តើពាក្យ «កប្បាស» មានន័យដូចម្ដេច ?

             ដើមកប្បាស ជាចុល្លព្រឹក្សតូចកំពស់ ១-២ ម ប្រហែលមានដើមកំណើតនៅទ្វីបអាហ្រិ្វក គេដាំនៅឥណ្ឌូចិន ។ សរសៃសម្បុរសក្រមៅ ជាប់ជាមួយគ្រាប់ ពិបាកយកគ្រាប់ចេញណាស់ ហេតុនេះគេប្រើការសម្រាប់ញាត់ពូកខ្នើយ ។ គ្រូថ្នាំទុកដើមកប្បាសជារុក្ខជាតិឱសថ គាត់ស្ងោរដើម និងមែកឱ្យផឹកពេលគ្រុនធម្មតា និងគ្រុនចាញ់ ។ គាត់ស្ងោរផ្កា និងស្លឹក ឱ្យផឹកដើម្បីរម្ងាប់រោគឈឺដើមទ្រូង ។ មែក ស្លឹក ផ្កា អាចធ្វើថ្នាំបំពោកលើកន្លែងហើមផ្សេងៗ ។