តើពាក្យ «ព្រះខ្លប» មានន័យដូចម្ដេច ?

ព្រះខ្លប

👉ថ្នាក់ពាក្យជា នាមសព្ទ
មានន័យថា ឈ្មោះស្មៅមួយប្រភេទ មានបន្លាខ្លីៗ ស្លឹកល្អិតៗ កាលណាប៉ះពាល់នឹងអ្វីមួយ ឬកម្រើកដោយខ្យល់ក៏ខ្លបក្ដោបស្លឹកចូលក្នុង, ផ្កាសម្បុរក្រហមស្ទើរស្វាយ ។
គុម្ពព្រឹក្ស ឬស្មៅរឹងម៉្យាងនាំមកពីទ្វីបអាមេរិកក្ដៅ ។ ឥឡូវដុះឯងៗ កន្លែងគ្មានព្រៃក្នុងប្រទេសក្ដៅលើសកលលោក ។ នៅប្រទេសខ្លះព្រះខ្លបជាស្មៅអាក្រក់ ពីព្រោះដុះពាសពេញដីចំការដំណាំ ។ នៅប្រទេសខ្មែរ ដើមនេះដុះតែតាមមាត់ផ្លូវ និង លើដីវាល ។​ គ្រូបុរាណ ស្ងោរមែក ស្លឹកព្រះខ្លប ឲ្យអ្នកគ្រុន និងចុកដៃ ជើង ផឹក ។ ទឹកស្ងោរនេះ អាចធ្វើឲ្យស្ងប់ចិត្ត និង​ឲ្យងងុយដេក ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត