តើពាក្យ «កំពីងពួយ» មានន័យដូចម្ដេច ?

កំពីងពួយ

?ថ្នាក់ពាក្យជា នាមសព្ទ
មានន័យថា ស្មៅ​វារ​ដុះ​អណ្ដែត​លើ​ទឹក ឬ​ដុះ​នៅ​ទី​ដី​សើម មាន​ឫស​ចេញ​ពី​ថ្នាំង​ មាន​ស្នាប់​ពណ៌​ស​ឱប​ទង ផ្កា​តូច​ស ឬ​ក្រហម ប្រើ​ជា​អន្លក់។
ឧទាហរណ៍៖  កំពីង​ពួយ​ឈើ កំពីងពួយ​អំបោះ។

                ស្មៅ ដុះក្នុងទឹកបឹងត្រពាំង ច្រើនដុះលាយជាមួយដើមកញ្ឆែត មានដើមវាអណ្តែតលើទឹក មានចុងដុះឡើងផុតពីទឹក។ គេប្រទះឃើញវានៅគ្រប់ប្រទេសក្នុងទ្វីបអាស៊ីផ្នែកក្តៅ។ ត្រួយខ្ចីៗសម្រាប់បរិភោគជាបន្លែ។ ដើមទាំងមូលអាចប្រើជាចំណីជ្រូក។ ក្នុងក្បួនឱសថបុរាណ ស្លឹកគេយកធ្វើជាថ្នាំព្យាបាល ជំងឺស្បែកក្បាល។ នៅប្រទេសជ្វា គេប្រើស្លឹកធ្វើជាថ្នាំបំពោកលើរបួសផ្សេងៗ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត