លោកមហាសេដ្ឋី Wang Chuanfu ជាស្ថាបនិករបស់ក្រុមហ៊ុនសាជីវកម្ម BYD ដែលជាក្រុមហ៊ុនផលិតរថយន្ត និងផលិតថ្មទូរស័ព្ទឆ្លាតវៃធំបំផុតនៅលើពិភពលោក

លោក Wang Chuanfu គឺជាអ្នកគីមីវិទ្យាជនជាតិចិន និងជាសហគ្រិន ។ គាត់គឺជាស្ថាបនិករបស់ក្រុមហ៊ុនសាជីវកម្ម BYD ដែលជាក្រុមហ៊ុនផលិតរថយន្ត និងផលិតថ្មទូរស័ព្ទឆ្លាតវៃធំបំផុតនៅលើពិភពលោក ។

វិជ្ជាជីវៈ៖

នៅឆ្នាំ ១៩៩៥ លោក​ Chuanfu បានចាប់ផ្តើមចូលប្រលូកនៅក្នុងវិស័យឯកជនក៏ដូចជាបានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា BYD Firm ។ បច្ចុប្បន្ននេះក្រុមហ៊ុនសាជីវកម្ម BYD ដែលជាក្រុមហ៊ុនផលិតថ្មទូរស័ព្ទឆ្លាតវៃធំបំផុតនៅលើពិភពលោក ។ នៅដើមឆ្នាំ ២០០៩ គាត់ត្រូវបានគេប៉ាន់ប្រមាណថាមានទ្រព្យសម្បត្តិចំនួន ៣,៤ ពាន់លានដុល្លារអាមេរិកដែលធ្វើឱ្យគាត់បានជាប់ចំណាត់ថ្នាក់ទី ៤០៨ នៅលើបញ្ជីឈ្មោះ Hurun Record’s Worldwide Abundant ២០១៤ នៅចុងឆ្នាំ ២០០៩ ។ នេះគឺដោយសារតែការកើនឡើងចំនួនប្រាំដងនៃតម្លៃរបស់ក្រុមហ៊ុនរបស់គាត់បន្ទាប់ពីលោក Warren Buffett បានទិញយកភាគហ៊ុនថ្មីចំនួន ២២៥ លានរបស់ក្រុមហ៊ុន BYD ក្នុងឆ្នាំ ២០០៨ ។

ទ្រព្យសម្បត្តិ៖ Wang Chuanfu

លោក Wang Chuanfu គឺជាអ្នកគីមីវិទ្យា និងពាណិជ្ជករជនជាតិចិនដែលមានទ្រព្យសម្បត្តិសរុបចំនួន ៤,៣ ពាន់លានដុល្លារ ។ គាត់បានប្រមូលទ្រព្យសម្បត្តិរបស់គាត់ក្នុងនាមជាស្ថាបនិក និងជាម្ចាស់ភាគហ៊ុន និងជាប្រធានក្រុមហ៊ុនសាជីវកម្ម BYD ដែលជាក្រុមហ៊ុនផលិតរថយន្តនិងផលិតថ្មទូរស័ព្ទឆ្លាតវៃធំបំផុតនៅលើពិភពលោក ។

លោក Chuanfu ទទួលបានបរិញ្ញាបត្រពីសាកលវិទ្យាល័យបច្ចេកវិទ្យា និងទទួលបានសញ្ញាប័ត្រអនុបណ្ឌិតពីវិទ្យាស្ថានស្រាវជ្រាវ Beijing Non-Ferrous ។ នៅពេលគាត់បានបញ្ចប់ការសិក្សាគាត់បានចំណាយពេលពីរបីឆ្នាំដើម្បីធ្វើការជាអ្នកស្រាវជ្រាវឲ្យរដ្ឋាភិបាល ។ ហើយក្រោយមកគាត់បានសំរេចចិត្តបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា BYD ។ ក្រុមហ៊ុនរបស់គាត់បានប្រែក្លាយទៅជាក្រុមហ៊ុនផលិតរថយន្តដែលមិនគ្រប់គ្រងដោយរដ្ឋាភិបាលធំជាងគេបង្អស់នៅក្នុងប្រទេសចិនក៏ដូចជាក្រុមហ៊ុនផលិតថ្មទូរស័ព្ទចល័តធំជាងគេនៅលើពិភពលោកផងដែរ ។

លោក Chuanfu បានមើលឃើញថាទ្រព្យសម្បត្តិសុទ្ធរបស់គាត់បានកើនឡើងជិត ២ ពាន់លានដុល្លារអាមេរិកកាលពីមួយឆ្នាំមុនដោយសារតម្លៃភាគហ៊ុនរបស់ក្រុមហ៊ុនបានកើនឡើងយ៉ាងឆាប់រហ័ស ។ ទោះបីជាយ៉ាងណាគាត់មិនមែនជាមនុស្សតែម្នាក់ដែលទទួលបានអត្ថប្រយោជន៍ពីការជំរុញភាគហ៊ុននោះទេព្រោះ ១០ ភាគរយនៃក្រុមហ៊ុនរបស់គាត់ត្រូវបានកាន់កាប់ដោយក្រុមហ៊ុន Berkshire Hathaway ដែលជាក្រុមហ៊ុនរបស់ Warren Buffett ។

ប្រភព៖ Phnom Penh HR