លោកមហាសេដ្ឋី Ashwin Dani ជានាយកប្រតិបត្តិនៃក្រុមហ៊ុន Asian Paints Ltd ដែលជាក្រុមហ៊ុនថ្នាំលាបពណ៌ធំជាងគេនៅប្រទេសឥណ្ឌា

លោក Ashwin Suryakant Dani គឺជាសហគ្រិនជនជាតិឥណ្ឌា ។ គាត់គឺជានាយកប្រតិបត្តិនៃក្រុមហ៊ុន Asian Paints Ltd ដែលជាក្រុមហ៊ុនថ្នាំលាបពណ៌ធំជាងគេនៅប្រទេសឥណ្ឌា ។ លោក Ashwin ស្ថិតក្នុងចំណោមមហាសេដ្ឋីឥណ្ឌា និងមាននៅក្នុងបញ្ជីឈ្មោះរបស់ទស្សនាវដ្តី Forbes ដែលជាមហាសេដ្ឋីឥណ្ឌាជាប់នៅចំណាត់ថា្នក់កំពូលទាំង ៥០ របស់ប្រទេសឥណ្ឌា ។

ការអប់រំ៖

លោក Ashwin បានបញ្ចប់បរិញ្ញាបត្រវិទ្យាសាស្ត្រ (Hons)ពីវិទ្យាស្ថានវិទ្យាសាស្ត្រ និងសាកលវិទ្យាល័យ Mumbai ដោយទទួលបានបរិញ្ញាបត្រវិទ្យាសាស្ត្រ និងបច្ចេកវិទ្យាផ្នែកសារធាតុពណ៌ថ្នាំលាបពីសាកលវិទ្យាល័យ UDCT នៃទីក្រុង Mumbai និងជាអនុបណ្ឌិតវិទ្យាសាស្ត្រវត្ថុធាតុ polymer ពីសាកលវិទ្យាល័យ Akron រដ្ឋ Ohio សហរដ្ឋអាមេរិក និងសញ្ញាប័ត្រផ្នែកវិទ្យាសាស្រ្តពី Rensselaer Polytechnic Troy រដ្ឋញូវយ៉កសហរដ្ឋអាមេរិក ។

លោក Ashwin គឺជាទីប្រឹក្សាក្រុមប្រឹក្សាភិបាលកណ្តាលនៃនិយោជិកមូលនិធិរដ្ឋាភិបាលរបស់ប្រទេសឥណ្ឌា ។ ហើយគាត់ក៏ជាប្រធានសមាគម (IPA) និងជាប្រធានក្រុមប្រឹក្សាភិបាលនៃសមាគមអតីតនិស្សិត UDCT នៅក្នុងទីក្រុងបុមបៃផងដែរ ។ គាត់គឺជាសមាជិកក្រុមប្រឹក្សាភិបាលនៃការគ្រប់គ្រងនៃវិទ្យាស្ថានបច្ចេកវិទ្យាគីមី និងជានាយកប្រតិបត្តិនៃមន្ទីរពេទ្យ Wockhardt និងជានាយកប្រតិបត្តិរបស់ក្រុមហ៊ុនធានារ៉ាប់រង Rangudyan និងក្រុមហ៊ុនធានារ៉ាប់រង Broking និងជានាយកក្រុមហ៊ុន Geetanjali និងក្រុមហ៊ុន​ Hitech Plast ។

ប្រភព៖ Phnom Penh HR