តើពាក្យ «ឆាក» មានន័យដូចម្ដេច ?

ឆាក

?ថ្នាក់ពាក្យជា កិរិយាសព្ទ
មានន័យថា កាត់​ដោយ​ប្រណាក ។
ឧទាហរណ៍៖ ឆាក​ស្លា ។

              (ស. ជ័ក អ. ថ. ឆ័ក. “ទាញ…”) ។ ទាញ​សំពត់​បង្សុកូល ចាប់​ផ្ទាំង​សំពត់ ឬ​ចាប់​អំបោះ​ដែល​ភ្ជាប់​អំពី​អដ្ឋិធាតុ​មក​សូត្រ​ធម៌​បង្សុកូល ។
ឧទាហរណ៍៖ និមន្ត​លោក​ឆាក (ស. ស.) ។

?ថ្នាក់ពាក្យជា នាមសព្ទ
មានន័យថា បន្លោះធ្នូ ។ រមូរសក់កន្ទុយសេះមានដងសម្រាប់កូតទ្រ ។
ឧទាហរណ៍៖ ឆាកទ្រ ។

               បន្ទប់សម្រាប់តែងតួល្ខោន ។
ឧទាហរណ៍៖ ឆាកល្ខោន, ល្ខោនចេញពីឆាក ។

                ផ្ទាំងគំនូសចំនួន ១ សង្កាត់រៀងឬចំនួន ១ កណ្ឌសាស្រ្តា ដោយសេចក្ដីកាត់ខ្លី ។​

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត