លោកមហាសេដ្ឋី Jonathan Nelson ជានាយកគ្រប់គ្រងក្រុមហ៊ុន Providence Equity Partners ដែលជាក្រុមហ៊ុនមូលធនឯកជន

លោក Jonathan Nelson គឺជានាយកគ្រប់គ្រងក្រុមហ៊ុន Providence Equity Partners ដែលជាក្រុមហ៊ុនមូលធនឯកជនដែលមានទឹកប្រាក់ចំនួន ៥០ ពាន់លានដុល្លារអាមេរិកដែលគាត់បានបង្កើតឡើងក្នុងឆ្នាំ ១៩៨៩ ។ លោក Jonathan បានសិក្សាផ្នែកសេដ្ឋកិច្ច និងទទួលបានសញ្ញាប័ត្រផ្នែកអនុបណ្ឌិតពីសកលវិទ្យាល័យហាវ៉ាដ ។

ហើយសព្វថ្ងៃនេះគាត់ក៏ជាសមាជិកម្នាក់នៅក្នុងក្រុមប្រឹក្សាភិបាល Brown ផងដែរ ។ នៅខែ មករា ឆ្នាំ ២០១៦ លោក Jonathan បានប្រកាសថានឹងផ្តល់អំណោយចំនួន ២៥ លានដុល្លារដើម្បីបើកដំណើរការមជ្ឈមណ្ឌល Jonathan Entels ដែលត្រូវបានបើកឲ្យដំណើរការនៅរដូវស្លឹកឈើជ្រុះឆ្នាំ ២០១៦ ។​

ទ្រព្យសម្បត្តិ៖ Jonathan Nelson

លោក​ Jonathan Nelson គឺជាអ្នកជំនួញជនជាតិអាមេរិចម្នាក់ដែលមានទ្រព្យសម្បត្តិសុទ្ធប្រមាណ ១,៨ ពាន់លានដុល្លារ ។ គាត់បានបញ្ចប់ការសិក្សាពីសាកលវិទ្យាល័យប្រោនដោយទទួលបានសញ្ញាប័ត្រផ្នែកសេដ្ឋកិច្ច និងទទួលបាន M.B.A របស់គាត់ពីសាកលវិទ្យាល័យ Harvard ។

លោក​ Jonathan បានចាប់ផ្តើមធ្វើការឱ្យក្រុមហ៊ុន Wellman ដែលជាក្រុមហ៊ុនគីមីវិទ្យាដែលមានមូលដ្ឋាននៅប្រទេសចិន ។ ហើយក្រោយមកគាត់បានវិលត្រឡប់ទៅសហរដ្ឋអាមេរិកវិញហើយគាត់បានចាប់ផ្តើមបើកដំណើរការក្រុមហ៊ុនផ្ទាល់ខ្លួនរបស់គាត់ដែលមានឈ្មោះ Providence Equity Partners នៅចុងទសវត្ស ៨០ ។

គោលបំណងរបស់ក្រុមហ៊ុនគឺដើម្បីគ្រប់គ្រងលើការវិនិយោគលើប្រព័ន្ធផ្សព្វផ្សាយ សេវាកម្មព័ត៌មាន ការអប់រំ និងគំនិតផ្តួចផ្តើមផ្នែកទំនាក់ទំនង ។ ហើយក្រុមហ៊ុនរបស់គាត់បានវិនិយោគលើការអភិវឌ្ឍនៅជុំវិញពិភពលោក​ ។ លោក​ Jonathan ទទួលបានសម្មិតផលជោគជ័យជាច្រើនតាមរយះការចាប់ផ្តើមបង្កើតក្រុមហ៊ុនរបស់គាត់ក្នុងរយៈពេលជាច្រើនឆ្នាំ ។

ហើយថ្មីៗនេះក្រុមហ៊ុន Providence Equity រកប្រាក់ចំណេញបានចំនួន ៣ ពាន់លានដុល្លារពីការលក់ភាគហ៊ុនរបស់គាត់នៅក្នុងក្រុមហ៊ុន Kabel Deutschland ដែលជាក្រុមហ៊ុនខ្សែកាបអាល្លឺម៉ង់ ។ បច្ចុប្បន្ននេះក្រុមហ៊ុនរបស់គាត់បានគ្រប់គ្រងជាង ២៥ ពាន់លានដុល្លារហើយគាត់ក៏ជាម្ចាស់ក្រុមហ៊ុនឯកជនតូចៗមួយចំនួនផងដែរ ។ លោក​ Jonathan ក៏ជាអ្នកគ្រប់គ្រងក្រុមហ៊ុនកំសាន្តមួយចំនួនដូចជា Univision និង Hulu ផងដែរ ។

ប្រភព៖​ Phnom Penh HR