ក្របីបាត់ ទើបធ្វើរបងដល់ពេលប្រឡង ទើបស្វាធ្យាយលុះពេលចេញដើរ ទើបវេចសំពាយបីនេះ អន្តរាយ អសារឥតការ (សុភាសិតខ្មែរ ទី​ ១២៧ / Khmer Proverb 127)

             ក្របីបាត់ ទើបធ្វើរបងដល់ពេលប្រឡង ទើបស្វាធ្យាយលុះពេលចេញដើរ ទើបវេចសំពាយបីនេះ អន្តរាយ អសារឥតការ

អត្ថាធិប្បាយ

            សុភាសិតនេះ ជាពាក្យងាយយល់ មិនត្រូវការពន្យល់វែងឆ្ងាយទេ ។ ដោយសង្ខេប បុព្វបុរស​យើង​ចង់ទូន្មាន​យើងថា ” ត្រូវមានការប្រុងប្រៀបទុកជាមុន កុំចាំឲ្យអន្តរាយកើតមានរួចទៅហើយ ទើបស្ទុះស្ទា រត់ជើងបីជើងបួន រករបៀបការពារ វាគ្មានបានប្រយោជន៏អ្វីទេ! ។ គួរធ្វើរបងការពារក្របីឲ្យបានមាំកុំឲ្យចោរលួចបាន មិនត្រូវធ្វើរបង​ក្រោយពេលដែលចោរលួចយកទៅបាត់ហើយនោះទេ ។

            ជាសិស្ស ត្រូវខំរៀនមុនពេលប្រឡង បើដល់ថ្ងៃប្រឡងទៅហើយ ទើបចាប់រៀន តើសង្ឃឹមថាជាប់ឬទេ?

            ឯការធ្វើដំណើរទៅកាន់ទីឆ្ងាយក៏ដូចគ្នា គួររៀបចំសំពាយ (អីវ៉ាន់) ឲ្យបានរួចស្រេចមុនពេលចេញដំណើរ មិនត្រូវរង់ចាំរហូតដល់ម៉ោងចេញ ទើបស្ទុះស្ទាររៀបចំនោះទេ ។ បើមិនដូច្នេះទេ អីវ៉ាន់ជាច្រើន​ដែលត្រូវយក​ទៅជា​មួយខ្លួន​ មុខជាមិនបានទៅជាមួយខ្លួនឡើយ !

Source: khmerproverb