តើពាក្យ «ជម្ពូ» មានន័យដូចម្ដេច ?

ជម្ពូ

?ថ្នាក់ពាក្យជា នាមសព្ទ
មានន័យថា ( សំ. បា. ជម្ពុ ឬ ជម្ពូ ) ព្រីង។ ឈ្មោះស្ទឹងមួយ កើតមានព្រោះផ្លែព្រីងប្រចាំទ្វីបរលួយជាទឹកហូរច្រោះ . . . ( ម. ព. ជម្ពូទ្វីប ផង ) ។
ឈ្មោះឈើពួកមួយ ផ្លែប្រើជាអាហារ, មានច្រើនយ៉ាងគឺ ជម្ពូ-ស, ជម្ពូ-សព្រឿង, ជម្ពូខៀវ, ជម្ពូល័ខ ( សុទ្ធតែមានផ្កា-ស ); ជម្ពូក្រហម ( មានផ្កាក្រហមស្រស់ ) ។ ឈ្មោះឈើតូចមួយប្រភេទផ្សេងទៀតគ្រាប់ក្នុងផ្លែមានក្លិនឆ្អាបហាង សម្រាប់បុកជ្រលក់សំពត់ដិតជាព័ណ៍ក្រហមស្រស់, ស្លឹកប្រើជាថ្នាំស្រលាបរំងាប់កម្ដៅគ្រុនក្ដៅក្រហាយ ។

                     គុម្ពព្រឹក្សកម្ពស់ ១-២ ម ស្ទើរវារ ឬវល្លិវារឡើងដើមឈើ ដុះក្នុងព្រៃស្រោងនៃប្រទេសខ្មែរ ថៃ លាវ និងវៀតណាម។ គេកាត់មែកធំៗខ្លះ យកជ័រ (រុក្ខរស) ជាភេសជ្ជៈដែលធ្វើឱ្យត្រជាក់។

?ថ្នាក់ពាក្យជា គុណនាម
មានន័យថា ក្រហមស្រស់ដូចសម្បុរផ្កាជម្ពូក្រហម ។
ឧទាហរណ៍៖ សំពត់សម្បុរជម្ពូ, ព័ណ៌ជម្ពូ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត