តើពាក្យ «សត្វក្បាលធំជើងខ្មៅ» មានន័យដូចម្ដេច ?

សត្វក្បាលធំជើងខ្មៅ

👉ថ្នាក់ពាក្យជា នាមសព្ទ
មានន័យថា បក្សីមួយប្រភេទ មានប្រវែង ១៥-១៧,៥ ស.ម.។ នៅរដូវមិនបន្តពូជៈ ក និងផ្នែកពោះពណ៌ស ចំពុះ និងជើងពណ៌ខ្មៅ ផ្នែកខ្នងពណ៌ត្នោតខ្ចី។ ឈ្មោលពេលបន្តពូជៈ បន្ទូលក្បាលពណ៌ទឹកក្រូច ថ្ងាសពណ៌សភ្ជាប់ជាមួយចិញ្ចើមស មានឆ្នូតខ្មៅកាត់តាមភ្នែក និងចំពុះខ្មៅ មានឆ្នូតខ្មៅមួយឆ្នូតនៅដើមទ្រូង។ ទីជំរកៈ នៅតែតំបន់ឆ្នេរវាលភក់ ឆ្នេរខ្សាច់ ប៉ុន្តែ ក៏មាន តាមវាលស្រែ ឬវាលភក់រុក្ខជាតិទឹកសាបដែរ រយៈកំពស់មិនលើសពី ៤៥០ ម។ របាយៈ ជាប្រភេទឆ្លងកាត់។ រូដវបន្តពូជៈ ចាប់បីខែ កុម្ភៈ ដល់ មិថុនា។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត