តើពាក្យ «ម្អមក្ដាម» មានន័យដូចម្ដេច ?

ម្អមក្ដាម

👉ថ្នាក់ពាក្យជា នាមសព្ទ
មានន័យថា ឈ្មោះតិណជាតិមួយប្រភេទ ជាពួកម្អមដែរ តែដើមនិងស្លឹកល្អិតបន្តិច ក្លិនហាងប្រហាតជាងម្អមធម្មតា, ប្រើជាគ្រឿងស្លម្ជូរមិនកើតទេ ប្រើជាអន្លក់ឬជាគ្រឿងភ្លាបានខ្លះ ( តាមចំណូលអ្នកដែលធ្លាប់ត្រូវការប្រើ ) ។

                          រុក្ខជាតិស្មៅ ដែលដុះតាមវាលស្រែ និងទំនាបលិចទឹក (ទឹកសាប) ផ្សេង ក្នុងប្រទេសកម្ពុជា។ – ឈ្មោះខ្មែរ ឬក្នុងតំបន់ ៖ ម្អមក្តាម – អំបូរ ៖ SCROPHULARIACEAE – ឈ្មោះវិទ្យាសាស្រ្ត ៖ Limnophila repens Benth. – ឈ្មោះអង់គ្លេស ៖ Swam leaf – ឈ្មោះបារាំង ៖ Herbe odorante – ប្រភពដើម ៖ កម្ពុជា ថៃ វៀតណាម ឡាវ ឥណ្ឌា និងចិនខាងត្បូង។ – លក្ខណៈរូបសាស្រ្ត ៖ រុក្ខជាតិវារនៅគល់ ដើមប្រហោងមានរោមច្រើន ចុងដុះ ត្រង់ទៅលើ កម្ពស់ប្រហែល២០ស.ម។ ទំហំដើម និងស្លឹកតូចជាងម្អមស្រែ និងម្អមស្វា(៥១)។ – លក្ខណៈជីវសាស្ត្រ ៖ ដុះលើដីខ្សាច់សើមៗតាមវាលស្រែ និងទំនាបលិចទឹក ផ្សេងៗ – លក្ខណៈអេកូឡូស៊ី ៖ ស្លឹកមានរសជាតិល្វីងតិចៗ – ការប្រើប្រាស់ ៖ ជាគ្រឿងទេស៖ យកធ្វើជាគ្រឿងផ្សំបង់ក្នុងសម្លរ បន្លែឆៅ និងគ្រឿងភ្លា(៥១)។
ឧទាហរណ៍៖ (៥១) វចនានុក្រមរុក្ខជាតិប្រើប្រាស់ក្នុងប្រទេសកម្ពុជា របស់លោកស្រីបណ្ឌិត DY PHON PAULINE ឆ្នាំ២០០០ ទំព័រ៤០៣ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត