លោកមហាសេដ្ឋី J. Joe Ricketts ជាប្រធាន TD Ameritrade ដែលជាក្រុមហ៊ុនគ្រប់គ្រងមូលប័ត្រផ្នែកលក់

លោក Joe Ricketts ជាប្រធានក្រុមហ៊ុន TD Ameritrade ដែលបានធ្វើបដិវត្តឧស្សាហកម្មឈ្មួញជើងសាដោយនាំមកនូវការលក់បញ្ចុះតម្លៃនៅលើបណ្តាញអ៊ិនធរណេតដល់មហាជន ។ គាត់បានបញ្ចប់ការសិក្សាពីមហាវិទ្យាល័យ Creighton និងបានចាប់ផ្តើមអាជីពជាអ្នកគ្រប់គ្រងកាន់ស្តុកទំនិញ ។

នៅឆ្នាំ ១៩៨៣ លោក Ricketts បានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Ameritrade ដែលបានរួមបញ្ចូលគ្នាជាមួយក្រុមហ៊ុនឈ្មួញជើងសាអនឡាញតូចមួយក្នុងរយៈពេល ១២ ឆ្នាំ ។ ក្រុមហ៊ុនរបស់គាត់បានរួមបញ្ចូលគ្នានឹងបានផ្សព្វផ្សាយជាសាធារណៈក្នុងឆ្នាំ ១៩៩៧ ។​

ហើយក្រោយមកគាត់បានទិញយកក្រុមហ៊ុន TD Waterhouse ២,៩ ពាន់លានដុល្លារក្នុងឆ្នាំ ២០០៦ ។ សព្វថ្ងៃនេះក្រុមហ៊ុន TD Ameritrade បានប្រតិបត្តិការធ្វើពាណិជ្ជកម្មប្រមាណ ៤០០.០០០ ក្នុងមួយថ្ងៃដែលនាំមកនូវប្រាក់ចំណូលជាង ៣ ពាន់លានដុល្លារអាមេរិកក្នុងមួយឆ្នាំ ។ លោក Ricketts បានចូលនិវត្តន៍ពីក្រុមប្រឹក្សាភិបាលក្នុងឆ្នាំ ២០១១ ហើយឥឡូវនេះគាត់បានចំណាយពេលរបស់គាត់ដែលបានផ្តោតលើការគាំទ្រផ្នែកនយោបាយ និងសកម្មភាពសប្បុរសធម៌ ។

ទ្រព្យសម្បត្តិ៖ Joe Ricketts.

លោក J. Joe Ricketts គឺជាអ្នកជំនួញជនជាតិអាមេរិកម្នាក់ដែលមានទ្រព្យសម្បត្តិសុទ្ធប្រមាណ ១,៦ ពាន់លានដុល្លារ ។ គាត់កើតនៅខែ កក្កដា ឆ្នាំ ១៩៤១ នៅក្នុងទីក្រុង Jackson Hole​ រដ្ឋ Wyoming ។ គាត់បានបញ្ចប់ការសិក្សាពីសាកលវិទ្យាល័យ Creighton ក្នុងឆ្នាំ ១៩៦៨ ។

លោក Ricketts និងដៃគូជំនួញមួយចំនួនរបស់គាត់បានបង្កើតក្រុមហ៊ុន First First Omaha Securities ក្នុងឆ្នាំ ១៩៧៥ ។ គាត់គឺជាប្រធាន TD Ameritrade ដែលជាក្រុមហ៊ុនគ្រប់គ្រងមូលប័ត្រផ្នែកលក់​ ។ លោក Ricketts បានបង្កើតក្រុមហ៊ុនភាពយន្តអាមេរិកក្នុងឆ្នាំ ២០០៨ ដែលបានផលិតខ្សែភាពយន្តដូចជា The Conspirator ក្នុងឆ្នាំ ២០១០ ។ ហើយគាត់ក៏បានបង្កើតគេហទំព័រមួយដែលមានឈ្មោះថា DNAinfo.com ក្នុងឆ្នាំ ២០០៩ ដែលជាសេវាកម្មព័ត៌មានឌីជីថល ។

ប្រភព៖​ Phnom Penh HR