តើពាក្យ «សភាគ» មានន័យដូចម្ដេច ?

សភាគ

👉ថ្នាក់ពាក្យជា នាមសព្ទ
មានន័យថា ( បា. ) ដែលមានចំណែកស្មើគ្នា គឺដែលត្រូវគ្នា, ដូចគ្នា; ដែលត្រូវចិត្តត្រូវគំនិតគ្នា, ដែលជិតដិតស្និទ្ធស្នាលនឹងគ្នា។
មនុស្ស, សត្វឬអ្វីៗ ដែលត្រូវគ្នា, ដូចគ្នា, ស្មើចិត្តគំនិតគ្នា : ខ្ញុំនិងមនុស្សនុះ ជាសភាគនឹងគ្នា ( ព. ផ្ទ. វិសភាគ ) ។ បើរៀងភ្ជាប់ពីខាងដើមសព្ទដទៃ អ. ថ. សៈភាគៈ, ដូចជា សភាគជន ឬ –បុគ្គល ជនឬបុគ្គលដែលមានអធ្យាស័យត្រូវគ្នា ។ សភាគភិក្ខុ ភិក្ខុដែលមានវត្តប្រតិបត្តិឬអធ្យាស្រ័យស្មើគ្នា ។ សភាគាបត្តិ (–ប័ត; បា. < សភាគ + អាបត្តិ ) អាបត្តិត្រូវគ្នា ( ព. វិ. ពុ. ) ។ សភាគារម្មណ៍ ( បា. < សភាគ + អារម្មណ ) អារម្មណ៍ត្រូវគ្នា, មិនជាទំនាស់នឹងគ្នា។ល។

👉ថ្នាក់ពាក្យជា គុណនាម
មានន័យថា បានដល់វត្ថុធាតុទាំងឡាយនៃរូបគំនូរ ដែលមានទ្រង់ទ្រាយស្រដៀងគ្នា ហើយមានទំនងដូចគ្នា ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត