តើពាក្យ «ព្រេង» មានន័យដូចម្ដេច ?

ព្រេង

👉ថ្នាក់ពាក្យជា គុណនាម
មានន័យថា បុរាណ; ដែលមានក្នុងកាលពីដើម, ដែលជាយូរអង្វែងហើយ។ គូព្រេង គូសំណាងដែលបានសាងសូមប្រាថ្នាជាមួយគ្នាពីជាតិមុនមក (ប្រើចំពោះតែបុរសនិងស្ដ្រី)។ ទ្រព្យព្រេង ទ្រព្យដែលកុសលឲ្យផលតាមអំពើកសាងពីជាតិមុន ។ បុណ្យព្រេង បុណ្យដែលបានធ្វើទុកមកពីជាតិមុន។ ពាក្យព្រេង ពាក្យដែលគេនិយាយតៗគ្នាតាំងពីព្រេងនាយមក ។ ភ័ព្វព្រេង ភ័ព្វសំណាងដែលជាប់មកពីជាតិមុន ។ រឿងព្រេង រឿងតំណាលពីព្រេងនាយ ។ ព្រេងព្រឹទ្ធ ចាស់ពីព្រេងនាយ ( ម. ព. ព្រឹទ្ធ ផង ) ។ ព្រេងសំណាង សំណាងពីព្រេងនាយ; ប្រើជា ន. ក៏បាន : រកស៊ីតាមព្រេង, រកស៊ីផ្សងព្រេង គឺរកស៊ីតាមសំណាងឬផ្សងសំណាងពីព្រេងនាយ; ប្រថុយតាមព្រេង គឺប្រថុយតាមសំណាង ( ព. កា. ) ។
ឧទាហរណ៍៖  ពាក្យចាស់ពាក្យពីព្រេង ទោសខ្លួនឯងមើលពុំយល់ ទោសគេតូចសោតសល់ មើលទៅយល់ប៉ុននឹងភ្នំ។ (សាស្រ្ដាច្បាប់ពាក្យចាស់ )។ ល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត