លោកមហាសេដ្ឋី Michael Krasny ជាប្រធានក្រុមហ៊ុន Sawdust Investment Management Corp

លោក​ Michael Krasny គឺជាប្រធានក្រុមហ៊ុន Sawdust Investment Management Corp ។

ទ្រព្យសម្បត្តិ៖ លោក Michael Krasny

លោក Michael Krasny គឺជាពាណិជ្ជករជនជាតិអាមេរិកម្នាក់ដែលមានទ្រព្យសម្បត្តិសុទ្ធចំនួន ១,២ ពាន់លានដុល្លារ ។ គាត់គឺជាស្ថាបនិក និងជាអតីតនាយកប្រតិបត្តិរបស់ក្រុមហ៊ុន CDW Corporation ដែលបានបង្កើតឡើងក្នុងឆ្នាំ ១៩៨៤ ។ ក្រុមហ៊ុននេះគឺជាអ្នកផ្គត់ផ្គង់ឧបករណ៍បច្ចេកទេសរួមមានកុំព្យូទ័រ និងឧបករណ៍បណ្តាញ ។

គាត់បានបញ្ចប់ការសិក្សានៅសាកលវិទ្យាល័យ Illinois នៅទីក្រុង Urbana-Champaign ។ បន្ទាប់ពីគាត់បានបញ្ចប់ការសិក្សាគាត់បានចាប់ផ្តើមធ្វើការជាអ្នកលក់ឡានតូយ៉ូតានៅហាងលក់រថយន្តឪពុករបស់គាត់ ។ ដោយមិនពេញចិត្តនឹងការងារនេះគាត់បានលាឈប់ពីមុខតំណែងដើម្បីចូលរៀនមុខវិជ្ជាសរសេរកម្មវិធីកុំព្យូទ័រ ។

កិច្ចព្រមព្រៀងមួយដែលធ្វើឱ្យគាត់ទទួលស្គាល់ពីតម្រូវការកុំព្យូទ័រដែលកំពុងកើនឡើង ។ មិនយូរប៉ុន្មានគាត់បានទិញនិងលក់យូនីតកុំព្យូទ័រដែលនាំឱ្យមានការបង្កើតឃ្លាំងបញ្ចុះតម្លៃកុំព្យូទ័រក្នុងឆ្នាំ ១៩៨៤ ។ នៅឆ្នាំ ២០០៦ គាត់បានលក់ក្រុមហ៊ុន CDW ទៅឱ្យក្រុមហ៊ុន Madison Dearborn Partnersក្នុងតម្លៃតែ ៧,៣ ពាន់លានដុល្លារ ។ លោក Michael Krasny បានបម្រើការជាប្រធានក្រុមហ៊ុន Sawdust Investment Management Corp និងជាសប្បុរសជនដ៏ឆ្នើមម្នាក់ផងដែរ ។ គាត់បានផ្តល់ភាគហ៊ុនជាង ៣៥០ លានដុល្លារដល់មូលនិធិសប្បុរសធម៌ ។

ប្រភព៖ Phnom Penh HR