លោកមហាសេដ្ឋី Johann Rupert ជាប្រធានក្រុមហ៊ុន Richemont ដែលជាក្រុមហ៊ុនលក់សំលៀកបំពាក់ប្រណីតនៅប្រទេសស្វីស

លោក Johann Peter Rupert កើតនៅថ្ងៃទី ០១ ខែ មិថុនា ឆ្នាំ ១៩៥០ គាត់គឺជាប្រធានក្រុមហ៊ុន Richemont ដែលជាក្រុមហ៊ុនលក់សំលៀកបំពាក់ប្រណីតដែលមានមូលដ្ឋាននៅប្រទេសស្វីស ។ ហើយគាត់ក៏ជាម្ចាស់ក្រុមហ៊ុន Remgro ដែលមានមូលដ្ឋាននៅអាហ្វ្រិកខាងត្បូងផងដែរ ។ ចាប់ពីការប្រកាសនៅថ្ងៃទី ១៣ ខែ វិច្ឆិកា ឆ្នាំ ២០០៩ រហូតដល់ត្រឹមថ្ងៃទី ១ ខែ មេសា ឆ្នាំ ២០១០

លោក Johann នឹងទទួលបានតំណែងជាប្រធាន និងជានាយកប្រតិបត្តិរបស់ក្រុមហ៊ុន Compagnie Financiere Richemont ។ លោក Johann ត្រូវបានគេដឹងថាមានទ្រព្យសម្បត្តិចំនួន ៧,៧ ពាន់លានដុល្លារគិតត្រឹមខែ កញ្ញា ឆ្នាំ ២០១៣ ​ ។ នេះបើយោងតាមរយះទស្សនាវដ្តី Forbes បានឲ្យដឹងថាគាត់គឺជាមហាសេដ្ឋីម្នាក់ដែលជាអ្នកមានជាងគេបំផុតក្នុងចំណោមមហាសេដ្ឋីទាំង ៥ នាក់នៅអាហ្វ្រិកខាងត្បូង ។

ជីវិត​ឯកជន៖

លោក Johann ធំឡើងនៅទីក្រុង Stellenbosch ជាកន្លែងដែលគាត់បានចូលរៀននៅសាលា Paul Roos Gymnasium និងបានបន្តការសិក្សានៅសាកលវិទ្យាល័យ Stellenbosch ដែលបានសិក្សាផ្នែកសេដ្ឋកិច្ច និងផ្នែកច្បាប់ ។ ហើយក្រោយមកគាត់បានលាឈប់ពីសាកលវិទ្យាល័យដើម្បីចាប់យកអាជីពជំនួញរបស់គាត់ ។ ទោះយ៉ាងណានៅឆ្នាំ ២០០៤ សាកលវិទ្យាល័យបានប្រគល់សញ្ញាបត្របណ្ឌិតកិត្តិយសផ្នែកសេដ្ឋកិច្ចដល់គាត់ ។ នៅឆ្នាំ ២០០៨ គាត់បានទទួលសញ្ញាបត្របណ្ឌិតកិត្តិយសផ្នែកពាណិជ្ជកម្មពីសាកលវិទ្យាល័យ Nelson Mandela ។

ទ្រព្យសម្បត្តិ៖ Johann Rupert

លោក Johann Rupert គឺជាមនុស្សម្នាក់ក្នុងចំណោមអ្នកមានបំផុតជាងគេបំផុតនៅអាហ្វ្រិកខាងត្បូងដែលមានទ្រព្យសម្បត្តិសុទ្ធចំនួន ៧,៣ ពាន់លានដុល្លារ ។ លោក Johann គឺជាកូនប្រុសច្បងរបស់មហាសេដ្ឋីជំនួញនៅអាហ្វ្រិកខាងត្បូងគឺលោក Anton Rupert ។ គាត់បានបម្រើការជាប្រធានក្រុមហ៊ុន Richemont ដែលជាក្រុមហ៊ុនលក់សំលៀកបំពាក់ប្រណីតដែលមានមូលដ្ឋាននៅប្រទេសស្វីស ។ ហើយគាត់ក៏ជាម្ចាស់ក្រុមហ៊ុន Remgro ដែលមានមូលដ្ឋាននៅអាហ្វ្រិកខាងត្បូងផងដែរ ។

លោក Johann ជានាយកប្រតិបត្តិរបស់ក្រុមហ៊ុន  Compagnie Financiere Richemont ដែលបានធ្វើឲ្យទ្រព្យសម្បត្តិរបស់គាត់បានកើនឡើងដល់ ៣០ ភាគរយនាពេលថ្មីៗនេះបន្ទាប់ពីគាត់បានធ្វើឱ្យប្រសើរឡើងនូវការលក់សំលៀកបំពាក់ប្រណីតដែលមានមូលដ្ឋាននៅប្រទេសស្វីស ។ ពីមួយឆ្នាំទៅមួយឆ្នាំភាគហ៊ុនរបស់គាត់នៅក្នុងក្រុមហ៊ុន Richemont បានកើនឡើងជាង ៥០% ។ ក្នុងឆ្នាំ ២០១២ គាត់បានលាលែងពីតំណែងជានាយកប្រតិបត្តិរបស់ក្រុមហ៊ុនដោយត្រូវបានជំនួសដោយសហនាយកប្រតិបត្តិគឺលោក Richard Lepeu និង Bernard Fornas ។

ប្រភព៖ Phnom Penh HR