តើពាក្យ «កុកគ្រោងតូច» មានន័យដូចម្ដេច ?

កុកគ្រោងតូច

?ថ្នាក់ពាក្យជា នាមសព្ទ
មានន័យថា ឈ្មោះ​បក្សី​មួយ​ប្រភេទ ប្រវែង ៥៥-៦៥ ស.ម រដូវមិនបន្តពូជៈ ដងខ្លួនទាំងមូលពណ៌ស ចំពុះពណ៌ខ្មៅ ជើងខ្មៅ ប្រអប់ជើង និងម្រាមពណ៌លឿង។ ពេលបន្តពូជៈ ក្បាលមានកំប៉ោយរោមពីរសសៃ រោមទ្រូង និងកន្ទុយបះជ្រោង មានដៅក្រហមនៅក្រោមភ្នែកគល់ចំពុះ ប្រអប់ជើង និងម្រាមពណ៌ក្រហម។ ទីជំរកៈ វាលភក់រុក្ខជាតិ វាលស្រែ តាមដំណាំកសិកម្ម និងតំបន់ឆ្នេរ។ របាយៈ វត្តមានពេញមួយឆ្នាំ មានគ្រប់ទីកន្លែង និងសំបូរបំផុត។ រដូវបន្តពូជៈ ខែមិថុនា ដល់ខែ សីហា ពងចំនួនពី ៣ ទៅ ៥។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត