លោកមហាសេដ្ឋី Rakesh Gangwal ជាអតីតនាយកប្រតិបត្តិ និងជាប្រធានក្រុមហ៊ុនអាកាសចរណ៍អាមេរិក Airways Group

លោក Rakesh Gangwal គឺជាអតីតនាយកប្រតិបត្តិ និងជាប្រធានក្រុមហ៊ុនអាកាសចរណ៍អាមេរិក Airways Group ។ ចាប់ពីខែ មិថុនា ឆ្នាំ ២០០៣ ដល់ខែ សីហា ឆ្នាំ ២០០៧ លោក Gangwal គឺជាប្រធាន និងជានាយកប្រតិបត្តិរបស់ក្រុមហ៊ុន Worldspan Technologies, Inc. ដែលជាអ្នកផ្តល់បច្ចេកវិទ្យាធ្វើដំណើរ និងសេវាកម្មព័ត៌មានដល់ឧស្សាហកម្មធ្វើដំណើរ និងដឹកជញ្ជូន ។

ចាប់តាំងពីឆ្នាំ ២០០២ ដល់ ២០០៣ លោក Gangwal បានខិតខំប្រឹងប្រែងនៅក្នុងក្រុមហ៊ុនអាជីវកម្មផ្ទាល់ខ្លួនរបស់គាត់ជាច្រើនរួមមានគម្រោងភាគហ៊ុនឯកជន និងគម្រោងពិគ្រោះយោបល់ ។ ហើយគាត់ក៏ជាអតីតប្រធាន និងជានាយកប្រតិបត្តិនៃក្រុមហ៊ុនអាកាសចរណ៍អាមេរិក Airways Group ចាប់ពីឆ្នាំ ១៩៩៨ រហូតដល់ការលាលែងពីតំណែងរបស់គាត់ក្នុងឆ្នាំ ២០០១ ។ គាត់គឺជាសហស្ថាបនិករបស់ក្រុមហ៊ុនអាកាសចរណ៍ Indigo ។

លោក Gangwal កើតនៅទីក្រុង Kolkata ប្រទេសឥណ្ឌាក្នុងឆ្នាំ ១៩៥៣ ។ គាត់ទទួលបានបរិញ្ញាបត្របច្ចេកវិទ្យាផ្នែកវិស្វកម្មមេកានិកពីវិទ្យាស្ថានបច្ចេកវិទ្យា Kanpur និងបានបញ្ចប់ថា្នក់អនុបណ្ឌិតរដ្ឋបាលពាណិជ្ជកម្មពីសាលាពាណិជ្ជកម្មហាវ៉ាតុននៃសាកលវិទ្យាល័យផេនស៊ីលវេនៀផងដែរ ។ មុនចូលបម្រើការងារនៅក្នុងក្រុមហ៊ុនអាកាសចរណ៍អាមេរិកអ៊ែរវ៉េគាត់បានបម្រើការជាអនុប្រធានប្រតិបត្តិរបស់ក្រុមហ៊ុនអាកាសចរណ៍អ៊ែរវ៉េរបស់ប្រទេសបារាំងដោយបានចាប់ផ្តើមនៅខែ វិច្ឆិកា ឆ្នាំ ១៩៩៤ ។

សមាគមរបស់គាត់ជាមួយឧស្សាហកម្មអាកាសចរណ៍បានចាប់ផ្តើមនៅខែ កញ្ញា ឆ្នាំ ១៩៨០ នៅពេលដែលគាត់ធ្វើជាសហការីរបស់ក្រុមហ៊ុន Booz Allen & Hamilton, Inc ។  ហើយក្រោយមកគាត់បានធ្វើការយ៉ាងជិតស្និទ្ធជាមួយក្រុមហ៊ុនអាកាសចរណ៍ United Airlines ។ នៅឆ្នាំ ១៩៨៤ លោក Gangwal បានចូលបម្រើការងារនៅក្នុងក្រុមហ៊ុនអាកាសចរណ៍ United ក្នុងនាមជាអ្នកគ្រប់គ្រងផែនការយុទ្ធសាស្ត្រ ។ គាត់បានកាន់មុខតំណែងជាបន្តបន្ទាប់នៅក្នុងក្រុមហ៊ុនអាកាសចរណ៍ United ។ កាលពីមុនគាត់ក៍ធ្លាប់ធ្វើជាអ្នកវិភាគផ្នែកហិរញ្ញវត្ថុនៅក្នុងក្រុមអភិវឌ្ឍន៍ផលិតផលរបស់ក្រុមហ៊ុន Ford Motor Co. និងជាវិស្វករផលិតកម្ម និងផែនការជាមួយក្រុមហ៊ុនហ្វីលីពនៅក្នុងប្រទេសឥណ្ឌាផងដែរ ។

លោក Gangwal បានចាប់ផ្តើមចូលបម្រើការនៅក្នុងក្រុមប្រឹក្សាភិបាលដែលជាទីប្រឹក្សានៃសាកលវិទ្យាល័យ Colorado (Denver) និងជាក្រុមប្រឹក្សាភិបាលនៃអ្នកផ្តល់សេវាកម្ម និងជាក្រុមប្រឹក្សាភិបាលនៃក្រុមហ៊ុនអាកាសចរណ៍បោះពុម្ភពន្ធអាកាសចរណ៍ និងជាក្រុមប្រឹក្សាភិបាលនៃមជ្ឈមណ្ឌលវេជ្ជសាស្ត្រអាឡិចសាន់ឌឺរ ។ ហើយគាត់ត្រូវបានគេប្រគល់ឱ្យនូវពានរង្វាន់ Alumnus កិត្តិយសពីវិទ្យាស្ថានបច្ចេកវិទ្យា Kanpur​ របស់ប្រទេសឥណ្ឌាផងដែរ ។

ប្រភព៖ Phnom Penh HR