លោកមហាសេដ្ឋី Francesco Gaetano Caltagirone ជាអ្នកគ្រប់គ្រងក្រុមហ៊ុន Caltagirone S.p.A. ដែលជាក្រុមហ៊ុនវិនិយោគក្នុងការផលិតស៊ីម៉ងត៍ អចលនទ្រព្យ សំណង់ និងការបោះពុម្ភផ្សាយ

លោក Francesco Gaetano Caltagirone ​កើតនៅឆ្នាំ ១៩៤៣ ដែលជាអ្នកជំនួញជនជាតិអ៊ីតាលី ។ គាត់គឺជាអ្នកគ្រប់គ្រងក្រុមហ៊ុន Caltagirone S.p.A. ដែលជាក្រុមហ៊ុនវិនិយោគក្នុងការផលិតស៊ីម៉ងត៍ អចលនទ្រព្យ សំណង់ និងការបោះពុម្ភផ្សាយ ។ គិតត្រឹមឆ្នាំ ២០១៥ គាត់បានជាប់ចំណាត់ថ្នាក់លេខ ៨៩៤ នៅក្នុងបញ្ជីឈ្មោះមហាសេដ្ឋីពិភពលោក ។

ជីវប្រវត្តិ៖

លោក Francesco និងបងប្អូនប្រុសរបស់គាត់ឈ្មោះ Edoardo Francesco Caltagirone និង Leonardo Francesco Caltagirone បានបន្តអាជីវកម្មគ្រួសាររបស់ពួកគេ ។ ហើយពួកគេបានចាប់ផ្តើមបង្កើតក្រុមហ៊ុនរួមគ្នាជាមួយបងប្អូនជីដូនមួយរបស់ពួកគេឈ្មោះ Gaetano Caltagirone ។ លោក Francesco បានក្លាយជាដៃគូអាជីវកម្មនៅក្នុងក្រុមហ៊ុនហើយចាប់តាំងពីពេលនោះមកក្រុមហ៊ុនរបស់ពួកគេត្រូវបានគេស្គាល់ថាជាក្រុមហ៊ុន Caltagirone Group or Caltagirone S.p.A ដោយបានចាប់ផ្តើមសាងសង់អគារអចលនៈទ្រព្យប្រមាណ ២០០ កន្លែងដែលមានអាគារជិត ៨០០ អគារដែលមានវិមាត្រជិត ៣.៣ លានម៉ែត្រការ៉េនិងមានតម្លៃ ១៥ ពាន់លានអឺរ៉ូ ។

នៅទសវត្សទី ៦០ សមតុល្យសមធម៌រវាងលោក Francesco និងបងប្អូនជីដូនមួយរបស់គាត់គឺលោក Gaetano Caltagirone ត្រូវបានផ្លាស់ប្តូរហើយលោក Francesco បានក្លាយជាផ្នែកមួយនៃម្ចាស់ភាគហ៊ុនភាគច្រើនដោយឈរជើងស្មើគ្នាជាមួយបងប្រុសរបស់គាត់ឈ្មោះ Edoardo Francesco Caltagirone ។

ក្នុងឆ្នាំ ១៩៨៤ លោក Francesco បានកាន់កាប់ក្រុមហ៊ុន Vianini Lavori S.p.A. ដែលបច្ចុប្បន្ននេះវាជាផ្នែកមួយនៃក្រុមហ៊ុន Caltagirone Group ដែលប្រតិបត្តិការនៅទូទាំងពិភពលោកលើគម្រោងហេដ្ឋារចនាសម្ព័ន្ធធំៗ ។ បន្ទាប់ពីការរៀបចំរចនាសម្ព័ន្ធឧស្សាហកម្មពេញលេញក្រុមហ៊ុនត្រូវបានចុះបញ្ជីទៅជាក្រុមហ៊ុនបុត្រសម្ព័ន្ធពីរគឺក្រុមហ៊ុន Vianini Lavori S.p.A និងក្រុមហ៊ុន Vianini Industria S.p.A ។

នៅក្នុងឆ្នាំ ១៩៩២ លោក Francesco បានកាន់កាប់ក្រុមហ៊ុន Cementir S.p.A ដែលជាក្រុមហ៊ុនអ៊ីតាលីធំជាងគេនៅលំដាប់ទី ៤ នៅក្នុងឧស្សាហកម្មផលិតស៊ីម៉ងត៍ដែលទទួលបានដោយ IRI (Istituto per la Ricostruzione Industriale) តាមរយៈការដេញថ្លៃជាសាធារណៈ ។ ក្នុងរយៈពេលពីរបីឆ្នាំក្រោមការដឹកនាំរបស់កូនប្រុសគាត់ក្រុមហ៊ុន Cementir S.p.A បានក្លាយជាក្រុមហ៊ុនពហុជាតិដែលមានវត្តមានយ៉ាងសំខាន់នៅប្រទេស Scandinavia និង Turkey ។

នៅពាក់កណ្តាលទសវត្សទី ៩០ គាត់បានកាន់កាប់ការគ្រប់គ្រងក្រុមហ៊ុន Caltagirone Group ដោយចូលរួមជាមួយភាគហ៊ុនរបស់បងប្អូនជីដូនមួយរបស់គាត់ឈ្មោះ Gaetano Caltagirone នៅក្នុងក្រុមហ៊ុន Finanziaria Italia ។ លោក Francesco បានកាន់កាប់ប្រហែលជា ៧០% នៃក្រុមហ៊ុន Finanziaria Italia ដោយគ្រប់គ្រងប្រហែល ៥១% នៃក្រុមហ៊ុន Caltagirone S.p.A. ។ នៅឆ្នាំ ២០០៧ គាត់ត្រូវបានតែងតាំងជានាយកប្រតិបត្តិរបស់ក្រុមហ៊ុន Assicurazioni Generali S.p.A ដែលត្រូវបានតែងតាំងជាអនុប្រធាននៅខែ មេសា ឆ្នាំ ២០១០ ។

ប្រភព៖​ Phnom Penh