លោកមហាសេដ្ឋី Gordon Moore ជាសហស្ថាបនិក និងជានាយកប្រតិបត្តិរបស់ក្រុមហ៊ុន Intel Corporations

លោក Gordon Earle Moore កើតនៅថ្ងៃទី ០៣ ខែ មករា ឆ្នាំ ១៩២៩ ដែលជាអ្នកជំនួញជនជាតិអាមេរិក ។ គាត់គឺជាសហស្ថាបនិក និងជានាយកប្រតិបត្តិរបស់ក្រុមហ៊ុន Intel Corporations ។ គិតត្រឹមខែ មករា ឆ្នាំ ២០១៦ លោក Gordon មានទ្រព្យសម្បត្តិសុទ្ធចំនួន ៧,៣ ពាន់លានដុល្លារ ។

ការអប់រំ៖

លោក Gordon កើតនៅទីក្រុងសាន់ហ្វ្រាន់ស៊ីស្កូរដ្ឋកាលីហ្វ័រញ៉ា ។ គាត់បានចូលរៀននៅវិទ្យាល័យ Sequoia នៅក្នុងទីក្រុង Redwood ។ ហើយគាត់បានបន្តចូលរៀននៅឯសាកលវិទ្យាល័យ San Jose ។ ហើយពីរឆ្នាំក្រោយគាត់បានផ្ទេរទៅសាកលវិទ្យាល័យកាលីហ្វ័រញ៉ាដោយទទួលបានបរិញ្ញាបត្រគីមីវិទ្យានៅឆ្នាំ ១៩៥០ ។

នៅខែ កញ្ញា ឆ្នាំ ១៩៥០ លោក Gordon បានចូលរៀននៅវិទ្យាស្ថានបច្ចេកវិទ្យាកាលីហ្វ័រញ៉ា និងទទួលបានសញ្ញាប័ត្របណ្ឌិតផ្នែកគីមីវិទ្យា និងរូបវិទ្យាក្នុងឆ្នាំ ១៩៥៤ ។ លោក Gordon បានចាប់ផ្តើមធ្វើការស្រាវជ្រាវផ្នែកខាងក្រៅនៅមន្ទីរពិសោធន៍រូបវិទ្យាដោយបានអនុវត្តនៅឯសាកលវិទ្យាល័យ Johns Hopkins ពីឆ្នាំ ១៩៥៣ ដល់ ១៩៥៦ ។

លោក Gordon Moore គឺជាសហស្ថាបនិករបស់ក្រុមហ៊ុន Intel Corporations និងមានតួនាទីជាប្រធានក្រុមហ៊ុន Emerits ដែលមានទ្រព្យសម្បត្តិសរុប ៧,១ ពាន់លានដុល្លារ ។ ក្រុមហ៊ុន Intel Corporations ត្រូវបានបង្កើតឡើងក្នុងឆ្នាំ ១៩៦៨ រួមជាមួយលោក Bob Noyce ។

ចាប់តាំងពីពេលនោះមកក្រុមហ៊ុន Intel បានក្លាយជាយីហោដែលគួរឱ្យទុកចិត្ត និងពេញនិយមសម្រាម់អ្នកប្រើប្រាស់រកុំព្យូទ័រយួរដៃ និងទទួលបានការកោតសសើរកាន់តែខ្លាំងឡើងពីសំណាក់អតិថិជនដែលបានប្រើប្រាស់របស់ម៉ាកយីហោរបស់ក្រុមហ៊ុន Apple និង Microsoft ។

ប្រភព៖ Phnom Penh HR