ខ្ញី
?ថ្នាក់ពាក្យជា នាមសព្ទ
មានន័យថា ឈ្មោះប្រទាលមួយប្រភេទ សន្ដាននឹងរំដេងបរិភោគជាអាហារបាន ឬធ្វើជាថ្នាំកែរោគបាន ។
ឈ្មោះតិណជាតិ កំពស់ ០.៨-១ ម កើតក្នុងទ្វីបអាស៊ីគេដាំជាគ្រឿងទេសក្នុងប្រទេសក្តៅសកលលោក។ មើមខ្ញីគេស្គាល់ និងធ្លាប់បរិភោគគ្រប់ប្រភេទទាំងអស់។ មើមគេទុកជាត្ត្ថុល់កកម្លាំង និង ធ្វើអោយឆាប់រលោយអាហារ។ ក្នុងក្បួឳសថគេទុកខ្ញីជាថ្នាំប្រើបានច្រើនមុខណាស់ គឺធ្វើអោយរដូវដើរត្រឹមត្រូវ អាចរម្ងាប់រោគរលាកដើម ក ឈឺធ្មេញ និង ជាថ្នាំប៉ូវសម្រាប់បុរសផង។ គេប្រើមើមខ្ញីធ្វើម្ហូបផ្សេងៗ និងធ្វើជាតំណាប់
ជារុក្ខជាតិ ដែលគេដាំនៅតាមទីក្រុង និងជនបទស្រុកស្រែចម្ការក្នុងប្រទេសកម្ពុជា។ – ឈ្មោះខ្មែរ ឬក្នុងតំបន់ ៖ ខ្ញី – អំបូរ ៖ ZINGIBERACEAE – ឈ្មោះវិទ្យាសាស្រ្ត ៖ Zingiber offinale Roscoe – ឈ្មោះអង់គ្លេស ៖ Zinger – ឈ្មោះបារាំង ៖ Zingembre – ប្រភពដើម ៖ ទ្វីបអាស៊ី – លក្ខណៈរូបសាស្រ្ត ៖ រុក្ខជាតិមើមមានកម្ពស់០,៨-១ម ស្លឹកស្ទប ដើមរាងវែង ស្រួចចុងប្រវែង១៥-៣០ស.។ ផ្កាកញ្ចុំរាងដូចស៊ុតជាស្រកាៗ ទងផ្កាដុះចេញពីមើម ផ្កាតូចៗ ត្របកផ្កាពណ៌លឿងភ្លាវរាងវែងក្លែបៗដុះបណ្តាក់គ្នា។ ផ្លែស្រួយរាងមូល គេកម្រប្រទះឃើញវាណាស់។ មើមមានទឹកច្រើន និងមានក្លិនក្រអូបប្រហើរឆួល។ – លក្ខណៈជីវសាស្ត្រ ៖ ខ្ញីដុះលូតលាស់ល្អនៅរដូវរំហើយ។ ការដាំដុះរបស់វា តាមរយៈមើមនិងឫស មិនមែនតាមរយៈគ្រាប់ទេ។ – លក្ខណៈអេកូឡូស៊ី ៖ ខ្ញីត្រូវការសីតុណ្ហភាពពី២៤-២៩អង្សាសេ សម្រាប់ការ ដុះលូតលាស់ និងចេញមើមបានល្អ។ – ការប្រើប្រាស់ ៖ ធ្វើជាគ្រឿងទេស៖ ដាក់ក្នុងឆា ជ្រក់ សម្ល ស៊ុប និងបង្អែម។ មើមទុកជាវត្ថុលើកកម្លាំង និងធ្វើឱ្យអាហារឆាប់រលាយ។ ធ្វើជាឱសថ៖ ជួយឱ្យរដួវដើរបានទៀងទាត់ រម្ងាប់មេរោគរលាកដើមក ឈឺធ្មេញ ជាថ្នាំប៉ូវសម្រាប់បុរស(១៣) ព្យាបាលជំងឺរាក ហើមពោះ ចុកពោះ ក្អួតចង្អោរ ផ្តាសាយ តឹងច្រមុះ ក្អក ឈឺសន្លាក់ឆ្អឹង និងបន្សាយជាតិពុលពីមើមអាចម៍ឆ្កឹស(១៤)។
?ថ្នាក់ពាក្យជា គុណនាម
មានន័យថា ដែលមានម្រាមដៃ ឬម្រាមជើងក្រញរ ស្រដៀងនឹងមើមខ្ញី ។
👇 ស្វែងរកឯកសាររៀននិងការងារគ្រប់ប្រភេទនៅទីនេះ៖
👇 ស្វែងរកពាក្យផ្សេងទៀតនៅប្រអប់នេះ៖