លោកមហាសេដ្ឋី Silvio Berlusconi ជាម្ចាស់ក្រុមហ៊ុន Mediaset និងជាម្ចាស់ក្លឹបបាល់ទាត់អ៊ីតាលី AC Milan

លោក Silvio Berlusconi កើតនៅថ្ងៃទី ២៩ ខែ កញ្ញា ឆ្នាំ ១៩៣៦ គាត់គឺជាម្ចាស់ក្រុមហ៊ុន Mediaset និងជាម្ចាស់ក្លឹបបាល់ទាត់អ៊ីតាលី AC Milan ពីឆ្នាំ ១៩៨៦ ដល់ឆ្នាំ ២០១៧ ។ នេះបើយោងតាមរយះទស្សនាវដ្តី Forbes បានចាត់ថ្នាក់លោក Silvio គឺជាមានជាងគេបំផុតទី ១៨៨ នៅលើពិភពលោកដែលមានទ្រព្យសម្បត្តិប្រមាណ ៧,១ ពាន់លានដុល្លារ ។

ក្នុងឆ្នាំ ២០០៩ យោងតាមរយះទស្សនាវដ្តី Forbes បានឲ្យដឹងថាលោក Silvio បានជាប់នៅលំដាប់ទី ១២ នៅក្នុងបញ្ជីឈ្មោះមហាសេដ្ឋីពិភពលោកដែលជាអ្នកមានឥទ្ធិពលបំផុតនៅលើពិភពលោកដោយសារតែការត្រួតត្រានៅក្នុងគោលនយោបាយរបស់ប្រទេសអ៊ីតាលី ។ លោក Silvio គាត់គឺជាមហាសេដ្ឋីសារព័ត៌មានអ៊ីតាលី និងជាអ្នកនយោបាយដែលបានបម្រើការជានាយករដ្ឋមន្ត្រីនៅក្នុងប្រទេសអ៊ីតាលីដែលស្ថិតនៅក្នុងជួររដ្ឋាភិបាលចំនួនបួនផងដែរ ។

ហើយគាត់បានធ្វើជានាយករដ្ឋមន្រ្តីអស់រយៈពេល ៩ ឆ្នាំដែលធ្វើឱ្យគាត់បានក្លាយជានាយករដ្ឋមន្រ្តីក្រោយសង្គ្រាមដែលបានបម្រើការរយះពេលយូរជាងគេហើយជាអ្នកកាន់តំណែងយូរជាងគេទីបីចាប់តាំងពីការបង្រួបបង្រួមរបស់ប្រទេសអ៊ីតាលីបន្ទាប់ពីលោក Benito Mussolini និងលោក Giovanni Giolitti ។ លោក Silvio ជាមេដឹកនាំគណបក្សនិយមកណ្ដាល Forza Italia ពីឆ្នាំ ១៩៩៤ ដល់ឆ្នាំ ២០០៩ និងជាគណបក្សស្នងរាជ្យរបស់ប្រជាជនសេរីភាពពីឆ្នាំ ២០០៩ ដល់ឆ្នាំ ២០១៣ ។ ចាប់តាំងពីខែ វិច្ឆិកា ឆ្នាំ ២០១៣ គាត់បានដឹកនាំគណបក្សនិយមកណ្ដាល Forza Italia ។

លោក Silvio ធ្លាប់ជាមេដឹកនាំជាន់ខ្ពស់របស់ G8 ពីឆ្នាំ ២០០៩ ដល់ឆ្នាំ ២០១១ ហើយបច្ចុប្បន្នគាត់ទទួលបានកំណត់ត្រាជាម្ចាស់ផ្ទះនៃកិច្ចប្រជុំកំពូល G8 ដែលបានធ្វើជាម្ចាស់ផ្ទះនៅប្រទេសអ៊ីតាលីចំនួន ៣ ដងផងដែរ ។ បន្ទាប់ពីគាត់បានបម្រើការងារជិត ១៩ ឆ្នាំដែលជាសមាជិកសភានៃប្រទេសអ៊ីតាលីបន្ទាប់ពីការបោះឆ្នោតទូទៅនៅឆ្នាំ ២០១៣ ហើយក៏បានក្លាយជាសមាជិកព្រឹទ្ធសភា ។

នៅថ្ងៃទី ១ ខែ សីហា ឆ្នាំ ២០១៣ លោក Silvio ត្រូវបានផ្តន្ទាទោសពីបទឆបោកពន្ធដោយបណ្តឹងឧទ្ធរណ៍រួមជាមួយនឹងការហាមឃាត់របស់ការិយាល័យសាធារណៈរយៈពេល ២ ឆ្នាំ ដោយសារតែត្រូវបានផ្តន្ទាទោសឱ្យជាប់ពន្ធនាគារជាងពីរឆ្នាំដែលធ្វើឲ្យច្បាប់នៅក្នុងប្រទេសអ៊ីតាលីថ្មីនៅក្នុងព្រឹទ្ធសភាបានបណ្តេញគាត់ចេញពីតំណែង និងរារាំងគាត់មិនឱ្យបម្រើការក្នុងស្ថាប័ននីតិប្បញ្ញត្តិអស់រយៈពេល ៦ ឆ្នាំ ។ លោក Silvio បានសន្យាថានឹងបន្តដឹកនាំគណបក្សនិយមកណ្ដាល Forza Italia នៅក្នុងអំទ្បុងពេលដែលគាត់កំពុងជាប់ពន្ធនាគារ និងការហាមឃាត់របស់ការិយាល័យសាធារណៈ ។

ទ្រព្យសម្បត្តិ៖ Silvio Berlusconi

លោក Silvio គឺជាអតីតនាយករដ្ឋមន្រ្តីនៃប្រទេសអ៊ីតាលី និងជាមហាសេដ្ឋីលើប្រព័ន្ធផ្សព្វផ្សាយ និងជាម្ចាស់ក្រុមកីទ្បាបាល់ទាត់ជម្រើសជាតិ AC Milan ។ លោក Silvio មានទ្រព្យសរុបប្រមាណ ៩,២២ ពាន់លានដុល្លារនៅខែ មករា ឆ្នាំ ២០១៨ ។ ហើយគាត់គឺជាមហាសេដ្ឋីដែលមានជាងគេបំផុតនៅក្នុងអ៊ីតាលី និងជានាយករដ្ឋមន្រ្តីដែលបានកាន់តំណែងយូរជាងគេបំផុតរបស់ប្រទេសអ៊ីតាលីផងដែរ ។

ប្រភព៖​ Phnom Penh HR