លោកមហាសេដ្ឋី Forrest Preston ជាស្ថាបនិក និងជានាយកប្រតិបត្តិរបស់ក្រុមហ៊ុន Life Care Centers of America ដែលជាក្រុមហ៊ុនថែទាំមនុស្សចាស់រយៈពេលវែង

លោក Forrest Lee Preston កើតនៅឆ្នាំ ១៩៣២ ដែលជាពាណិជ្ជករជនជាតិអាមេរិក ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Life Care Centers of America ដែលជាក្រុមហ៊ុនថែទាំមនុស្សចាស់រយៈពេលវែងហើយក្រុមហ៊ុននេះត្រូវបានបង្កើតឡើងក្នុងឆ្នាំ ១៩៧០ ។

អាជីព៖

លោក Presto​n រួមគ្នាជាមួយបងប្រុសរបស់គាត់ឈ្មោះ Winton Russell Preston បានសហការបង្កើតក្រុមហ៊ុន Preston Printing នៅទីក្រុង Cleveland រដ្ឋ Tennessee ក្នុងឆ្នាំ ១៩៥៥ ។​ ហើយក្រោយមកគាត់បានបង្កើតមន្ទីរពេទ្យមួយសម្រាប់អ្នកជំងឺចាស់ជរា និងសំភារៈទំនាក់ទំនងសាធារណៈសំរាប់មន្ទីរពេទ្យហើយមន្ទីរពេទ្យនេះបានដំណើរការរហូតដល់ឆ្នាំ ១៩៧២ ។

នៅឆ្នាំ ១៩៧០ លោក Presto​n បានចាប់ផ្តើមបង្កើតក្រុមហ៊ុន Life Care Centers of America ដែលបានម្រើការជានាយកប្រតិបត្តិ ។ គិតត្រឹមខែ កញ្ញា ឆ្នាំ ២០១៥ លោក Presto​n​ មានទ្រព្យសម្បត្តិសុទ្ធសរុប ២,១ ពាន់លានដុល្លារអាមេរិក ។ 

ប្រភព៖ Phnom Penh HR