លោកមហាសេដ្ឋី Idan Ofer ជាស្ថាបនិករបស់ក្រុមហ៊ុន Tanker Pacific និងជានាយកគ្រប់គ្រងក្រុមហ៊ុន Quantum Pacific Group

លោក Idan Ofer កើតនៅឆ្នាំ ១៩៥៥ ដែលជាអ្នកជំនួញ និងសប្បុរសជនអ៊ីស្រាអែល ។ គាត់គឺជាស្ថាបនិករបស់ក្រុមហ៊ុន Tanker Pacific និងជានាយកគ្រប់គ្រងក្រុមហ៊ុន Quantum Pacific Group ។ គាត់គឺជាម្ចាស់ភាគហ៊ុនភាគច្រើននៃក្រុមហ៊ុនខួងប្រេងនៅតំបន់ប៉ាស៊ីហ្វិចដែលបានចុះបញ្ជីនៅក្នុងទីផ្សារភាគហ៊ុនញូវយ៉ក និងសាជីវកម្មអ៊ីស្រាអ៊ែលដែលបានចុះបញ្ជីនៅលើទីផ្សារភាគហ៊ុន Tel Aviv ​។ គាត់ក៏ជាម្ចាស់ក្រុមហ៊ុន Kenon Holdings ដែលបានចុះបញ្ជីនៅក្នុងផ្សារហ៊ុនផងដែរ ។ ហើយគាត់ក៏ជាអ្នកបរិច្ចាគដ៏ធំបំផុតដល់សាលាធុរកិច្ចអង់គ្លេសដែលមិនធ្លាប់មានក្នុងឆ្នាំ ២០១៣ ។

ការអប់រំ៖

លោក Idan Ofer បានបញ្ចប់ការសិក្សាពីសាកលវិទ្យាល័យ Haifa នៅក្នុងទីក្រុង Haifa ប្រទេសអ៊ីស្រាអែលដោយមានសញ្ញាបត្រផ្នែកសេដ្ឋកិច្ច ។ បន្ទាប់មកគាត់បានទទួលអនុបណ្ឌិតផ្នែកគ្រប់គ្រងពាណិជ្ជកម្មពីសាលាពាណិជ្ជកម្មក្នុងទសវត្សឆ្នាំ ១៩៨០ ។

អាជីព៖

លោក Idan បានចាប់ផ្តើមអាជីពរបស់គាត់ដោយពង្រីកអាជីវកម្មដឹកជញ្ជូននៅក្នុងទីក្រុងហុងកុងក្នុងទសវត្សឆ្នាំ ១៩៨០ ។ បន្ទាប់មកគាត់បានចាប់ផ្តើមធ្វើការនៅប្រទេសសិង្ហបុរី និងសហរដ្ឋអាមេរិក ។ នៅឆ្នាំ ១៩៨៩ លោក Idan គឺជាស្ថាបនិករបស់ក្រុមហ៊ុន Tanker Pacific ដែលជាក្រុមហ៊ុនដឹកទំនិញឯកជនដ៏ធំជាងគេបំផុតនៅទូទាំងពិភពលោក ។

គាត់គឺជានាយកគ្រប់គ្រងនៃក្រុមហ៊ុន Quantum Pacific Group ដែលជាក្រុមហ៊ុនសាជីវកម្មកាន់កាប់ដោយ Guernsey-based holding corporation ​។ គាត់ក៏ជាភាគទុនិកភាគច្រើននៃក្រុមហ៊ុនខួងប្រេងនៅតំបន់ប៉ាស៊ីហ្វិចដែលជាក្រុមហ៊ុនសាធារណៈដែលត្រូវបានចុះបញ្ជីនៅក្នុងទីផ្សារភាគហ៊ុនញូវយ៉ក និងសាជីវកម្មអ៊ីស្រាអែលដែលជាក្រុមហ៊ុនកាន់កាប់ភាគហ៊ុនសាធារណៈធំជាងគេនៅលើផ្សារភាគហ៊ុន Tel Aviv ផងដែរ ។

គាត់បានបម្រើការជាប្រធានសាជីវកម្មអ៊ីស្រាអែលចាប់ពីឆ្នាំ ១៩៩៩ រហូតដល់ឆ្នាំ ២០១០ និងជាសមាជិកក្រុមប្រឹក្សាភិបាលពីឆ្នាំ ១៩៩៩ ដល់ឆ្នាំ ២០១៣ ។ គាត់គឺជាវិនិយោគិននៅក្នុងក្រុមហ៊ុន Better ដែលជាក្រុមហ៊ុនរថយន្តអគ្គិសនីដែលបានក្ស័យធនកាលពីខែ ឧសភា ឆ្នាំ ២០១៣ ។ នៅឆ្នាំ ២០១៤ លោក Idan បានបង្កើតក្រុមហ៊ុន Kenon Holdings ដែលក្រុមហ៊ុនសាជីវកម្មអ៊ីស្រាអែល​ ។

ក្រុមហ៊ុននេះបានផ្តោតសំខាន់លើអាជីវកម្មដែលមានទិសដៅរីកចម្រើននៅក្នុងឧស្សាហកម្មរថយន្ត និងថាមពល ។ ហើយវាបានទទួលការវិនិយោគមួយចំនួនដែលបានកាន់កាប់ពីមុនដោយសាជីវកម្មអ៊ីស្រាអែលដូចជាក្រុមហ៊ុន Qoros ដែលជាគម្រោងរួមគ្នាដែលបានបង្កើតឡើងក្នុងភាពជាដៃគូជាមួយក្រុមហ៊ុន Chery Automobile ដែលផលិតរថយន្តនឹងមានគោលបំណងឆ្ពោះទៅរកទីផ្សារអន្តរជាតិនៅក្នុងប្រទេសចិន ។ ការវិនិយោគផ្សេងទៀតរួមមានសេវាកម្មដឹកជញ្ចូន និង រួមបញ្ចូលជាមួយក្រុមហ៊ុន Inkia Energy ដែលជាក្រុមហ៊ុនថាមពល និងជាក្រុមហ៊ុនបុត្រសម្ព័ន្ធរបស់ IC Power ។

លោក Idan ក៏ធ្លាប់បានបម្រើការនៅក្នុងក្រុមប្រឹក្សាពិគ្រោះយោបល់នៃក្រុមប្រឹក្សាទំនាក់ទំនងបរទេស និងក្រុមប្រឹក្សាព្រឹទ្ធសភានៃសាលា John F. Kennedy នៃរដ្ឋាភិបាលនៅសាកលវិទ្យាល័យហាវ៉ាដផងដែរ ។ ភ្លាមៗបន្ទាប់ពីមរណភាពរបស់ឪពុកគាត់ក្នុងឆ្នាំ ២០១១ គាត់បានទទួលមរតកពីឪពុករបស់គាត់ពាក់កណ្ដាល ។

លើសពីនេះទៀតគាត់បានទទួលមរតកពាក់កណ្តាលនៃការប្រមូលសិល្បៈដ៏ធំធេងរបស់ឪពុកគាត់ផងដែរ ។ ជាលទ្ធផលនៅឆ្នាំ ២០១៣ គាត់គឺជាមនុស្សម្នាក់មានជាងគេបំផុតនៅអ៊ីស្រាអែល ។ នេះបើយោងតាមរយះទស្សនាវដ្តី Forbes បានឱ្យដឹងថាគាត់មានទ្រព្យសម្បត្តិសរុបចំនួន ៤,១ ពាន់លានដុល្លារគិតត្រឹមខែ មករា ឆ្នាំ ២០១៥ ។

ទ្រព្យសម្បត្តិ៖ Idan Ofer

លោក Idan Ofera គឺជាអ្នកជំនួញ និងជាសប្បុរសជនអ៊ីស្រាអែល ។ ក្រុមហ៊ុនបានបន្តរីកចម្រើនយ៉ាងខ្លាំងក្នុងរយៈពេល ៥០ ឆ្នាំខាងមុខដោយពង្រីកទៅក្នុងបច្ចេកវិទ្យាអចលនទ្រព្យ និងការបណ្តាក់ទុនពហុប្រព័ន្ធផ្សព្វផ្សាយ ។ លោក Ofer គឺជាអ្នកគ្រប់គ្រងក្រុមហ៊ុន Quantum Pacific Group ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនសាជីវកម្មអ៊ីស្រាអ៊ែលក៏ដូចជាប្រធានក្រុមហ៊ុនឡានអគ្គិសនីដែលមានមូលដ្ឋាននៅរដ្ឋកាលីហ្វ័រញ៉ា ។ គាត់ក៏ជាអ្នកត្រួតពិនិត្យបឋមនៃក្រុមហ៊ុនខួងប្រេងនៅតំបន់ប៉ាស៊ីហ្វិចផងដែរ ។

ប្រភព៖ Phnom Penh HR