លោកមហាសេដ្ឋី Fred Chang ជាស្ថាបនិក និងជានាយកប្រតិបត្តិរបស់ក្រុមហ៊ុន Newegg ដែលជាក្រុមហ៊ុនលក់កុំព្យូទ័រ និងជាអ្នកបង្កើតកម្មវិធី software computer

លោក Fred Chang គឺជាសហគ្រិនជនជាតិអាមេរិកដែលមានដើមកំណើតមកពីតៃវ៉ាន់ ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Newegg ដែលជាក្រុមហ៊ុនលក់កុំព្យូទ័រ និងជាអ្នកបង្កើតកម្មវិធី software computer ។ គាត់ត្រូវ​បានចាត់ចូលទៅក្នុងបញ្ជីឈ្មោះមហាសេដ្ឋីពិភពលោកឆ្នាំ ២០១៤ តាមរយះទស្សនាវដ្តី Forbes និងជាប់ចំណាត់ថ្នាក់នៅឆ្នាំ ២០១៥ ។

លោក Fred Chang គឺជាម្ចាស់ក្រុមហ៊ុន ABS Computers ដែលជាក្រុមហ៊ុនបញ្ជាទិញតាមអ៊ីម៉ែលដែលលក់កុំព្យូទ័រ និងប្រព័ន្ធហ្គេមខ្ពស់ដែលមានមូលដ្ឋាននៅទីក្រុងវីលធីរដ្ឋកាលីហ្វ័រញ៉ា ។ ដោយបានផ្អែកលើបទពិសោធន៍របស់គាត់បានបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Newegg ក្នុងឆ្នាំ ២០០១ ។ ក្រុមហ៊ុន Newegg បានរីកចម្រើនក្លាយជាក្រុមហ៊ុនដែលរកប្រាក់ចំណូលបានរាប់ពាន់លានដុល្លារ ។ ហើយវាបានក្លាយជាក្រុមហ៊ុនលក់តាមអ៊ិនធរណេតដ៏ធំជាងគេទីពីរនៅសហរដ្ឋអាមេរិក ។

នៅខែ សីហា ឆ្នាំ ២០០៨ គេបានប្រកាសថាលោក Fred នឹងលាឈប់ពីតំណែងជានាយកប្រតិបត្តិ និងជាប្រធានក្រុមហ៊ុន Newegg ខណៈពេលដែលគាត់នៅតែជាសមាជិកក្រុមប្រឹក្សាភិបាល និងជាគណៈកម្មាធិការប្រតិបត្តិ ។ ហើយគាត់ក៏បានរក្សាតួនាទីរបស់គាត់ជាប្រធាននៃប្រតិបត្តិការរបស់ក្រុមហ៊ុន Newegg ផងដែរ ។ ក្នុងឆ្នាំ ២០១០ នៅពេលដែលលោក Liu បានចាកចេញពីតំណែងលោក Fred បានកាន់តួនាទីចាស់ជានាយកប្រតិបត្តិរបស់ក្រុមហ៊ុន។

លោក Fred Chang គឺជាស្ថាបនិករបស់ក្រុមហ៊ុន Newegg និងជាអ្នកមើលការខុសត្រូវលើក្រុមហ៊ុនលក់គ្រឿងអេឡិចត្រូនិកដែលរកចំណូលបាន ២,៦ ពាន់លានដុល្លារក្នុងមួយឆ្នាំ ។ 

ប្រភព៖ Phnom Penh HR