លោកមហាសេដ្ឋី Anand Mahindra ជាប្រធាន និងជានាយកគ្រប់គ្រងនៃក្រុមហ៊ុន Mahindra Group

លោក Anand Mahindra កើតនៅថ្ងៃទី ០១ ខែ ឧសភា ឆ្នាំ ១៩៥៥ គាត់គឺជាប្រធាន និងជានាយកគ្រប់គ្រងនៃក្រុមហ៊ុន Mahindra Group ។ ក្រុមហ៊ុន Mahindra Group គឺជាក្រុមហ៊ុនពាណិជ្ជកម្មដែកថែបហើយសព្វថ្ងៃនេះវាមានវត្តមាននៅក្នុងវិស័យជាច្រើនចាប់ពីវិស័យកសិកម្ម – ពាណិជ្ជកម្មរហូតដល់អាកាសចរណ៍ ។

ហើយវាត្រូវបានគេចាត់ទុកថាជាផ្ទះឧស្សាហកម្មរបស់ឥណ្ឌាមួយដែលមានកេរ្តិ៍ឈ្មោះជាមួយនឹងភាពជាអ្នកដឹកនាំនៅក្នុងទីផ្សារនៅក្នុងអាជីវកម្មបញ្ឈរជាច្រើនរួមមានឧស្សាហកម្មយានយន្ដ, ក្រុមហ៊ុនត្រាក់ទ័រដ៏ធំជាងគេលើពិភពលោក និងក្រុមហ៊ុនរថយន្តពហុយីហោដ៏ធំបំផុតនៅក្នុងប្រទេសឥណ្ឌា និងផ្នែកហិរញ្ញវត្ថុ និងផ្នែកព័ត៍មានវិទ្យាដែលបានផ្តល់សេវាកម្មព័ត៌មានវិទ្យាកំពូលទាំង ៥ ។

លោក Anand Mahindra បានចាប់ផ្តើមអាជីពរបស់គាត់នៅក្រុមហ៊ុន Mahindra Group ជាមួយក្រុមហ៊ុន Mahindra Ugine Steel Ltd ដែលជាជំនួយការនាយកហិរញ្ញវត្ថុ ។​ ហើយនៅឆ្នាំ ១៩៨៩ គាត់ត្រូវបានតែងតាំងជាប្រធាន និងជាអនុប្រធានគ្រប់គ្រងរបស់ក្រុមហ៊ុន ។

ក្នុងកំឡុងពេលបំពេញការងារនៅក្នុងក្រុមហ៊ុន MUSCO គាត់បានផ្តួចផ្តើមធ្វើពិពិធកម្មរបស់ក្រុមហ៊ុន Mahindra Group ទៅក្នុងតំបន់ពាណិជ្ជកម្មថ្មីនៃការគ្រប់គ្រងអចលនទ្រព្យ និងការគ្រប់គ្រងសណ្ឋាគារ ។ ហើយនៅខែ សីហា ឆ្នាំ ២០១២ គាត់បានទទួលតំណែងជាប្រធាន និងជានាយកគ្រប់គ្រងនៃក្រុមហ៊ុន Mahindra Group ពីពូរបស់គាត់គឺលោក Keshub Mahindra ។

ហើយគាត់ត្រូវបានគេស្គាល់ថាជាមនុស្សម្នាក់ក្នុងចំណោមមេដឹកនាំកំពូលៗ ទាំង ៥០ របស់ពិភពលោក និងត្រូវបានគេដាក់បញ្ចូលទៅក្នុងបញ្ជីឈ្មោះមហាសេដ្ឋីពិភពលោកឆ្នាំ ២០១១ ដែលជាពាណិជ្ជករដែលមានឥទ្ធិពលបំផុតទាំង ២៥ នាក់នៅអាស៊ី ។ នេះបើយោងតាមរយះទស្សនាវដ្តី Forbes បានឲ្យដឹងថាលោក Mahindra គឺជាសហគ្រិនដ៏ឆ្នើមប្រចាំឆ្នាំ ២០១៣ ។

ប្រភព៖​ Phnom Penh HR