្កើតហ្គេមនៅលើប្រព័ន្ធបណ្តាញសង្គមអ៊ីនធឺណេត ។ ហើយគាត់ក៏ជាអ្នកបង្កើតក្រុមហ៊ុន Freeloader, Inc, Tribe Networks និង Support.com ។

លោក Pincus បានបម្រើការជានាយកប្រតិបត្តិរបស់ក្រុមហ៊ុន Zynga រហូតដល់ខែ កក្កដា ឆ្នាំ ២០១៣ ។ ហ្គេមកំពូលៗ របស់ក្រុមហ៊ុន Zynga រួមមាន៖ Bubble Safari, CastleVille, ChefVille, CityVille, CityVille ២, CoasterVille, Draw Something, FarmVille, Yoville, FarmVille ២, Zynga Poker, Mafia Wars, Empires & Allies, Words with Friends, Hanging with Friends and Scramble with Friends ។

លោក Pincus ត្រូវបានគេតែងតាំងជានាយកប្រតិបត្តិប្រចាំឆ្នាំសម្រាប់ពានរង្វាន់បច្ចេកវិទ្យា Crunchies ហើយមួយឆ្នាំក្រោយមកគាត់ត្រូវបានគេហៅគាត់ថាជាស្ថាបនិកប្រចាំឆ្នាំ ២០១០  ។ ក្រុមហ៊ុន Zynga ត្រូវបានគេចាត់ទុកថាជាអ្នកត្រួសត្រាយក្រុមហ៊ុនឧស្សាហកម្មល្បែងលើប្រព័ន្ធបណ្តាញសង្គមដែលត្រូវបានគេរំពឹងថានឹងអាចរកចំណូលបានឈានដល់ ៥.៥ កោដិដុល្លារនៅឆ្នាំ ២០១៥ ក្នុងរយៈពេល ៤ ឆ្នាំ ។

លោក Pincus បានចាប់ផ្តើមបង្កើតក្រុមហ៊ុន Zynga មួយនេះទ្បើងដែលធ្វើឲ្យមានការរីកចម្រើនជាខ្លាំងសម្រាប់អ្នកដែលចូលចិត្តលេងហ្គេមលើបណ្តាញសង្គមដែលធ្វើគាត់បានក្លាយជាអ្នកមានជាងគេបំផុតនៅលើពិភពលោកដែលអាចរកប្រាក់បាន ១ កោដិដុល្លារ ។

ជីវិតដំបូង៖

លោក Pincus បានកើតនៅក្នុងត្រកូលគ្រួសារជ្វីហ្វមួយនៅក្នុងទីក្រុងឈីកាហ្គោ ។ គាត់បានចូលរៀននៅសាលា Francis W. Parker ពីសាលាមត្តេយ្យរហូតដល់ថ្នាក់ទី ១២ ហើយបានបញ្ចប់ការសិក្សានៅឆ្នាំ ១៩៨៤ ។ គាត់ទទួលបានបរិញ្ញាបត្រវិទ្យាសាស្ត្រផ្នែកសេដ្ឋកិច្ចពីសាលា Wharton នៃសាកលវិទ្យាល័យ Pennsylvania និងបានបញ្ចប់ផ្នែកអនុបណ្ឌិតពីសាលាពាណិជ្ជកម្មហាវ៉ាដ។

ទ្រព្យសម្បត្តិ៖ Mark Pincus

លោក Mark Pincus មានទ្រព្យសម្បត្តិ ១,៨ ពាន់លានដុល្លារគិតត្រឹមខែ កញ្ញា ឆ្នាំ ២០១១ នេះបើយោងតាមបញ្ជីឈ្មោះមហាសេដ្ឋីពិភពលោកដោយទស្សនាវដ្តី Forbes ។ លោក Pincus គឺជាសហស្ថាបនិករបស់ក្រុមហ៊ុន Zynga ដែលជាគេហទំព័រល្បែងប្រជាប្រិយបំផុតនៅលើប្រព័ន្ធបណ្តាញសង្គមអ៊ិនធឺរណែត ។ នៅឆ្នាំ ២០០៧ សាលាពាណិជ្ជកម្មហាវ៉ាតុ និងសកលវិទ្យាល័យហាវ៉ាដបានបង្កើតក្រុមហ៊ុនលេងហ្គេមលើប្រព័ន្ធផ្សព្វផ្សាយសង្គមដែលមានឈ្មោះថា Zynga ។

ភាពជោគជ័យដ៏គួរឱ្យភ្ញាក់ផ្អើលរបស់ក្រុមហ៊ុន Zynga ត្រូវបានផ្សារភ្ជាប់ជាមួយនឹងហ្វេសប៊ុកដ៏ពេញនិយមរបស់ខ្លួនរួមមាន FarmVille, FrontierVille និង Mafia Wars ត្រូវបានដាក់ឲ្យលេងនៅលើប្រព័ន្ធបណ្តាញសង្គមអ៊ិនធឺរណែត ។ លោក Pincus មានតួនាទីជានាយកប្រតិបត្តិ និងជាម្ចាស់ភាគហ៊ុនប្រមាណ ២០ ភាគរយនៃក្រុមហ៊ុន ។ ល្បែងចុងក្រោយរបស់ក្រុមហ៊ុន Zynga ដែលមានឈ្មោះថា CityVille បានទាក់ទាញអ្នកលេង ២០ លាននាក់ក្នុងមួយថ្ងៃ ។

ប្រភព៖ Phnom Penh HR