លោកមហាសេដ្ឋី Jerry Yang ជាសហស្ថាបនិក និងជាអតីតនាយកប្រតិបត្តិរបស់ក្រុមហ៊ុន Yahoo! Inc

លោក Jerry Chih-Yuan Yang​ កើតនៅថ្ងៃទី ០៦ ខែ វិច្ឆិកា ឆ្នាំ ១៩៦៨ ដែលជាសហគ្រិន និងអ្នកសរសេរកម្មវិធីលើបណ្តាញអ៊ិនធឺណិត ។ គាត់គឺជាសហស្ថាបនិក និងជាអតីតនាយកប្រតិបត្តិរបស់ក្រុមហ៊ុន Yahoo! Inc ។

ការអប់រំ៖

លោក Yang ទទួលបានបរិញ្ញាបត្រវិទ្យាសាស្ត្រ និងអនុបណ្ឌិតវិទ្យាសាស្ត្រផ្នែកវិស្វកម្មអគ្គិសនីពីសាកលវិទ្យាល័យស្ទែនហ្វដក្នុងរយៈពេល ៤ ឆ្នាំ ។ លោក Yang បានជួបជាមួយលោក David Filo នៅឯសាកលវិទ្យាល័យស្ទែនហ្វដក្នុងឆ្នាំ ១៩៨៩ ហើយពួកគេទាំងពីរនាក់បានទៅប្រទេសជប៉ុនក្នុងឆ្នាំ ១៩៩២ ។

ទ្រព្យសម្បត្តិ៖ Jerry Yang

លោក Jerry Yang គឺជាជាសហគ្រិន និងអ្នកសរសេរកម្មវិធីលើបណ្តាញអ៊ិនធឺណិត ដែលមានទ្រព្យសម្បត្តិសរុបប្រមាណ ១,៨៦ ពាន់លានដុល្លារគិតត្រឹមខែ ឧសភា ឆ្នាំ ២០១៦ នេះបើយោងតាមរយះទស្សនាវដ្តី ​​Forbes ។ គាត់ត្រូវបានគេទទួលស្គាល់ថាជាស្ថាបនិក និងជាអតីតនាយកប្រតិបត្តិរបស់ក្រុមហ៊ុន Yahoo! ។

លោក Yang បានចូលរៀននៅសាកលវិទ្យាល័យ Stanford ជាកន្លែងដែលគាត់បានបញ្ចប់បរិញ្ញាបត្រ និងផ្នែកអនុបណ្ឌិតវិស្វកម្មអគ្គិសនី ។ លោក Yang បានចាប់ផ្តើមបង្កើតក្រុមហ៊ុន Yahoo! Inc ជាមួយលោក David Filo ដែលជាមិត្តនឹងគ្នានៅពេលពួកគេរៀននៅសាកលវិទ្យាល័យ Stanford ។

ក្នុងឆ្នាំ ១៩៩៩ លោក Yang ត្រូវបានគេដាក់ឈ្មោះថាជាអ្នកច្នៃប្រឌិតកំពូលទាំង ១០០ នាក់នៅលើពិភពលោកដែលមានអាយុក្រោម ៣៥ ឆ្នាំដោយក្រុមហ៊ុន MIT Technology Review TR100 ។ លោក Yang បានបម្រើការជានាយកប្រតិបត្តិរបស់ក្រុមហ៊ុនចាប់តាំងពីខែ មិថុនា ឆ្នាំ ២០០៧ ដល់ខែ មករា ឆ្នាំ ២០០៩​ ។

លោក Yang ត្រូវបានគេរិះគន់យ៉ាងខ្លាំងចំពោះការអនុវត្តការងាររបស់គាត់ក្នុងនាមជានាយកប្រតិបត្តិដោយសារតែគាត់មិនអាចតម្លើងថ្លៃភាគហ៊ុន និងប្រាក់ចំណូលក្រោមការគ្រប់គ្រងរបស់គាត់ ។ លោក Yang ត្រូវបានជំនួសចេញដោយលោក Carol Bartz ដែលជានាយកប្រតិបត្តិរបស់ក្រុមហ៊ុន Yahoo! ។ គិតត្រឹមពេលនេះគាត់ក៏បានបម្រើការជាសមាជិកម្នាក់នៅក្នុងក្រុមប្រឹក្សាភិបាលនៃ Cisco និងមូលនិធិអាស៊ីប៉ាស៊ីហ្វិក ។ ហើយគាត់ក៏ជាផ្នែកមួយនៃក្រុមប្រឹក្សាភិបាលនៃសាកលវិទ្យាល័យស្ទែនហ្វដផងដែរ ។

ប្រភព៖ Phnom Penh HR