តើពាក្យ «ចាន់, ប៉ែន» មានន័យដូចម្ដេច ?

ចាន់, ប៉ែន

?ថ្នាក់ពាក្យជា នាមសព្ទ
មានន័យថា ព្រឹក្ស ឬចុល្លព្រឹក្សម្យ៉ាងកម្ពស់ ៥-១០ ម ដុះក្នុងព្រៃធំនៃឧបទ្វីបឥណ្ឌូចិន គេដាំជិតផ្ទះសម្រាប់យកផ្លែ។ ផ្លែពណ៌មាស មានក្លិនក្រអូប បរិភោគឆ្ងាញ់ពិសារ។ ពេលដើមនៅតូច ផ្លែចេញមករាងសំប៉ែត (ប៉ែន) ដល់ដើមចាស់បន្តិចផ្លែមូលៗ (ចាន់) ។ ឈើរឹងសម្រាប់ធ្វើតុ ទូ​ ឬគ្រឿងលំអ។ គ្រូថ្នាំខ្មែរ ប្រើស្លឹក ឫស និងផ្លែផ្សំធ្វើថ្នាំ។ ស្លឹកបុកអោយម៉ដ្ឋជាថ្នាំបំពោកលើដំបៅរលួយ ឫសលាយជាមួយដើមផ្សេងទៀតផ្សំជាឱសថព្យាបាលជំងឺ រោគប៉ែស្ត និងរោគស្ត្រី ផ្លែជាថ្នាំព្រូន។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត