លោកមហាសេដ្ឋី Haim Saban ជាស្ថាបនិករបស់ក្រុមហ៊ុន Saban Entertainment និងជាផលិតករខ្សែភាពយន្ត

លោក Haim Saban កើតនៅថ្ងៃទី ១៥ ខែ តុលា ឆ្នាំ ១៩៤៤ ដែលជាម្ចាស់ក្រុមហ៊ុនប្រព័ន្ធផ្សព្វផ្សាយ និងជាអ្នកវិនិយោគ និងជាផលិតករខ្សែភាពយន្ត និងជាសប្បុរសជនម្នាក់ផងដែរ ។ គាត់គឺអ្នកជំនួញម្នាក់ដែលមានចំណាប់អារម្មណ៍លើសេវាកម្មហិរញ្ញវត្ថុ ការកម្សាន្ត និងប្រព័ន្ធផ្សព្វផ្សាយ ។

លោក Saban មានទ្រព្យសម្បត្តិសរុបប្រមាណ ៣ ពាន់លានដុល្លារហើយគាត់ត្រូវបានគេចាត់ចូលទៅក្នុងបញ្ជីឈ្មោះមហាសេដ្ឋីពិភពលោកដោយទស្សនាវដ្តី Forbes ដែលជាអ្នកមានជាងគេបំផុតទី ២៣២ នៅសហរដ្ឋអាមេរិក ។ លោក​ Saban គឺជាស្ថាបនិករបស់ក្រុមហ៊ុន Saban Entertainment និងជាផលិតករខ្សែភាពយន្ត និងជាចែកចាយកម្មវិធីនៅក្នុងទូរទស្សន៍របស់កុមារនៅសហរដ្ឋអាមេរិក ។

លោក​ Saban បានទិញយកប្រព័ន្ធផ្សព្វផ្សាយ ProSiebenSat.1 Media និង Univision Communication ។ គាត់គឺជាអ្នកផ្តល់ជំនួយដ៏សំខាន់ម្នាក់ដល់គណបក្សប្រជាធិបតេយ្យអាមេរិកហើយគាត់ក៏សកម្មនៅក្នុងកិច្ចខិតខំប្រឹងប្រែងខាងនយោបាយគាំទ្រអ៊ីស្រាអែលនៅសហរដ្ឋអាមេរិកផងដែរ ។

ទ្រព្យសម្បត្តិ៖ Haim Saban

លោក Haim Saban គឺជាម្ចាស់ក្រុមហ៊ុនប្រព័ន្ធផ្សព្វផ្សាយ និងជាអ្នកវិនិយោគ និងជាផលិតករខ្សែភាពយន្តដែលមានទ្រព្យសម្បត្តិសុទ្ធប្រមាណ ៣.៤ ពាន់លានដុល្លារ ។ គាត់បានបង្កើតទ្រព្យសម្បត្តិរបស់គាត់តាមរយះការគ្រប់គ្រងលើប្រព័ន្ធផ្សព្វផ្សាយ និងជាស្ថាបនិករបស់ក្រុមហ៊ុន Saban Entertainment ដែលជាក្រុមហ៊ុនទូរទស្សន៍កម្សាន្តរបស់កុមារ ។

ហើយគាត់ក៏ជាអ្នកនិពន្ធបទចំរៀងសម្រាប់ខ្សែភាពយន្តទូរទស្សន៍របស់កុមារមួយចំនួនរួមមាន “Inspector Gadget” និង “He-Man” ។ គាត់ក៏បានផលិតករផលិតរឿងតុក្កតារបស់ជប៉ុនផងដែររួមមាន “Power Rangers” និង “VR Troopers” ។ គាត់គឺជាមនុស្សម្នាក់ដែលទទួលបានជោគជ័យនៅក្នុងអាជីវកម្មដំបូងរបស់គាត់ជាមួយកម្មវិធីទូរទស្សន៍សម្រាប់កុមារដូចជារឿង Morphin Power Rangers នៅដើមទសវត្សឆ្នាំ ១៩៩០ ។

បច្ចុប្បន្ននេះគាត់គឺជាអ្នកគ្រប់គ្រង Univision ដែលជាបណ្តាញទូរទស្សន៍ដ៏ធំជាងគេនៅលំដាប់ទី ៥ នៅសហរដ្ឋអាមេរិក ។ ក្នុងឆ្នាំ ២០០៥ ត្រូវបានគេមើលឃើញថាលោក Saban បានលក់ប៉ុស្តិ៍ទូរទស្សន៍ Fox Family Channel ដែលជាការបណ្តាក់ទុនរួមគ្នាជាមួយក្រុមហ៊ុន News Corp. ដល់ទៅ ៥ ពាន់លានដុល្លារ ។

ក្នុងឆ្នាំ ២០០៧ លោក Saban និងក្រុមវិនិយោគិនឯកជនមួយក្រុមបានទិញយក Univision ក្នុងតម្លៃ ១៣,៧ ពាន់លានដុល្លារដោយទទួលបានភាគហ៊ុនដែលឥឡូវមានតម្លៃ ៦០០ លានដុល្លារ ។ ការបន្ថែមទ្រព្យសម្បត្តិចុងក្រោយរបស់គាត់គឺការគ្រប់គ្រងភាគហ៊ុននៅក្នុងក្រុមហ៊ុនទូរគមនាគមន៍របស់អ៊ីស្រាអែលដែលជាដៃគូពាណិជ្ជកម្មសាធារណៈដែលគាត់បានទិញយកកាលពីខែ មករា ឆ្នាំ ២០១៣ ។

លោក Saban រួមគ្នាជាមួយភរិយារបស់គាត់គឺលោកស្រី Cheryl Saban បានបរិច្ចាគជិត ៤៧ លានដុល្លារដល់មន្ទីរពេទ្យកុមារ Los Angeles ។ ហើយចំណែក ១១ លានដុល្លារទៀតបានផ្តល់ទៅឱ្យ គ្លីនិក និងថវិកាជាង ១៥ លានដុល្លារត្រូវបានផ្តល់ដល់មជ្ឈមណ្ឌលវេជ្ជសាស្ត្រ Soroka នៅអ៊ីស្រាអែល ។

ប្រភព៖ Phnom Penh HR